【微甜】點解有五條女同我一齊?: 3-踏中地雷- 「修正版」
我自問自己係一個毒撚，無一技之長之餘，樣同口技又係好得，做到你隻兵都算係唔差。
我又可得可能做你既男朋友呢？我越諗越唔明白。
啱啱過黎果個啊柔既女神feel已經正到無得彈，依家呢個啊情直程啪啪啪一流。
啊情望住我見我唔出聲，就忍唔住問:「啊龍，你做咩呀？你今日好奇怪喎，你係咪病左呀？」
「無，唔係呀，邊有病呀。」我就扮無野。
「你又話唔舒服，依家見你幾都精神呀。」啊情起身上前反駁我。
呀屌，仆街啦，比啊情識穿左添。咁點算呀.....
我靈機一觸，笑笑口咁話:「睇到你咪精神哂囉。」
「直覺話我聽，你今日有啲唔妥。」啊情咪起眼望住我咁話。
我驚左一驚，心諗，唔妥係好正常，我係第一日識你，你唔係第一日識我呀嘛，梗係唔妥啦。
啊情再講:「咪話我成撚日霸你呀，既然無事就同啊柔睇戲啦，你今日係約左佢架。」
講完之後啊情用個想入非非既樣又講:「唔通你唔去既原因係想同我一齊做啲愉快既事情?」
係男人既都滴汗，唔通個故事啱啱開始就要加甜？
我個心亦都開始呯呯咁跳，自己都開始諗緊啲邪野......
咩bra呀，咩底底呀，乳頭咩色呀，個波有無彈性呀之類。
「講笑姐！」啊情係咁笑，仲要用手揞住肚果隻。
我個心的確有啲失落，啊情就繼續講:「唔洗咁認真喎。」
佢仍然係度笑，之後佢禁左幾下電話。
「ok啦，我同左啊柔講，你依家出黎啦，同佢講埋你食左藥無事啦。」啊情望住我講。
我嚇左一跳，依家啲藥邊有咁勁呀！講大話都講個合理啲呀。
不過我feel到啊情同啊柔係知我無病，所以比個落台階我姐，估唔到對我咁好，好感動呀！
之後啊情話有啲野要做要走先，仲叫我快啲換衫同啊柔出去睇戲。
我一換左衫就係whatsapp度同啊柔講話火車站等，諗住近我可以快過啊柔到達火車站。
話哂係第一次約靚女，無理由要佢等，所以首選會係火車站等。
一去到火車站就打電話比啊柔，點知突然有個人cool住左我隻手，我轉身一望，唔係邊個就係我要搵既人-啊柔。
啊柔笑笑口咁話:「又話唔舒服既？睇過...」
啊柔一面認真樣望住我講:「睇你個樣又好似無事喎。」
我唔知比咩反應佢，話哂都係第一日識，仲要咁親密。
「係咩？」唯有咁答啊柔。
「可能啲藥特別強掛。」諗諗下又諗起啊情話食藥果句野，又比我可以做藉口。
「我都估到你唔會約左我就放我飛機架啦。」啊柔點住頭講。
「點會呢，只係頭先我......」我講。
「頭先？頭先點呀?」啊柔問。
「都係無野啦。你啱啱到呀？」我再問。
「古古怪怪咁。」啊柔望一望我，佢又再答:「唔係呀，都等左你好耐架啦？」
唔係掛？我咁近火車站，應該係最快架喎？你都等左我好耐？
唔會係你知我唔會失約，所以啱啱喺我門口走果陣一早就知我會出黎，就係火車站等我而一早就到左呢？
「好啦，唔講咁多啦，我地入閘啦。」啊柔一路拉住我講。
我就不知所措咁點一點頭就比啊柔拉左我入閘。
我發現啊柔除左本身有一種遠觀以不可褻玩既感覺之餘，原來都幾健談。點解咁講？
由入閘到上車，啊柔係咁同我講野，又分享自己啲野比我聽，可能佢真係中意同我講野。
不過佢有時都會問下野，關於我既我答到，關於我同佢既野，我就一句都答唔到.......
梗係啦，我第一日識你就一齊左，點會知你咁多野呀？
啊柔終於忍唔住就問:「你今日好奇怪。」
「係咩？咪又係平時既我........我..我覺得無咩分別呀。」我就滴哂汗驚穿煲咁答。
「唔係喎，我問你尋日同我食果碗麵，你啱啱係話唔錯架喎，但係你尋日食左一啖係話唔想食。」啊柔再話。
hi hi啦，鬼知尋日同你做過啲乜咩，我以為咩都話，係呀，唔錯，係囉，咁就可以過到骨，原來唔係，屌......
