今日,好凍,應該係冬天或者春天,我只好著住我僅有且洗到穿曬窿的短衫運動衫同長褲,走到山洞口,去火堆到取暖。
我蹲在火堆前取暖,搓著手,凍到打冷顫。我望出山洞外面,有細小的白色微粒起出面飄緊。死了!我凍到有幻覺了,睇來都就快凍死了。也罷!凍死仲好過,如果唔係都唔知點捱過冬天。好彩我都算醒,自己攞樹皮繩將樹葉串埋,整咗半件草衣,因為仲未串好,件草衣剛好到肚臍,都好過無啦!我急急腳到分流飲咗幾啖水,由膠袋鋪住的地洞到攞出噚日食剩的狗腿來食。隻野狗運動夠,D肉又夠彈牙,都幾好食。

既然天氣咁凍,我個地洞的嘢食又夠我食兩日,咁樣今日就懶D,唔出去打獵都ok!

就咁樣,我起床坐到中午,太陽出來,溫好多。

又飲多幾啖水,又D尿急,我就起身走出去屙尿,走咗無幾遠,都係帶多條粗樹皮繩同埋支矛穩震D,費事做咗野獸的食物。
小溪,我剛屙完尿。見到有隻野兔起我面前經過。成世人未食過兔肉,無旦可能就咁放過!正!又有好野食!
我立時飛奔過去,擲出長矛,落空!勁!我再去執返支長矛,隻仆街兔就走咗入草叢,麻撚煩!起這個時候,我條粗樹皮繩就派上用場喇!一招橫掃千軍,起度鳩掃,就見到隻仆街兔起度著草。今次我對準隻仆街兔,一嘢擲出長矛,勁道一足,一嘢插咗落草地,但準繩度就差佢少少,又被佢避咗!但我就唔會咁易放棄,拾返支矛,繼續去追,追到我身都暖埋,爽!追到懸崖邊,佢無路走了,真陰公!我這次慢慢走近佢,因為我知道佢已經係我的獵物了,sosad!我拿著矛向著佢揮舞,佢都知機的不再跑了,真聰明,抵做我食物。





倏忽,我背後響起不尋常的聲響,我急忙轉過頭,好大!好大隻老虎啊!打橫都高過我企起度。仆街!今次角色倒轉咗,我的處境就好似隻仆街兔。佢慢慢的走近我,前腿微蹲,我知道佢要撲過來了。但我唔係仆街兔,我仲諗住逃,雖然我完成無把握,但我唔會好似仆街兔咁等死。亦唔會去同佢搏鬥,因為正常人類係無可能打得過,除非有機關槍。沒有機關槍的我只好著草。我向左急奔的同時,發現仆街兔早已走了。食屎虎的獵物係我,放走咗仆街兔。但而家都唔關我事了,我都好希望我好似仆街兔咁著草成功。就起我急奔的同時,食屎虎已經撲咗過來,好彩我仲有條粗樹皮繩,我握著繩的兩端,一嘢向著大樹拋過去,只有一次機會,無take two。條繩一掛上去,我就猛抽,成功拉咗我上去,好彩樹幹夠粗,無斷。而仆街虎就成功撲空,正!我急忙向上爬,佢就起下面搖頭晃腦,唔知做乜!佢向上望咗幾望,終於向後退了。正!終於肯走了,我好有把握可以把長矛擲中佢的頭,但唔知傷唔傷到佢,費事博,還掂佢都肯走,費事激嬲佢,起度同我磨返成晚就麻煩!佢終於走遠了!我放心了!

點知隻仆街虎好似陸運會選手咁,起八丈遠處跑過來。屌!咁撚癲,我驚到聲都出唔到,又唔知點算。希望佢撲唔上來啦!「嘞!嘞!嘞!」成支崇禎大木咁粗的樹比佢撲斷,睇來佢都幾餓下。我成個人跟住棵樹跌咗落來,佢亦都唔好受,個頭流曬血,仲暈暈哋。不過我今次都放棄咗逃,因為無乜可能走到了,佢咁癲!

佢盯著我緩緩地走過來,起度咆哮,好寸咁!本來我都諗住被企起到比佢食了,但佢太寸,令我改變了主意。
已有 0 人追稿