每個人，都試過鍾意一個讀VA既女仔: 第五十四章

「點呀，諗住幾時送呀？」加拿大仔在早會時耳語道。
 
「我都未諗過呀，見到既時間俾佢囉。」
 
的確，我並未為當下作任何準備，因我的心既緊張又興奮，早已無法冷靜地思考任何事。
 
就在此時，排在別處的CYNTHIA與我對視。
 
我盡量壓抑著內心的奔赴，報以微笑。
 


佢冇理過我，頭擰返向前方。
 
「啫係點？佢今日唔開心？」肥正也把她的表情放進眼內。
 
「唔係既……可能佢都好緊張，一時唔知俾咩反應我啫。」我自我安慰著。
 
「今日會唔會唔係一個好日子呀？」加拿大仔也為我緊張起來。
 
「唔得，一定要係今日。」這是我倆的承諾，絕對不能有任何差錯﹕「如果唔係今日既話，我唔知仲搵唔搵到機會。」
 


「傻既，係你既，清明節表白都成功。」
 
整天的課，我都沒有專心聽過老師教的一句話，雙手也沒有持著圓珠筆，穩穩地握著那裝有頸巾的袋，生怕它突然不見。
 
就這樣，一直到了放飯時段。
 
「兄弟，準備好未？」肥正把我的飯盒掏空後再放回我的面前。
 
「嗯……」握著袋的手握得更緊，早已汲出汗來。
 


「去馬啦﹗」
 
肥正一手把我推開，CYNTHIA正好獨自一人坐在空無一人的長桌。
 
那個仲唔係一個大好機會？
 
「送……送俾你架。」我鼓起平生以來最大的勇氣，雙手把頸巾遞過。
 
「……」
 
CYNTHIA冷漠地單手接過，放在桌上未有觀看。
 
怎麼……與我之前想的不太一樣？
 
「你……」我見勢色不對，本想詢問道。誰不知突然有兩位女生坐在CYNTHIA身旁。


 
是她的朋友。
 
本身我已慌張得快要開不了口，更何況多了兩位旁觀者？
 
「冇乜野……我返去先啦……」也許是時機不對吧，我轉頭腳回到肥正那桌。
 
「多謝。」
 
CYNTHIA在我離去時冒出一句多謝，令我更為不解，
 
「做咩事呀？」肥正見我滿臉困惑便問道。
 
「我都唔知。」
 


回頭一轉，CYNTHIA與她的友人早已不在。可幸的是，她還是有把我的頸巾帶走。
 
「挑，等我仲以為有野睇。」加拿大仔步回課室後一屁股坐在座位上，打算來個午睡。
 
「我……係咪做錯咗啲咩？」
 
「冇既……」肥正把功課拿到我面前並開始工作﹕「理論上。」
 
「咩意思？」
 
「咁如果你嗰部份冇錯既話，錯既咪就係佢囉。」肥正沒把頭擰上，只顧自己的作業之上。
 
「可唔可以再講清楚啲？」
 
「頂，啫係佢未準備好呀﹗」


 
未準備好？
 
「可能佢又唔知做咩心情唔好呢，你又等吓佢好返啲先啦。」肥正沒好氣地回應道。
 
又是這樣子嗎……
 
老實說，都不知是第幾次了。
 
可是，內心裡的不安感還是不停地湧現，總覺得事情並不是肥正所說的如此簡單。
 
「有空嗎？」
 
回到家後，對今午的事依賴念念不忘。
 


我想像中的畫面，待給予了頸巾後，CYNTHIA報以一個甜絲絲的微笑，隨後送贈一個香薰。
 
之後放學，二人手牽手的彳亍散步。最後到達她家樓下，和情人深深一吻來代替講話。
 
好嗎？
 
「？」
 
這是她在whatsapp上的回覆。