每個人，都試過鍾意一個讀VA既女仔: 第六十一章

「快啲影低張設計圖，之後整個實物俾佢啦。」雞脾姐補充道﹕「讀設計既人，最想就係將自己既設計變到實物。」
 
「話變就變咩……」猶記得那條頸巾，害我的頭髮都不知掉了多少根。
 
不過講開又講，我仲未見過cynthia戴過我送俾佢既頸巾……
 
「女人最鍾意就係心思野，整得靚唔靚係其次。」
 
雞脾姐的話，是否可信？
 


我已無暇去思考，如在大海中心溺水的我，只要見到一根稻草，也必定抓得死死的。
 
就來想個辦法弄出個實物﹗
 
「哥哥仔，想要咩呀？」
 
網上找尋資料後，得知深水埗有條名為「布街」的街道，裡頭專門販賣各式各樣與布料有關的材料。
 
「我想要……白色既布。」
 


「咩布呀？」
 
因為實在是不想麻煩到身邊的人，因此是次之行並沒有帶上任何朋友。
 
「嗯……」也正因如此，我被問得啞口無言，低頭沉思。
 
「其實就咁既，我就想照住張設計圖嚟整個環保袋送俾人，唔知你有冇辦法對住張設計圖嚟話返俾我知，我應該買啲咩呢？」
 
相信這要求，那位中年女性店主應該聽也不曾聽過。
 


只見她接過我的電話，戴上掛住脖子的老花眼鏡，仔細地盯著cynthia所畫的設計圖。
 
「整俾女朋友仔呀？」
 
「嗯？」
 
我們對望了好幾秒，感覺上若我不答予一個令她滿意的答案，絕不會替我拿取我所需的材料。
 
「嗯……」
 
「係定唔係啫？」
 
看來我未能說出一個曖昧而帶點朦朧的答覆。
 
「係……」


 
「咩呀？」
 
她到底是有多渴望我出醜的場面？
 
「其實如果你幫我唔到既話，我可以去問第二間……」我伸手想奪回電話。
 
「響到等吓啦，入面搵俾你。」該女人想必是得知我的企圖，沒有給予讓我拿回電話的空間，一個轉身便躲裡店裡。
 
但這反而讓我換取一刻喘息。
 
「呢到加埋就齊頭一百蚊。」我無法判斷價格的高與低，立馬掏出金錢便離去。
 
好了，問題出現了。
 


我捧住一袋布料，甚至有了設計圖。
 
咁……說明書呢？我點樣將啲布合體變成環保袋？
 
問朋友？不，我就是為了不想打擾他們才單獨出門。問剛剛那個店主？才不，我不要再被她問長問短。
 
看來，只能靠自己雙手。
 
「所以你隻手就搞成咁？」miss.tin盯著我十根都貼上膠布的指頭。
 
「係呀，唔係你以為係咩？」
 
「傻仔，邊有人用針線架，咩時代既人嚟架？」moss.tin對我的經歷表現出一副訕笑的表情。
 
「我邊到識呢啲女人野呀……」


 
「好彩我中學既時候，家政就幾高分，等我幫吓你啦。」miss.tin掏出電話﹕「miss.ho，我想問你借一借家政室，一個lunchtime就夠架啦。」
 
「今日lunchtime唔好食飯啦，直接上嚟啦。」
 
「冇理由既，我女神又點會俾你同佢單獨響家政室？唔得，我又要跟埋嚟﹗」加拿大仔聽罷我不跟他們放飯的原因後，急得直跺著腳。
 
「你放心啦，傑哥仔依家個心得一條女，放唔落第二個架啦。」兄弟就是這樣，縱使吵架，隔天又是搭著肩膀稱兄道弟。
 
「你放心啦，就算我真係對miss.tin冇興趣，都唔會俾你追到佢。」我背向他們揮手而馳。