『女神』失戀後，傻忍咗！要搵108個男人同佢做愛！: 第五章 住劏房的『女神』

第五章 住劏房的『女神』



拒絕『怪胎男』相送，Kate獨自搭地鐵回家。
所謂的家，其實是一個100呎有廁所的劏房。
第二次分手，搬離Cyrus太古城的單位後，回復單身的Kate，打算自己租房住。
Kate工作的公司在油麻地，是一間貿易公司。她為了方便上班，在油麻地找尋『適合人居住』的劏房。
最後，她找到了一個合心意的，租下來。
劏房在油麻地一座樓齡超過五十年的舊大廈五樓。


大廈裏有一樓一鳳。第一、二、三樓許多單位門外都掛了粉紅色燈和寫上『鳳姐』的名字。第四第和五層就很正常，單位門外都沒有掛燈。
咁啱，我‥‥‥唔係！係我一個朋友，他經常去這間大廈叫雞。但他無撞見過Kate！
雖然大廈樓齡高，外貌陳舊，但單位裏面的裝修很好。
房間沒有窗，杏色膠地板，牆壁也是杏色。廁所超細，拉開摺門進去裝在牆上的洗水盆頂住，只能側身進去。
洗手盆和馬桶很新，是粉紅色。電熱水爐掛在洗水盆上面鏡子的旁邊。
沖一次涼，洗手盆、鏡、馬桶全部變成一片濕淋。
租金4000元。
晚上大廈很熱鬧，找鳳姐的男人在梯間上上落落。
Kate最初不明白男人為何會一、二、三樓走上走落？
後來我告訴Kate，這些叫雞的鹹濕佬在『洗樓』！


即是每層的鳳姐單位都按下門鐘，鳳姐開門就睇下『啱唔啱』，啱就問價錢，價錢都啱就入去扑嘢！唔啱就講聲『打擾哂！』或者『唔好意思，唔啱！」，然後走人，去按另一個『鳳姐』的門鐘。
所以，不是選立法會議員的人才洗樓，叫雞的人都會洗樓！
呢D嘢找唔係好熟，係我那個朋友話畀我知，然後我講給Kate知！
我問Kate︰「妳係這座大廈出出入入，有無『雞蟲』向妳問價？」
「有呀！搬進這個劏房的第二個星期，有一晚回來，就畀男人問價呀！」Kate說︰「我做過統計呀，如果穿性感的衣服化了妝深夜回來，問價率是85%。如果再畀一個嫵媚眼神和淫慾笑容啲鹹濕佬，被問價率是100%！」
我有嘢想說，但Kate好像是我肚裏的蛔蟲一樣，知道我要說甚麼？用凶惡的目光射向我，我立即把要說的話吞回肚裏。
我想說的是︰咁咪幾好，等錢駛時， 報個價畀啲雞蟲，客串一、兩次，又可解決經濟問題，又能體會『性工作者』的辛酸血汗，一舉兩得！
Kate又說︰「有一晚，我都著得好整齊，一套灰色套裙，裙腳去到膝蓋，9時回來，上樓梯時，一個男人迎面拾級而下。男人上下打量我，然後開口用普通話問，幾多錢？我心諗，有無搞錯呀！穿到咁整齊都問價！乜我個樣真係咁似雞咩？」
「有無嬲到用腳踢個男人褲襠？」我問。
「無！」Kate說︰「我同個男人講，先生，唔好意思，你搞錯啦！我係社工，來探訪這裏的性工作者的，叫她們一定要用安全套和定期驗身！你都係唔好叫咁多雞啦，傷身呀！講完我就走人。」


Kate話自己個樣唔似雞，我想說，咁妳個樣又似『社工』咩？
最後，為了蛋蛋的安全，我沒有說出來。