我返到屋企,就話:「屌,係喎,打緊機嫁喎。」

我聽到係耳機度啊強啊俊同啊雯係度有講有笑。

而且亦都聽到廁所度有沖涼既聲音,估計老母係入面。

所以我就叫啊柔啊情求其坐住梳發住先,玩下ipad睇下大台。

因為我要打機,無理由又走左戲肉部分,所以我同啊柔同啊情講話我打埋呢場就唔玩,等我一陣。



佢地擺出無奈既眼神,舉起ok手勢,然後就做自己野。

我坐左係電腦面前帶起耳機就話:「我回來啦。」

不過個感覺都幾奇怪,只係識左兩日,就要扮哂好撚熟絡咁,唔知以為真係相處左好耐咁。

咁好既情況有邊個唔想,以前就話可以三妻四妾。

依家一夫一妻制嘛,邊可以包二奶,所以其實個天都對我不薄。



言歸正傳,係電腦面前既我,的確唔係平時既我,因為我係好中意打機。

「喂,你返黎啦」啊強話。

啊雯就補答一句:「啊龍,我地玩緊minecraft呀,你都黎一齊玩呀。」

嘩屌,咁撚快埋到堆。

「你都有玩開呢啲game?」我問。



「無呀,見你地玩,我咪試玩下囉。」啊雯答。

我就做我平日做既野,就係開場。

「好呀,我開場先,等等。」

開緊場既果段時間,佢地已經係度傾緊計,有時仲講我壞話,話我柒呀,扮勁呀等等。

等左一陣,我就同大家講:「喂喂,我開左場,ip係123.23.456.6,入黎啦。」

「其實呢....其實呢..點加入。」啊雯怕怕羞羞咁問。

原本我打算答,結果比個啊強搶答:「哦,係咁既......之後咁....」

喂!鬥快有獎咩?話時話點入都係我教你嫁,扮撚哂專家咁。



突然有人拍我後尾枕,「啪」左一聲。

咩事?我回頭一邏,原來係老母,你唔係沖緊涼咩?

我就燥燥地問佢:「咩事呀?」

「喂,睇唔到有客咩?」老母嬲爆爆咁講。

下,你up乜鳩呀?

「侵杯水比人地啦,過門都係客呀,仲唔快啲!」老母指住我果兩位女友們講。

之後我怕麻煩,而且打緊機既我已經進入忘我mode,好直接咁彈左句:「遲啲都係自己人啦,洗乜咁客氣喎。」



諗諗下發現好似講錯野,依家有兩個女友,一夫一妻呀大佬,點可以做哂自己人呀?

之後睇到佢地兩個塊臉紅撚哂,個樣已經出賣左佢地,係想同我耍花槍咁話「有話嫁比你咩?」咁款。

不過唔講呢筆住,老母就大巴大巴咁車左我一下,我聽「啪」左好大聲,我差啲成個人訓底。

其實我知老母係想講咩,老母覺得我講錯野,所以就打左我一巴。

我隱隱弱弱聽到啊雯係度問:「做咩啪左一聲既?」

「屌,啊龍一定係比老母打啦,哈哈哈...」啊強講。

啊俊都笑埋一份,屌,心諗柒爆。

「我無眼睇!」老母講完之後就咁返左入房。



我當時係度諗,如果呢世都係咁,咁之後都要結婚生仔,無可能娶哂兩個,問題就係呢度。

我望住佢地兩個,佢地都啞左,擺出一副無奈既樣,之後啊柔行過黎問我痛唔痛,啊情就繼續玩ipad。

我諗到呢度都覺得自己真係好衰,魚與熊掌想兩者兼得。

「你地想飲咩?有汽水、橙汁、牛奶同水。」我就問佢地。

「汽水,要凍既。」啊情話。

「清水得架啦,唔該哂。」啊柔話。

「好,等我。」



之後我就同skype既朋友們講句:「等我一陣。」

我就侵左杯水同拎左汽水出黎比佢地。

之後就回歸大草原,minecraft。

我入到去就已經夜晚,本能反應下爆左句粗。

「屌!夜晚。」

「你咁遲先入,我地三個各自起左一屋企,你自己過黎啦,坐標係...」啊強就話。

屌,一開始無得起屋,輸人又輸勢,去到佢地個位。

我望左一望就諗起三隻豬,大家起啲屋都好唔同,我忍唔著就笑住問....

