簡介

啱啱考完final exam,班契弟就個個飛曬去日本grad trip。 而我,窮撚一名,就選擇留返起香港grad trip算了,畢竟我對旅行其實都無乜興趣,可去可唔去。 不過聽人講萬宜水庫靚,還掂我又未搵到工,去一去都無妨。於是我就plan好自己一個人去萬宜水庫grad trip。其實諗深一層,都唔係幾失禮啫!話曬都係香港的旅遊勝地,never mind啦! 2018年6月26日 七點,天朗氣清,我就由屋企出發了。 我由大圍直坐到烏溪沙,再轉99號,八點搭二去到西貢市中心,再等94,九點到咗麥理浩徑步行。風景都幾靚,你去日本咪又係睇埋D花花草草,所以都唔知佢哋比咁多錢去做咩?不過,無所謂啦!都唔關我事!行咗段斜路,到咗萬宜坳,我就停低飲下水食下包,之後就向右邊的萬宜路行,見到萬宜水庫,大約十二點幾,我終於到咗西壩,風景係幾靚嘅,水庫中間有D島仔,但係我就唔多識欣賞囉! 見到創興水上活動中心,講明水上活動中心,多數都係要錢,咁即係唔關我事,我就繼續行,終於行到東壩,見到好大嚿藍色石頭,係一嚿錨形紀念碑,我都唔理佢紀念D乜,繼續行,見到湖旁對面有幾個山洞,有成班人起度參觀,我見咁多人,都費事去趁熱鬧,又繼續向前行,D石一條條一層層咁,幾得意!跟住又見到防波堤上面有好多嚿巨大的錨形石排起度,唔知佢想點,不過都never mind啦!咪又係石頭,無乜特別。 跟住行下行下,就到咗東壩的涼亭,都係下晝三點幾了,但係咁難得來到咁早走又好係又D餂,咁就坐多陣,睇下D石頭先走。 太陽開始落山,其他人都開始走了,但係我又唔捨得坐的士,就跟住條路行返落山。 開始天黑,我攞個尿袋出來照住條路,周圍人影都無,車都無部,有D驚,不過都算啦!有路就行得返落去。突然,唔小心跣手,跌咗個尿袋落斜路邊。我好小心咁蹲低去執。 「啪!」我踏住個嚿石斷咗,我成個人碌咗落萬宜水庫。 屌啊!我唔識游水啊!「救命啊!救命啊!……」無人起度,跟住我就唔知發生咗咩事!

已有 0 人追稿