每個人，都試過鍾意一個讀VA既女仔: 第六十二章

「呢部係……」面對著完全陌生的機器，甚至連開關按鈕都找不到。
 
「搞錯呀，你有冇上過家政堂架？」只見miss.tin熟稔地開啟名為「車衣機」的機器。
 
「吓……有教過？」基本上家政科的功課，要不是找來母親大人幫忙，就是乾脆付錢尋求協助。
 
有錢，就是任性。
 
才不，要不然我傾家蕩產也要換取cynthia的愛。
 


「嗱，一開始就來回車幾次先，之後就一野推過去，最尾都係來回車幾次。你試吓﹗」miss.tin輕易地便把環保袋的本體給整好。
 
「好……來回車幾次先……」笨手笨腳地把布料推向對面，總算是成功。但針線理所當然地東歪西倒，亳無美感。
 
但想起雞脾姐的一句﹕「女人最鍾意就係心思野，整得靚唔靚係其次。」
 
「唔該晒你呀……」我拾起一個與設計圖裡的大同小異的環保袋，久久未有說話。
 
「知你一定唔會心息，所以不如索性幫你幫到底，無論得又好，唔得都好，個心都可以返返嚟讀書到。」
 


那時那刻，我感到無比的感動。
 
所謂亦師亦友，恐怕就是這個意思吧﹗若果這年頭能有多點像miss.tin般的老師，教畜之名將不復在此。
 
「係，我係有咁講過……但係都未至於咁既……」
 
隔天，雞脾姐活像化驗官般審察著我的環保袋。
 
「乜真係咁樣醜咩……」我開始有點後悔為何不叫miss.tin替我完成所有功夫。
 


「都唔係既，幾有特色呀……」雞脾姐好不容易才說出一個不分褒貶的形容詞﹕「咁你諗住幾時送個袋俾佢呢？」
 
「如果我話……今年最後一日呢？」
 
「我地放緊假喎，點會見到佢呀？」雞脾姐打開手冊查核道。
 
「我地放啫，但係佢地中五差唔多日日都有補課，我到時返嚟學校就得架啦。」我珍而重之的把環保袋摺好，放進書包裡。
 
「你又知？」
 
那當然，我也有線人的說﹗
 
「kitty﹗」
 
「又做咩呀？」


 
「冇呀，想問你會唔會有你地中五所有人既補課時間表啫。」聖誕聯歉會的時候，我請求著kitty。
 
「就係咁簡單？」kitty居然是帶著驚訝地回答著。
 
「唔係你諗住有幾難？」
 
「點知你，次次搵親我都唔係好事。」
 
但不管如何，時間表就是那麼輕易地拿到手，而我的計畫中的第一步同樣地完成。
 
「十二月三十一號……咦，原來佢嗰日要考va mock喎……」
 
既然她要考試，對我來說更是一件好事。因為考試會為是次行動帶來穩定性，她絕不絕席，同時考試有限時，我當天便不用在圖書館苦等她多時。
 


「傑哥仔，出嚟玩大電視啦﹗」
 
我不明白為何每次的聖誕聯歉會都有「大電視」作傳統遊戲，而所有人更是樂在其中。
 
所謂聯歉會，是否有歡送的意思？
 
如果有的話，我多麼想把這三個月的經歷歡送出去。哪麼，至少我不會像現在般落寞。
 
但我已是坐上了賊船，離不開了。
 
「唔啦，你地玩啦。」想到這裡，什麼玩耍興致全都離我而去。
 
如果時光可以返返去三個月前，你信我仲會唔會追cynthia？
 
「會。」