「總知我幫你起咗二十五針,你每織完一行就數一次睇吓有冇多有冇少啦。」
 
我們就在地鐵站裡,上了一課家政課。
 
在我人生中的認知當中,一直也認為織頸巾是女生在追求男生的專利。
 
想不到如今,我也要踏入這領域。
 
麥俊傑,你都有今日啦。
 


「嘩,唔係真事呀嘛?」
 
因為不能讓家人知道,因此呆在家中編織頸巾的時間不多,我必須把毛冷帶回學校,好讓能在嚴寒之前把頸巾送出。
 
而加拿大仔和肥正見此,馬上前來慰問。
 
「估唔到我地既傑哥仔為咗追女神,就連自己都可以出賣。」
 
「唔係呀,我覺得成件事幾浪漫呀。」雞脾姐玩弄著其中一團毛冷。
 


「如果要做埋晒啲女人野先可以有拖拍,我寧願一世單身。」加拿大對我極為不屑。
 
「所以你冇拖拍囉。」
 
我沒太多時間理會他們,專注於手中的頸巾。因為只要我一不留神,便會出事。
 
「咁你諗住幾時送俾佢呀?」
 
「聖誕之前。」我心中暗地盤算著,還有大約兩個月﹕「我送俾佢之後,佢就會做我女朋友。」
 


「吓,邊有得講定架?」雞脾姐不太明瞭我和cynthia的相處之道。
 
不要緊,我也不太懂。
 
「我唔理得咁多,我剩係知道佢會係我女朋友,只係時間既問題﹗」我掏出手機,按至CYNTHIA的WHATSAPP ICON,正是我和她在水運會當日的合照。
 
「嘩嘩嘩,不得了不得了……」肥正也查閱我的ICON道﹕「死啦,連ICON都係同一張,唔通真係俾你條死仔追到女神?」
 
「乜你好唔想我追到佢咩?」
 
「唔好咁老定住先啦朋友……」加拿大仔嘆息並收回電話﹕「織埋你條爛鬼頸巾先啦。」
 
實不相瞞,當下的我是在內心中盤算著如何利用紙條織成一條頸巾再燒給加拿大仔。
 
「喂,你唔係小息約咗MISS.TIN補測返上次嗰份QUIZ咩?」雞脾姐瞄著黑板上的時鐘﹕「仲有五分鐘就完小息啦喎。」


 
「你做咩唔早啲同我講呀?」
 
「冇呀,見你織得咁起勁,唔想阻到你呀嘛。」
 
我無閒作任何反辯,隨手抄起筆袋便奔出課室﹕「如果我返嚟見到條頸巾唔響同一個位到既話,我會殺咗你地。」
 
可是不知是否除了我之外,MISS.TIN也忘記了補測這一回事。
 
我百無聊賴的放空望著教員室外的壁報板,一邊等待著MISS.TIN的身影出現在我眼前。
 
「麥俊傑﹗」
 
身影倒是等不到,但卻聽到一把有點耳熟的聲音叫喚著我的名字。
 


CYNTHIA?
 
不,是MISS.WAT。
 
「做咩事呀?」我對她還是有點介心,再者,也沒有太大的好感。
 
「聽講你最近好似想追個女仔喎,係咪真架?」
 
原來和我想的一模一樣,還不是因「八卦」兩字而查問?但任我想也想不到的是,她居然厚臉皮的直接找當時人問清楚。
 
「關你咩事?」
 
「冇呀,想關心吓你地班學生呀嘛。」說什麼關心,根本只是想滿足你的好奇心吧﹗
 
「我返學係為咗讀書。」


 
「咁諗就啱啦,唔好再追師姐啦,專心啲讀書啦。」
 
原諒我以上的對話如此的無禮,但這可是我人生頭一次那麼想向一位女性揮拳。
 
其實真係完全唔關你事,可唔可以唔好咁多野講?
 
「嗯。」
 
想MISS.TIN應該真的忘了有此事,待在此處有可能被MISS.WAT挪揄,還是趕緊回課室埋首於頸巾吧。
 
反正我整天的思緒都被手中的頸巾纏住。一來生怕無法在聖誕之前送出,二來就是若我一不留神,便會忘記剛剛是高針還是低針……
 
簡單嚟講,作為一個手工白痴既我,一嚟就俾啲咁大既任務俾我,我好難唔失敗。
 


果不其然,一個星期後的我也是名乎其實地FUCK UP了。