【微甜】點解有五條女同我一齊?: 4-本能?天性?- 「修正版」
仆街啦，搵左咁耐都搵唔到佢地，點算呀？
行到咁上下我自己都唔知自己行左去樓下既公園，仲要係有平地既狗公園。
我行到攰攰地，打算搵個位坐下，諗住抖兩三分鐘再去搵。
點知......
「啊龍？」啊柔講。
我抬頭一望原來係啊柔，見到啊柔姐係呢度就係老地方啦？
不過知道又點，真正要解決既事情依家先開始。
「我岩岩肚痛走左去廁所，都踎左好耐，個屎忽仲有少少痛，所以咪坐下囉，哈哈，依家過去啦。」我講。
「奇奇怪怪咁。」
啊柔再講：「過去啦，啊情等緊你呀。」
啊柔望住遠處既啊情，啊情亦只係望左一眼，然後就嬲爆爆咁另轉面。
「你覺得啊情會點對我呀嗱？」我問啊柔。
「應該唔彩你掛。」啊柔答。
「唔會掛。」我講。
之後我同啊柔都行去啊情度，仲打算坐係啊情隔離，點知啊情就大大聲咁講:「喂!!有話比你坐咩?」
佢個樣好鬼惡，我個心好鬼驚。一黎，第一次見佢嬲，二黎，唔知佢嬲會點。
不過我都係第一日識你姐，搞到好似殺父仇人咁，櫈都唔比我坐，都唔知個啊情係唔係心理變態。
只不過係同啊柔食左一間我同你先野既地方咁姐。
唉！女人心海底針係無錯，男人永遠估唔到女人諗乜。
為左唔好火上加油，所以我都咩都無講，企返起身，免得啊情對我仇恨值增加。
啊柔見個勢就插左句嘴就話:「對唔住呀，啊情，我都唔知原來係咁架，你原諒我地好無呀。」
「呢件事唔撚係你既錯呀，係個死衰人既錯。」啊情就望住啊柔講。
講到呢度啊情雙眼怒睥住我，佢望住我果陣，我個心離一離。
不過講返轉頭，我都係今日識你，唔知你啲野都好正常姐，更何況我自己都係受害者，到依家都係對整個狀況都係鳩頭霧水。
「啊...啊...咁你依家想點？唔食都食左，唔去都去左，咁可以點？最多搵過第二間野補上囉。」當然我唔可以比啊情拋疾。
我仲以為啊情會無咁嬲，點知佢彈左句:「唔係第二間既問題，係承諾既問題，由最初開始你係咁我講話只係會同我食，你依家又同佢食呀，算點呀?」
屌，講到呢度啊情連眼淚水都標埋出黎。
我忽然諗起，我曾經都承諾個前女友好多野，
但係我...我一樣野都無兌現過，我不禁有啲耐疚同個心唔舒服....
我就死死氣咁諗，你玩到承諾，我邊夠你玩呀？
果刻我真係好想走左去，不過我自己同自己講，我唔可以再令到任何女仔唔開心。
可能我係男人既關係，再加上之前既事，我就梗加唔想我身邊既女仔再因為我受到傷害。
而且我又未同你地敦倫過，又唔想第一日就搞到個局面咁，所以我就舉起勇氣紋章，然後大叫暴龍獸超進化啦.....
以上講笑，只係想講我攞左好大勇氣出黎。
「係呢件事我係有我既錯，但係你都唔應該亂發我脾氣。」我繼續講。
「我點解唔可以發你脾氣？」啊情喊住問。
「因為...因為...」我諗唔到原因添。
「講呀。」啊情追問。
「因為啊柔話想食好耐，只係對佢食一次姐，岩唔岩？而且仲有好多地方我地未去過，我地可以去果啲地方，留下我地之間既回憶，總好過去一間只有我同你先去既地方有意思得多。」
「個問題係承諾上既問題，依家你講過唔算數呀。」啊情講。
我果刻一手捉起左啊情，然後一啖咀埋去，其實我唔知點解會咁做，但係硬係覺得對件事會有幫助。
因為成套動作實在做得太快，啊情黎唔切反應。
係咀緊既途中，啊情試圖爭札，但係我亦都嘗試攬緊佢，結果佢就無再郁，願意配合我。
「對唔住，我知我做錯左，我亦知道令你好唔開心，但係我知道一樣野，就係我愛你，我唔想你為我難過，我應承你，我唔會再講過唔算數。」我望住啊情講。
「我唔知你講乜喎。」啊情避開左我既眼神。
而且啊情個樣紅哂，仲另轉面笑，你估我唔知呀。
「喂，你地有你地得啦，唔洗理我架啦」啊柔講。
身為男人既我，又點可以比靚女唔開心呢？
我就順個勢講:「啊柔你都係，都係我深愛既女人。」
我睇到啊柔塊面都紅埋，一句聲都無出。
我再望一下啊情又望下啊柔:「你地都係我最重要既人，無左任何一個都唔得。」
之後我望返啊情，佢用緊紙巾，應該係抹下眼淚咁。
啊情見到我望佢，佢就斜望我咁講:「唔好望住我，我依家好樣衰。」
「唔會，你不嬲係我心目中都係咁靚。」我搖頭講。
啊情又面紅，嘴角含春咁話:「係咪掛?」
我點左一下點頭。
之後啊情個樣變返正常，好正經咁話:「我聽日全日都要返工，所以聽日我全日都唔得閒，你自己搵節目呀！」
我就好正經咁話:「下，咁啊柔呢?」我就轉一轉個頭，望去啊柔到。
雖然係好正經，但係我個心係產生無比既邪念。
「你傻咩，我今日走左半日堂同你出街都夠啦，我仲要畢業架，今年係入u第三年咋。」啊柔望住我講。
下，啊柔讀u?我沙紙都係得幾分，唔好講u，副學士都無我份，啊柔你係得既。
啊情再講:「啱你啦，你聽日可以打下機，唔洗理我地....」啊情個樣好似唔係幾想我打機咁。
「不過你聽日要返學架，都唔明你基礎文憑都要retake，你羞唔羞架?」啊情繼續講。
啊情順手拎起個電話係度禁。
「咁我都唔係讀書材料，你地知架。」我都唔知答咩好，隨口講。
啊情同啊柔同時嘆左一口氣。
「咁你努力啲啦，我睇好你架。」啊柔講
我聽完啊柔呢一句，我就充滿信心，點左一下頭。
「哇！」啊情突然講。
我同啊柔都比佢句「哇」吸引住望左埋去啊情到。
啊情就繼續講:「好夜啦，10點半都黎，閃人先。」啊柔聽到都話要走人。
我同佢地兩個都嘴左啖先走，goodbye kiss嘛，之後我打算轉身走人，
「記得較鬧鐘呀。」佢地就異口同聲咁講。
我聽到個心覺得好甜，但又好唔開心。
不過都要係佢地面前扮無野，因為我知道我前女友係成日咁同我講。我開始有小小掛念佢......
我就轉身回左句:「得啦。」講完我就轉身行返屋企。
今日真係驚險呀，無啦啦有兩個女朋友，又無啦啦要氹女。
但係明明呢d咁既技巧我唔多識，點解我又做到出黎既？