我就諗左諗就話:「記錯，唔係尋日，係前日先啱。」
「前日我都無同你食野，你同其他人食麵咩？」啊柔問。
「係咩？呀......記得啦，同老母食呀。」
我用左唔洗一秒既時間就爆左一句大話，我講大話越黎越出口成章啦。
啊柔就話:「你今日真係有啲怪。」
「可能係病左掛！」我就繼續掩飾。
佢就用隻手點一點我個額頭，然後就話:「又無發燒，睇你又無流鼻水，唔似傷風，你咩病呀？」
我都已經唔知講咩好，求求其其咁講:「總之就好唔舒服啦，成身都好唔對路咁。」
「唔緊要啦，可能係我多心啦，眼前呢個係我最心愛既啊龍，龍仔呵。」啊柔笑住講。
「係囉，我永遠都係我，哈哈。」其實我feel到啊柔係覺得我唔妥，但係佢唔講出黎姐。
既然啊柔唔講就當無事發生啦。
其實我同啊柔傾左咁耐，雖然啊柔係好靚，但係都有唔少狗公係度睇住，我開始感覺到比人葡萄既之味。
唔知點解我唔想比啲麻甩佬望住啊柔，係一種強烈既討厭感覺，所以我地到站就快快落車。
到左旺角百老匯，睇完"復活者聯盟2"之後，我地就去左一間好撚貴既餐廳度食野，
認真講，我手上既錢，只係夠比呢餐飯，當然係我同啊柔既份量啦，我點會唔請佢呀。
啲野食黎到，啊柔拎起手機影左幾幅相，估計應該係去fb到打卡，
啊柔放低個電話望住我講:「我想黎呢間餐廳度食依度啲野好耐架啦。」佢個樣話左比我知佢好開心。
「依家咪有機會試下囉。」我就開心咁話。
「之前你話唔好食，所以唔比我黎食。」佢就扁起嘴講。
我好好奇，點解會唔比你黎呢度食，我都係第一日識你。
之前既我係點?可以咁勁說服哂兩個靚女一齊都得，有機會一定要講句多謝。
我笑住回佢一句:「你中意食咪得囉。」
正當我地食得興起，突然電話震左一震，
我拎出黎睇，係啊情喎，原來佢whatsapp我，佢話...
啊情:死衰人，又話只係帶我一個去xxx餐廳度食野，依家又帶啊柔去算點?
我心諗，仆街啦，我點會諗唔到我之前咁講係有原因。
一定係係fb比啊情睇到我同啊柔係呢度打卡，所以比啊情發現左。
啊情立刻再whatsapp我......
啊情:你好野呀，你不仁，我不義，今晚老地方見。
我:等等先，咪住
啊情:我地e家無野講，今晚見
咩料呀?咩老地方呀?
之後食緊野既啊柔都收到whatsapp，死啦，會唔會啊情佢報串呀。
啊柔睇完之後個樣變左，唔係係度笑，係好唔開心。
我心諗咩事?點解啊柔個樣咁唔開心。
之後我問啊柔:「啊柔，你個樣做咩咁?」佢個樣好似話比我聽最衰都係我咁。
啊柔望住我講:「你唔早啲同我講，咁我咪唔黎呢度食囉。」
佢又耷低頭又再講:「搞到啊情唔開心啦。」
下?我滴哂汗，點解會係咁，唔係嬲我唔話佢知呢個係我同啊情既尊屬地方？
反而係因為咁樣，令到啊情唔開心，所以話你知，而去避免發現？
哇，呢兩個女仔，我完全摸嚟透呀....
之後我地食完之後各自各返左屋企，原本打算送啊柔返去，佢話唔洗，所以我都無逼佢要我送。
之後返到屋企先發生我係唔知果個所謂既老地方係係邊，但係另一方面我老母又叫我食飯，我就食完飯先再諗，正所謂食飽飯先有氣有力諗野。
諗左無幾耐，我發現既然屋企搵唔到老地方既地址，倒不如心動不如行動，諗咁多做咩？直接落街搵啊情出黎仲好啦。
我相信如果叫得老地方，肯定離我唔遠既地方。
點解呢？因為叫得夜晚出黎都會遠得去邊，所以可以縮小個範圍，簡單啲講就係我依家住緊果個區。
我落街搵啦，搵左個幾鐘，但係就咩都搵唔到。
死啦，人影都唔見，唔通真係我估錯左？
突然啊柔打比我，我當然聽啦。
「喂，啊龍呀，依家幾點呀，搭3都黎啦，又話搭正到，你依家係邊呀？」啊柔講。
我就好撚叻目咁話:「唔係呀，我老母逼我飲哂啲湯佢，唔係唔比我出黎呀，到左再搵你，拜拜。」
之後我望一望個鐘，九點搭三，姐係約老地方係一定係9點啦。
「咁你快啲啦，啊情好似好嬲咁，拜拜。」啊柔話。
佢一收線，我突然覺得奇怪，點解啊柔都係度？
唔係得我同啊情架咩？唔理得咁多，搵到老地方先算。