之後,日子都係咁過。

十一月,無乜Party,就算係有,都係Uncle自己出席就得,唔洗我地去。

講起Uncle,佢同二家姐一樣,呢排都係怪怪地,收埋自己係一間房。

搞到成間屋都瀰漫住一股奇怪既氣氛,我都唔敢亂問野。

Cody:「喂,通告呢。」





我:「啊,Sor,咩通告?」

Cody用通告將我從回想中拉返出黎。

Cody:「呢張呀,補課既。」

我:「OK即簽。」

Cody:「即係無啦,欠交。 」





我:「喂咪咁啦,我再欠多次要扣分喇,俾次機會喇老細。 」

Cody:「我當睇唔到,你快D簽啦。 」

我:「感謝大大!話時話咁快講補課既,我地先Form5咋喎。」

阿希:「怕教唔切吖嘛班阿sir,下學期可能日日都要補添呀。」

黑仔:「到時想拍拖都無時間lu~~ 」





無時間拍拖吖… 

阿希:「收皮啦你,你都無女。 」

黑仔:「係啦係啦,我邊似阿明咁有五個靚女做女友吖,喂Cody,不如同我一齊吖,大家唔洗過Lonely Christmas。 」

嘩咁既表白我都係第一次見。黑仔真係喪喪地。 

Cody:「咪煩啦你今次係第幾次吖。 」

我:「吓乜黑仔同你表過好多次白!?」

Cody:「好多次啦,條友一無聊就會咁。 」

黑仔:「唔係吖我真心架,我一直都等緊你。 」





Cody:「屌,信你就奇。」

呢個話題我地一直討論到lunch time之前個堂,佢地係咁同我講返佢地以前既事,仲有講阿希溝女既失敗記錄。

鐘聲一響,又提醒我地係時候食飯啦。

阿希:「點呀阿明,今日同唔同我地食?」

我:「都好..」

阿豪:「喂阿明,出面有人搵你wor。」

出面?





我望一望外面,見到Sarah已經企左係度,好似日本d校園動畫咁等緊我呢個男主角。

我:「喂Sor,唔同你地食了。 」

有女梗係陪女架喇。

我一馬當先咁走出班房,一心只係想快D見到我呢位公主。

我:「喂等左好耐?行得喇。」

Sarah:「都係打左鐘無耐啫,好喇今日我地撐檯腳,食乜好呀?」

我:「得我地咋?其他人呢?」

Sarah:「Ellen同Yui有學生會野要忙,好似係有人提出左決鬥申請,Ellie就陪佢地。」





「至於Anna就話佢要…要乜話死喇我老人痴呆唔記得左添,好似係練習? 」

見到佢好努力想記起個樣真係好搞笑。

我:「理由係乜唔重要啦,唔洗專登去諗,總知而家係得我同你食喇係咪?不如諗下食乜?」

我伸手去捉住佢隻手,開始拉佢行。

Sarah:「咁啊…譚仔? 」

放過我喇好嘛,地獄經歷過一次就夠喇。

我:「不如食下其他野?我有間拉麵想食好耐架喇,陪我去一次好無?」





Sarah:「早講吖嘛~你想食乜我都會陪你架~ 」

呼,好彩佢肯啫,我諗我短期內再見到米線我都會反胃。

之後我地兩個係行去我話個間拉麵鋪既途中都一直傾偈,例如講下Ellen佢地忙乜。

原來係手球soc同足球soc係book場個度有嗌拗,所以最後就用新校規去處理。

不過得意既係,最後居然係用籃球決勝負。 

Sarah:「咦阿明你睇下,個個係咪晨哥?」

Sarah指一指拉麵鋪既門口,晨哥又真係係度,旁邊仲有lulu。

佢好快都注意到我地,仲向我地揮手。

晨:「唷,你地兩個都黎呢度食lunch?識貨喎,喂魯路修,打招呼。」

lulu:「你好。 」

lulu無望到我地,玩住電話咁打招呼。

我:「晨哥,我地係咪應該… 」

我一邊講一邊同晨哥做左幾個手勢,聰明既晨哥一睇就明。

因為我記得開學個陣晨哥叫過我唔好去接觸lulu,以免刺激到佢。

晨:「哦,無所謂喇,邊避得咁多。」

之後既lunch就變成我地四個人一齊食,晨哥仲同我講左好多學校既事,好似陸運會,班際比賽咁。

不過大部分都係佢既威水史。 

反而lulu岩岩相反,咩都冇講,只係專心食佢碗拉麵,之後仲話放低錢走先,係晨哥話佢請,叫lulu自己走先。

我:「佢..ok嘛?」

晨哥:「或者佢又諗起個承諾,又走左去個公園掛。」

承諾?以前晨哥並未話俾我知呢個所謂承諾,聽完之後我同Sarah都愕左然。

我真係替lulu辛苦。要咁樣等一個人五年…佢呢五年要點過啊…

咪住先,我好似都應承左Sarah d野架喎,係咩呢…

係喎!我話過搵次放學後同佢去食野架喎!!我完全無左回事都有既!

我真係想撞埋牆死左佢算。  

最近D氣氛實在太怪啦,搞到我好多野都唔記得左。

今日學校焦點都係手球soc同足球soc既大戰,一放學個個都衝哂去搵個靚位等睇好戲。

因為咁,放學後既走廊變得好冷清。

我一邊行去搵Sarah,一邊留意住操場。

大家真係好投入。

今次我經過B班個陣見唔到Anna,所以我就直接去A班搵Sarah,當時佢係度執緊袋,真係時間岩岩好。

我:「Sarah~ 」

Sarah:「阿明?你黎搵我有事?」

我:「係呀,我係黎接你去行街架。」

Sarah:「行街?唔得啦我今日應承左Yui等埋佢一齊走架。 」

我:「Yui?佢係咪今日要同Ellen一齊幫手hold個籃球決鬥?」

Sarah:「係呀,Anna同Ellie都係下面幫手,係因為我無用無野可以幫到手所以先得閒咋。」

佢苦笑左一下,應該個心唔多舒服。

我:「你對我黎講好有用架。」

Sarah:「你話咩…喂!! 」

我無等佢既允許,就自作主張咁拉走左佢。

係兌現承諾既時候啦。