簡介

曾經發生的 一個小學雞的愛情故事



  我叫呀聰,一個小六嘅小學雞,我一直都好想擺脫小學雞嘅生活。點解?因為着住條短褲,出到街都一定比啲中學生叫小學雞。做咩都好,會有一種比中學生睇唔起咁嘅感覺。

  因為我住得同小學近,每日都可以訓到七點先起身,但我就成日都晨早流流起身打機,打到呀媽起身,我就返學啦。每一日返學,我都專登慢慢行,磨到七點半先行去校門,都係為左同小學女神Karen一齊返去。可惜啦,佢係坐呀爸架車返學,佢每日返到嘅時間,永遠都係早或遲我幾分鐘。幾個禮拜先可能撞到一次,我一見到佢個黑色書包,都一定會跑上去拍下佢個書包,嚇下佢。佢會即刻望過黎對住我笑,話:「咪成日嚇我啦,好衰呀你。」之後,我地就會好自然咁一齊行入操場。我相信大部份小學雞都係用嚇黎引女神注意,搵機會佢同講下野,所以佢每一日都會比人嚇5,6次。哈,小學雞引女神注意真係永遠都離唔開嚇佢同玩佢架啵[sosad]

  女神哩家野,每日返到去都實有兵仔同佢玩,我就成日都幫一個又係中意佢嘅死黨呀康玩佢,引Karen笑。因為呀康成日同Karen玩,好自然地比我地哩班小學雞話情侶。而呀康都好主動,成日送野比Karen。哇,我哩個死黨收到哩啲都仲少過佢#ng# ,話佢唔鍾意Karen都真係冇人信#kill# 。有日小息,呀康仲專登買左包野飲,專登扮撞到Karen,就咁遞比佢。係哩個時侯,我都係同我個frd係隔離笑,話:「兩個仲扮無野!」明明我好鍾意Karen,又唔夠膽主動,見到呀康成日同佢咁開心傾計,其實我好葡萄,我都仲係要成日幫佢溝Karen。我自己都感得自己好白痴,做咩要扮偉大咁off去幫呀康溝Karen,明明我都好鍾意佢架。我成日都係到諗,如果有一日,Karen真係比呀康溝到,我會點呢?諗到哩到,我又明白我自己冇可能追到Karen,但係又唔想放棄,真係好忐忑[banghead] 。到底要死黨定係要女神?我每日都諗哩個問題,但我始終搵唔到一個我接受到嘅答案,因為我驚到我老果陣,會因為冇追到女神邢後悔,冇左個死黨而遺憾。待續...

新手第一次作故,其實係真人真事?#hoho#
大家支持下啦,我都知可能膠膠地:o)
大家留低你地嘅意見啦!
已有 0 人追稿