「你頭先做咩唔還拖?」Matthew問著一臉不忿的Michael。

   在校園裡的一角, 一群男生正在討論著。

   「係囉, 你打拳架喎。」另一人插口問著。


   「你地...」Michael只是陰沉地低下頭。

    眾人皆被懾得寂靜無聲。





   「用下腦得唔得呀? 如果佢真係殺手既話會點?」Michael陰沉了半响後, 吭得大聲地罵著。

   「仲有佢地兩個...畀人殺埋...」他緊緊地握著雙拳。

   「砰!」牆壁猛然傳來一聲較為震憾的聲音。

   「睇住呀!」Matthew被這突如其來的一下怔住。






    Michael狠狠地把拳頭, 揍向石牆之上。

   「如果我肯定到佢地嗰邊冇人係殺手...」他怒得顫著身體, 說道。

   他身上彷如幽幽地散發著紫黑色的氣場, 連Titus跟大Jacky也不敢插言打岔。

  「我一早揼死佢...」他忽地再一拳, 撼向牆上。

   各人看到石牆被他打得凹了少許之時, 也面面相覻。






   沒錯, Michael是一個拳手。

   倘若Ivan當時被Michael出手還擊, 恐怕下場只會跟他兩個手下相同。

  「殺手已經開始做野, 死既人只會越黎越多。」大Jacky說著。

  「我地係佢兩個死嗰陣係一齊, 大家都有不在場證據。」Matthew走到大Jacky前, 說道。


   「殺手有兩個。」Titus半抿著雙眼, 答著。

   「但係...」Matthew急不及待地打岔。

  「但係殺手最有可能潛伏既地方, 就係Christine同Fergus嗰班人。」Titus托了托下巴, 已經說中各人心中的答案。





  「嘿。」此時, Aaron忽然竊笑了一聲。

  「嗯?」眾人都好奇地望向他。


  「而家最大既威脅唔係Christine佢地, 亦都唔係其他組, 而係嗰兩個殺手。」Aaron豎起兩根手指, 放在嘴前作抽煙狀。

  「then?」Matthew追問道。
  
  「人同此心既啫。」Aaron倚在走廊的窗台邊, 笑著說道。

   話剛未落, 走廊盡頭出現了一個正在向著他們走近的身影。






  「嘿。」Aaron, 眾人亦注視著他。

   
   另一邊廂, 

 「咁樣既話, 應該冇咩問題。」Fergus說道。

 「咁至少已經可以再縮窄範圍。」我答著。


 「你地究竟講緊乜啫?」娜姐氣結地坐在位上, 翹著雙手, 顯得十分不耐煩。

 「一陣你咪知囉。」Fergus黠笑了一聲說。

 「唔...唔...」話才剛落, 他的手機已經準備解答娜姐心裡的疑問。





  Fergus看著屏幕, 本來輕鬆的表情在幾秒之內漸漸皺成一團。

  當然, 我是看在眼內。


 「做咩? Jack搞唔掂?」我把身傾前了傾, 問著。

  「唔係...只係班人...」Fergus眉頭緊皺, 若有所思。

   照道理, 倘若我們兩派人聯手, 在這個場況之下, 無疑是一個雙贏局面。

   或者, 我猜到了。






 「佢地信唔過我地?」正如我們不會百份百取信他們一樣。

 「嗯。」Fergus直視著我, 像等候著我的推展。

 「佢地應該係想我地兩邊再搵一隊人, 相互監察同抗衡, 對大家多一份保障。」我翹起雙手, 說著我的見解。

   如無意外, ASA2他們應該就是這麼想著。

   沒有人不會為自己想多一點。


  「冇錯...而班MK又...」Fergus蹙著眉, 語甚擔心。

  「唔怕...」正當我準備解難的時候, 娜姐同樣不約而同地說道。

   我跟娜姐馬上對望著。

   我倆很有默契地笑了。


  「搵Lincoln。」我跟她一起說道。
已有 0 人追稿