我一返到屋企,鞋都未換就衝到大家姐間房,係咁拍門。

大家姐隔住道門問邊個,我就報上自己既身份,唔洗十秒佢就開左門。

本應咁係好事,但問題係佢只係著住個Bra同底褲就黎開門… 

一副火熱既身材就咁放左係我呢個純情小毒男面前,任由我觀賞。 

應大既地方就大,應細既地方就細,簡直係完美。





大家姐:「咩事呀阿明搵得我咁急既。 」

我:「eh…其實都唔係咁急,你不如著返D衫先?」

大家姐:「唔緊要啦我又唔係無著衫,入黎先講啦。 」

我理智上係十萬個不願意,但肉體卻非常誠實,乖乖咁跟左大家姐入房。

對眼一直都望住大家姐個屎忽,完全移唔開。  





大家姐安排我坐左係佢張梳化度,佢自己就行去著返衫。

成個著衫既過程都比我雙眼所記錄低,真係好想用電話影低佢呀!! 

喂,冷靜D,今日黎搵大家姐係做正經野架!!聽唔聽到呀巨龍哥! 

大家姐之後就行左埋黎,坐係我對面。

大家姐:「做咩呀阿明,有野想大家姐我幫手? 」





我:「eh…都算既,我想問我地屋企最近有無收到請柬?」

大家姐:「請柬?等我諗下先…好似都有幾封,做乜事?」

大家姐一邊講一邊用雙手托胸,個胸係我面前彈左下,搞到我唔敢再望。

而家我只係敢望住個茶几。 

我:「咁有無域天同聖殿寄黎既?應該係萬聖節Party。」

大家姐:「哦,你係想問呢個,有呀,我仲同阿May,Daddy討論過到底去唔去好。」

我:「咁結果係?」

大家姐:「禮貌上,我地係一定要去。」 「你咁問得我,應該記得個次個件事架啦?」





我:「嗯,所以我一知道有呢個Party就即刻黎搵你…」

大家姐:「係呀,本身人地寄請柬黎我地就應該要出席既,再加上上次阿May咁失禮…」

「所以今次呢個Party,我地一定要俾臉出席…」

我:「但係上次個條mk仔咁樣比二家姐羞辱,如果我地去佢地既Party…二家姐可能會比佢玩架喎…」

「呀不如我地去,但係二家姐唔去?咁佢咪無機會玩二家姐囉?」

大家姐:「傻豬,你估我地無諗過咩,咁咪盞更有籍口比人話上次係我地唔岩,所以事主避嫌。」

係喎,我咁都諗唔到既。





大家姐:「所以阿May都會去架啦,靠你啦阿明,個日要你保護阿May啦。」

我:「唔係吖,咁我地可以叫二家姐個晚痴住Uncle咪得?應該唔會敢係Uncle面前對二家做D乜掛?」

大家姐:「好遺憾,個日Daddy要去傾生意,唔係香港…」

點解世事往往咁巧合架…

大家姐:「算啦,而家擔心咁多都無乜用,可能人地根本無諗過報復呢?」

我:「咁又係,可能係我杞人憂天啦。」

之後我就離開左大家姐間房,出去既時候就咁岩撞到二家姐。

佢同平時一樣,啤左我一下就走左。





唉,佢keep住咁既態度的話後日既Party一定會好麻煩… 兩日,話咁快就過,今晚我地就要去個萬聖節Party。

今日係星期六,唔洗返學,所以我全日都留係屋企hea。

大家姐真係好似佢講既咁,無再理件事,只係係屋企睇電視。

至於二家姐,佢好似毫不在乎,繼續我行我素,得閒就跳落泳池遊幾個塘。

雖然大家姐叫我唔好擔心咁多,但時間愈逼近,我就愈緊張,最後我都係忍唔住走左去搵二家姐。

個陣係五點幾,佢岩岩係泳池上返黎,抺緊佢個把黑色長髮。

係,佢尋晚又染左黑色。





我:「二家姐。」

二家姐:「做乜。」

我:「你今晚…打算點?」

二家姐:「打算點?咪就係同你地一齊去個Party囉,我上去沖個涼就換衫準備出發。」

我:「唔係吖,我意思係…你今晚打算點應付上次個mk仔?今次係人地主場,你上次又玩到咁盡…」

二家姐:「你又係度期待緊會發生D乜野騷動大事?」

二家姐一句說話,令我成個人一時之間講唔出任何野。

二家姐:「你個腦其實係咪只係得呢D權鬥,紛爭?你好似長期都係度諗有無人想害自己,點樣去對付害自己既人咁既?」

駁唔到,真係駁唔到。二家姐既言論,好快就將屋企入面既其他人都引到黎泳池,大家都紛紛黎睇發生咩事。

大家姐一黎到就好似知道哂發生左咩事,好快就拉左二家姐埋一邊,同佢咬緊耳仔。

而Sarah同Yui就走到黎我身邊,仲係咁問我發生咩事,我係咁耍手擰頭話無事。

俾二家姐咁樣話,個心真係唔好受。

Sarah:「二家姐!你點可以咁樣話阿明架!你知唔知阿明係幾咁擔心你呀!佢一知道個Party係域天有份主辦就即時諗起你啦!」

Yui:「阿明仲想盡一切方法,想等二家姐你唔洗係一陣個Party度俾人玩…」

我旁邊呢兩個女仔居然夠膽同二家姐頂嘴…

大家都靜左一靜,你眼望我眼咁。

二家姐:「我唔需要你地咁關心我,我可以自己保護自己,唔似某人。」

二家姐一邊講一邊走埋黎,仲將佢岩岩用黎抹頭髮既毛巾塞左比我,之後就返左入屋。

我地四個就咁目送佢離開,無人講一句野或者做任何野。

大家姐:「佢只係口硬啫,佢其實好開心你咁關心同著緊佢架阿明。」

「佢只係…唔識點正確咁表達內心啫。無事既,你地都去準備下啦,時間都差唔多。」

大家姐都講到咁,我身邊既兩位先稍稍消下火氣。

但我個心仍然好痛。

我自己都知道二家姐講既野,我自己都有諗過相同既問題。

但點解,由二家姐把口講出黎,我個心會痛得咁厲害?

我一邊諗呢個問題,一邊換上佢地為我準備既黑色套裝。

黑色配萬聖節,幾襯吖。

之後,我返到客廳,發現原來佢地四個都係黑色主題,而且今次著得好似比以往都密實咁。

睇黎都係一種應對措施啦。

大廳裏面,二家姐坐得特別開,好似唔想理我地咁。

睇黎仲嬲緊…

之後我地五個就坐車去到會場,仲係酒店門口撞到Anna佢地。

佢三個見到二家姐黑口黑面都即刻問我地發生咩事,但我地都無答。

八個人行到去會場門口都停低左,因為…

我地見到個mk仔。

Mk:「歡迎咁多位,希望各位今晚可以好好「享受」呢個萬聖節Party,請入去啦。」

佢講享受兩個字既語氣特別唔同,個格仲要咁衰,肯定有古怪。

雖然二家姐好似好嬲我,但我都係想保護佢。