簡介

一個因為食大麻沒得返屋企既90後香港人故事,從沒有改變到希望改變,細老我第一次出文章,希望大家多多包容。 我唔介意大家去問我關於大麻野,希望香港人可以改變自己既命運,到今時今日我都未想撚死,咁你又點解唔頂落去?





26歲相信好多人經過呢個年紀,都開始明白或知道自己想要啲咩,有人會開始為左自己既事業打拼,有人可能會想完成自己既夢想,有人會為左自己既家庭,但係我。。。。。我都無。有時我更加唔明白自己為左啲咩生存,點解我要生活係呢個貌似冷漠,怒火滿地,機械化既城市?我有諗過去死,想逃避,但係當我諗起我既父母,真心既兄弟,同我重未到既人生位置,我就放棄左呢個諗法,或者咁講,我既生存就係為左搵點解我要生存,可能呢個先係我既人生意義。

(現在)
係2019年既3月我行返出嚟,體驗到真正自由既味道,可能你會問點解會係自由既味道,係呀!!無錯,我係去左坐監, 嚴格啲嚟講都唔算係坐監, 我只係去咗一個年嘅戒毒所,由2014開始我就開始吸食大麻,講到大麻我係其中一篇會講關於大麻對我既影響同食大麻既經驗,( 千祈唔好誤會, 我並唔係鼓吹人食毒品,吸毒係會影響前途同身體, 唔好亂試),講返轉頭當我行出左呢間介毒所之後,第一件事我就係食一間我好鐘意食既麵店,叫左一個車仔麵, 入面有牛筋、牛丸、豆卜、 牛柏葉同一個粗麵, 當我用筷子夾起嗰條柔軟而且仲要係啫喱狀嘅牛筋, 心情入面嘅感覺簡直用文字係難以形容, 戒毒所入面唔係冇啖好食, 但係一個簡單嘅麥當勞餐, 都已經成為入邊
最寶貴嘅美食, 所以我真係有啲忍唔住喊咗起嚟咁濟,可能你會覺得我好誇張, 但係你未體驗過你係永遠都唔會明白 我嗰一刻嘅感受,食完個面就坐的士返屋企, 因為拖住個喼關係,所以我選擇左的士,返到屋企呀媽就已經坐咗喺度等我返屋企, 佢好窩心咁問我肚唔肚餓呀有冇嘢想食呀之類既說話, 仲話要幫我去買一張新嘅床, 將我本來瞓嗰間細房執清佢,換一間大房比我, 其實我嗰下真係好開心同好感動, 但萬萬都估唔到當我過完咗個感化期之後, 我又再次重滔覆轍最後仲畀人趕埋出門口, 講到呢度好多人都一定會話我抵死好撚白痴, 有個咁錫自己嘅老母真係三生有幸, 好可惜我真係一啲都唔識去珍惜, 係呢個第一個章節入面我已經講咗我而家嘅現狀係點樣, 之後我就會逐一解釋係呢個人生中,我係點樣學識食大麻呢樣嘢, 同講一啲我人生嘅轉列點。 89Tang
已有 0 人追稿