「下,拍緊三隻小豬呀?」

「梗係唔係啦,我又唔係老大,我最撚醒,起屋最緊要快,唔洗睇外型嫁。」啊強就話

我望左一望,有間紅磚屋,我就問係邊個。

一問之下竟然係啊雯起,一個白天之內起到一間紅磚屋,仲要唔細果下好啵。

「老三,可唔可以比我住住先?」我問啊雯。

「話我係豬?唔比,你搵佢地求救啦。」啊雯竟然咁樣答我。

做乜?講下笑姐,夠竟係唔係女仔就唔講得笑?定係勁既人都係怪怪地?

「sorry,雯姐,我錯啦,比我住啦,好無?你起得咁靚。」我唯有抱住歉意咁同佢講。

之後佢都應承左比我住一個夜晚,之後就要起屋。

不過我越黎越敬佩佢,因為佢真係好勁,

佢爆左料比我知,佢話睇左個合成表,配合佢既打機直覺,好快就習慣到個節奏,仲比其他人快,

我心諗呢個世界果然有天生打機勁既人。

打左無幾耐,我見啊柔同啊情好似好眼訓打哂喊露,而且好似等我一齊訓咁。

「我訓啦,聽日先玩啦,早抖,拜拜。」我都醒水,好識做咁唔打機陪佢地訓。

同佢地講完拜拜之後,我就除底耳機,望住啊柔同啊情換哂睡衣,雖然唔知邊度拎出黎,

而且有啲肥皂味,就知佢地沖完涼,所以我都沖涼。

沖完涼之後就同佢地講:「你地訓我張床啦,我訓梳發得啦。」

其實我張床係雙人床,都係老豆老母懶醒,覺得我將來會有女朋友過黎訓,所以係雙人床。

不過你地又錯左,你地一定會諗唔到本小爺有兩個小公主,所以訓唔到三個人。

呢個時候當然唔可以叫其中一個訓梳發,所以我不入地獄,誰入地獄。

之後我就入左房打算拎被比自己係梳發訓,一入到去,佢地兩個推左我上床,閂左棟門。

我見到佢地個樣係想同我訓,但係真係唔可以三個人一齊訓。

「做乜姐?雙人床呀,雙人,ok?」我試圖同佢地解釋。

「但係我都想同你訓。」啊情同啊柔話。

「我出去訓,你地係度訓啦,乖啦,好冇?」

「咁好,啊柔,我地猜包剪揼啦!」啊情同住啊柔講。

哇,咁煩,一定有一個自己睡,我訓梳發咪唔好咩?唔洗猜呀嘛。唉!

「咁做係最起碼有一個人可以陪到啊龍你嘛,等你唔洗咁悶。」啊情就望住我講。

哇屌,對我咁撚好對,其實我好差,配唔起你地兩個。

結果啊柔贏左,啊情就好唔開心咁拎住啲被出左去。

「啊情,入一入黎呀。」我此終都心軟。

「哦,等等我。」啊情係門外講。

我望住啊情拎住啲被入黎問:「咩事搵我。」

哇屌,知我諗咩?

「我逼少少都有一個人位,話哂我都係瘦,一齊訓啦好冇呀?」唉!我都係衰心軟

屌,姐係兩人床逼三個人,都好親密下喎,會唔會有下場呢........

結果全晚無做啲出軌行為,不過我就成晚都扯到行。

事關佢地叫我訓中間,有得比佢地訓我膊頭。

但係咁樣做,我就一次過feel到4舊軟腍腍既肉點住我,唔洗用手都知到好腍好軟熟,真係爽到爆。

啊情d cup唔再講,啊柔都有c,真係成晚都訓唔著,我成晚係度諗,如果以後都係咁就好啦。

突然啊柔合埋眼話:「啊龍,唔好離開我呀!」

我睇一睇佢,原來發開口夢。

「唔會,絕對唔會離開你地。」我就細細聲咁望住啊柔講。

梗係打死都唔離開啦,突然之間多左兩條女喎,比著你地都唔會走啦,啱唔啱?

已有 0 人追稿