[新手]為左一個女仔,我開始學打LOL

是咁的
我叫阿言
一位中六重讀生
公開試失敗之後就返返去母校重讀
諗返起以前係班入面比人恰比人笑,冇朋友
向女神表白連收好人卡嘅資格都冇
希望可以自己洗底,至少識到一班朋友

經過班主任安排,我坐係一個肥仔旁邊
雖然我都想專心讀書,但都唔洗咁好比個油頭爆瘡肥仔我


班主任仲話個位要坐死一年
正當我諗緊用咩理由調走肥仔時
突然有一個女同學拍一拍我

:O  女同學    :)  我
:O  :喂,你有冇玩開LOL架?
:) :LOL?你講英雄聯盟?冇呀
:O :咁冇野啦,仲諗住同你打返幾場LOL
:) :隻game咁毒,唔玩啦
:O :#ng# 屌你食屎啦!


細心一睇
佢其實都幾靚下
眼大鼻高,黑長直,戴住一副黑框眼鏡
如果只講外表,佢都係靚女
不過就男人體型,成175cm高
同埋出名男人婆,根本冇男仔肯追佢
加上佢咁臭串性格,睇死佢依個死宅女一世冇男人要

:) :死宅女
今次仆街了,一時唔小心口快快講左出口


:O :連LOL都唔識玩嘅毒撚,你係唔係男人黎架
之後老師話我地太嘈,再嘈就要罰
我地先冇再嘈落去

返到屋企,不斷諗起宅女句:「你係唔係男人黎架」
為左面子,又唔好意思問朋友咩黎點玩
更唔可以係高登開post問「[有酒水]究竟LOL點玩」呢啲霸氣盡失嘅問題
唯有不斷Google LOL嘅資料
查完wiki,又防禦塔又主堡又技能點又買裝
睇完嘅字都係唔明玩咩
反正岩岩開學冇野做,就down落黎睇下點玩
當我識玩嘅時候,就係你條死宅女嘅死期