第二日, 我未到九點就番到我嘅新工作地點, 哦, 咩啲員工原來已經番到公司做緊野嘅? 嘩使唔使咁博呀?  Reception 個女仔認得我, 「早晨, 偉倫, 我叫秀媚, 隔離呢位同事係嘉儀, 倚麗話你番黎就先去搵一搵佢!」 嘩, 咁快就叫得我咁親切, 真係有啲爽嘅感覺。

我跟住個女仔去到個靚女秘書間房度, 個倚麗已經將我過去嘅工作經驗好詳細地咁復述左一次, 嘩, 咩已經起哂我底咁, 倚麗同我講, 「嗱偉倫, 我知你識做會計, 又識小小圖像處理, 學歷方面雖然唔算太高, 但唔緊要, 出黎做野嘅, 好多時都係邊學邊做, 但最重要就係能夠將你嘅所長發輝倒就得嘞, 咁啦, 我先比你去會計部跟吓先, 至於夜晚我想你去繼續進修有關嘅課程, 進修表格我呢度已經準備好, 好嘞, 你仲有無咩問題想問我咁呢?」

好犀利呀, 一輪咀就講哂同安排哂我啲野, 但我真係有個問題想問, 「我…我真係想問, 其實到底係邊個將我介紹到黎呢間公司做野嘅呢?」 倚麗望住我笑左一笑, 「呢點我地暫時唔會討論住, 好嘞, 由呢秒開始你唔好再理其他嘅野, 認真開始面對你新嘅工作先!」 

晚上, 淑嫻仍然響陳老板間公司度繼續晚上嘅兼職工作, 但同時每晚都要服侍陳老板一番之後先至可以離開收工, 陳老板正響房內同個大陸客人傾緊偈, 突然, 陳老板度房門打開左, 「淑嫻, 妳入一入黎先!」 淑嫻入左房內, 個大陸客人正不斷打量住淑嫻嘅全身上下。 

「淑嫻, 呢位係梁生, 係我地公司嘅其中一位大客戶黎!」淑嫻禮貌咁上前同梁生握手, 但個梁生就雙手捉住淑嫻隻手黎係咁摸住, 「噢, 後生女隻手果然又真係幾滑喎!」 「呀…..」 淑嫻驚到縮番隻手, 陳老板有啲不滿表情, 「淑嫻….」 但梁生就笑住口黎講, 「哦, 唔緊要, 唔緊要, 後生女係會怕醜啲架嘞!」
 


淑嫻有啲唔係咁好嘅感覺, 眼前呢個一臉猥瑣, 滿肚贅肉嘅梁生, 由淑嫻入黎到而家, 視線都總未離開過淑嫻嘅身上, 淑嫻同陳老板講,「陳老板, 我想問….仲有無其他嘅事? 如果無嘅話, 我想….番出去做埋啲野去先!」
 
陳老板開始企左起身, 跟住就搭住淑嫻個膊頭行開細細聲講, 「淑嫻, 呢條大陸佬而家同我傾緊張成一佰萬嘅合約, 但傾到而家都仲未傾得成, 但其實合約內容細節已經全部無問題, 但問題係……」
淑嫻好似有啲唔好嘅預兆咁, 陳老板再繼續, 「唉, 問題就係, 個大陸佬…想妳…陪佢一晚, 咁佢先至肯…」淑嫻斬釘截鐵咁即時拒絕, 「唔可以…」
 
陳老板按住淑嫻兩邊膊頭黎講, 「妳唔好咁快就話唔好住先啦, 嗱淑嫻, 我都明白咁樣對妳黎講係會好為難, 但講到底, 妳同我都有過啲唔見得光嘅交易, 而且啲大陸佬好易氹架咋, 只要佢地開心, 要搵佢地嘅錢真係容咩易吖, 嗱, 妳再諗吓, 妳肯同我做無非都係為左錢啫, 但而家眼前就有另一個財神響度等緊妳, 與其妳同我都已經有前科, 咁倒不如就襯青春好好把握一吓呢啲搵錢機會仲好啦!」

一堆似是而非嘅理由, 但眼前呢個大陸佬又真係令淑嫻極之討厭, 陳老板又繼續努力遊說淑嫻, 「妳咪就當係比鬼責囉, 而且又只係陪佢一晚之嗎, 等到聽朝之後, 妳個銀行戶口又會多左啲錢, 到搵夠錢咁妳咪先再正正經經咁同條仔拍拖結婚囉!」

淑嫻正低住頭, 陳老板不斷氹住淑嫻, 「嗱, 一於咁話嘞, 我而家就過去同個大陸佬講, 叫佢聽朝點都要比番啲合理報酬妳先得嘅!」 淑嫻已經無晒反應, 陳老板見到咁, 跟住就過去大陸佬度咬緊耳仔, 大陸佬一便係咁點住頭, 一便就同陳老板握住手, 兩個人開始行到去淑嫻身邊, 陳老板同淑嫻講, 「佢已經應承左聽朝會比錢妳架嘞, 咁我而家就先車妳地去酒店度先, 嗱, 記住頭先我果一番說話呀!」


 
第七章圖述
 

 
淑嫻正處於內心交戰當中