「畜生!!」貝克芬馬上拉弓,瞄準住黑髮美女。
  「喂!冷靜D阿!」阿新都感覺到貝克芬已經失去左冷靜。
  可惜貝克芬好似完全聽唔倒阿新講野咁,包含住佢憤怒、仇恨既一箭,直直射向黑髮美女。
  但係,呢個係百幾米以外既高速箭,理應極難避開既高速箭,黑髮美女居然望都唔洗望就避開左。
  「阿!!」貝克芬見倒呢個情況,反而更加憤怒,可能係因為佢確信左面前呢個咁有違常理既人就係佢既仇人,貝克芬馬上收弓,拔出腰間既利劍,跳落樹,準備同佢打個你死我活。
  (唔可以唔幫佢,最壞既情況,貝克芬死左,咁1對1面對佢,勝算會仲低。)
  阿新拎出一張「傳話紙」,然後握係手心,跟住向住黑髮美女掉出匕首。果然,黑髮美女都係好輕易就避開左。阿新就同匕首交換位置,然後手放係身後面,用「傳話紙」同匕首交換。
  「唉阿唉阿,唔識死既人又黎多1個,既然你地偷襲我,姐係你地應該見倒岩岩既戰鬥架啦,唔通你地覺得可以打得贏我?」黑髮美女既眼神係好似望住螞蟻咁,即使殺死左面前既2個人,都好伕冇乜難度、冇乜罪惡感。
  「你收聲,我依家就要同計清返2年前既帳,你個賤人!」貝克芬大聲向黑髮美女咆哮。
  「咩賤人阿,我有名叫蕾琳,不過你既然咁失禮,我就縫住你個臭口先。」蕾琳散發出殺氣,令人會忍唔住想走既殺氣。




  「黑魔法,『空間爆裂』。」蕾琳用魔法出招。
  貝克芬身邊既環境好似有D扭曲,明眼人都知道係蕾琳搞鬼。
  「你以為同一招會對我有用咩?」貝克芬向後跳。
  「同一招?姐係你見過我既招?」蕾琳冷酷既眼神出現左一絲既疑惑。
  「你連自己殺過既人都唔記得,你係咪人黎架?」貝克芬拎住劍衝向蕾琳。
  「唔好意思,我殺左咁多人,你要我充得曬,我真係做唔到。」蕾琳一番冷血既言論更加刺激貝克芬。
  「水魔法,『冰凍術』。」蕾琳既杖噴出冷氣,係貝克芬既腳掌形成冰,凍住左貝克芬既足部。
  「拜拜。」蕾琳右手拉弓,準備一杖打落貝克芬個頭度。
  阿新係呢個時候終於出手,佢將匕首掉去貝克芬附近,然後換位,跟住踢向貝克芬既大小腿關節位,令到貝克芬跪低避開蕾琳既杖。
  「唉阿,咁你地就一齊死啦!水魔法,『激流刃』。」蕾琳既杖噴出水流,而且形成刀刃衝向阿新同貝克芬。




  阿新馬上全力推開貝克芬,然後再同身後既匕首交換位置,成功避開水刃。
  「真係好稀有既能力阿,居然可以交換位置,呢個能力,即使搵曬全世界,都唔一定搵倒。細路,你做唔做我手下阿,我會培養你成為最強既人架,各方面都。」蕾琳咬唇同阿新講。
  「唔好意思喎,我暫時沒有同殺人犯同行既計劃。」阿新拎出第2把匕首,衝向蕾琳。
  阿新係向住蕾琳右邊跑既時候,突然用「神的步伐」同蕾琳身邊既匕首換位,突襲蕾琳。
  但係蕾琳敏捷非凡,即使阿新轉移左佢一瞬既注意力,佢都好快咁回復返並作出反應。蕾琳敏捷咁避開阿新用匕首既突刺。
  「冇用架,你係打我唔贏架。」蕾琳用自大既語氣講。
  蕾琳呢次放棄用魔法,選擇用速度快D既杖擊直接打向阿新。阿新當然係馬上同地下既匕首換位。
  「你都好快架啦,不過可惜阿。」蕾琳既杖擊確確實實打中左阿新既肋間。
  蕾琳馬上汁起同阿新換左位既匕首。
  「喔?見你每次換位都係同匕首換位,應該係靠匕首上面既符咒換位下話?的確係好有趣既能力。」蕾琳將纏住匕首既符咒拎出黎,符咒係佢手上就自動燃燒左。




  阿新露出痛苦既表情。
  「睇黎比我講中左啵。」蕾琳一腳踩爛匕首。
  「咁就睇下點!」阿新拎住剩低既匕首,再次正面衝向蕾琳。
  「你冇野交換啦喎?」蕾琳再次大力揮杖打向阿新。
  阿新用左手硬食佢既杖擊,右手將匕首刺向蕾琳既面。
  但係蕾琳冇諗住避開,反而用擊頭打向匕首既柄。
  「睇落你唔太識用匕首喎。」蕾琳將阿新既匕首打飛,然後向阿迎新伸手,蕾琳手上面既黑光令阿新知道呢下唔避唔得。
  「冇錯係阿,不過都夠對付你啦。」阿新笑一笑,然後就消失左。
  「你唔好以為我唔記得你識交換啦!水魔法,冰錐術。」蕾琳向手射出冰錐,正正射向佢岩岩打飛既匕首。
  但係,冰錐並冇打中任何人。
  「咩話?」蕾琳望一望地下。
  「碎片?唔通係......」蕾琳知道自己中左招。
  「冇錯阿,你中左計啦。」阿新再次出見係蕾琳面前,而且阿新即刻捉住蕾琳既手。
  原本比阿新推開搞到失曬位既貝克芬,阿新都用「神的步伐」將佢既位置調教到正正係蕾琳既後面。貝克芬都冇白費之前同阿新一齊戰鬥既時間,心領神會咁開始拉弓。
  「錯就錯在你太信任自己既實力啦,再見啦。」阿新對住蕾琳講。




  「因為避免你用魔法......」阿新錫向蕾琳,用嘴對嘴方式,塞住蕾琳既口,唔比佢詠唱。
  與此同時,貝克芬既箭都打中蕾琳,成功重傷蕾琳。