【微甜】點解有五條女同我一齊?: 21-不是我的回憶-
啊柔見我開左眼就話:「啊龍你醒啦!」
我望住啊雯好專心咁打機，完全無理到我原來起左身。
「嗯，岩岩醒姐。」我都唔知講咩好，求其答啊柔。
諗諗下唔對路，我部電腦明明係有密碼，
無理由啊雯會入到，唔通啊柔打完密碼再比佢用？
但係我前兩日仲下載緊幾段甜片，仲要中途斷種。
心諗打算過兩日再開黎下載，啊雯會唔會睇到我下載甜片呢？
「啊媽煮左飯啦，你起身食完先休息啦，好唔好呀？」
啊柔見到我望住啊雯。
我點點頭就起身，望到老母坐左係梳發又係到睇ipad。
老母成撚日睇埋啲韓劇，咩星星果啲呢，唉！
慢慢咁行去個飯台度，眼見啊雯開左我個LOL黎玩。
一講到LOL就諗起我十年都唔玩一次，都係朋友話玩先玩。
估唔到識左啊雯成個月有多，都唔知啊雯有玩，
仲禁到個鍵盤好大聲，就知道啊雯已經去到忘我境界。
我就停左腳步，拍一拍啊雯。
「依，你又有玩呀？」我同啊雯講。
啊雯聽到我講野，好似驚左一驚咁，轉個頭連手都停埋。
「啊龍，你訓醒啦。我只係用左一陣咋。」啊雯講。
我望望佢個人物，出撚齊哂啲裝，就知唔撚係啦。
「睇得出，齊裝呀嘛！」
我打左個眼色，視意比啊雯知，我老母係度，唔好玩得太癲。
啊雯用眼look一look我老母果個方向，之後望住我。
我對啊雯點頭，之後就笑笑口咁講：「睇返個螢幕啦，比人殺啦。」
話口未完，真係比人殺，啊雯個樣好似有少少驚訝咁。
我望一望右上，七殺一死一輔助，仲要一死係岩岩無睇到而死，
我自己自卑左一下，我平時死多，唔累隊友都算偷笑。
我就繼續行去食飯枱。
「你都中意玩呢啲遊戲？」啊柔問。
「一般般啦。n年前下載，有fd玩先玩。」我答。
「哦，咁食左飯先啦。」
啊柔就入左廚房拎左碗飯出黎，我就食左半個鐘就食完。
啊雯都岩岩打完，都係如我推段係贏左。
之後我就訓返係張床度，啊雯終於唔打機同啊柔陪我傾下計，得閒又無啦啦睇下我個啲瘀傷。
但係啊柔同啊情唔同，睇到我啲傷反而無去點佢，睇下就算，可能知道我會唔理佢。
啊雯都只係講下學校生活有幾悶咁，我就答佢其實學生時期先係人生中最好既日子。
因為係果一段既時間咩都唔洗諗，成績好就無我份，所以我都無努力讀過書，
可以同朋友一齊玩，返學一齊返，放學一齊放，有傾有講，咩都唔洗煩。
傾到咁上下都8點幾，啊情都過埋黎，搞到我個屋企都陰盛陽衰，不過都好既，我無咁悶嘛。
所以有啊柔係度，我真係全日唔郁都得，點解？啊柔咩都幫我做囉。
講起啊柔，係我同佢相處一個月黎，係我眼中啊柔絕對係超哂班既仙子，
言語同舉動都好靚，成績好，簡直賢良淑德，古代黎講應該係合哂格。
唔講大家唔知，其實啊柔煮野係好味過啊情，
最大既優點係就大方嘛，啊柔唔介意我同啊情啊雯一齊。
佢話我係好野喎，自然多人爭，
其實我覺得唔係咁，一定另有內情，正所謂邊有貓唔想獨佔一個毛毛球。
話返轉頭，如果你唔係皇帝就千奇唔好三妻四妾。
點解？因為會變成一個超級老婆奴，正所謂三個女人一個墟，你連一句聲都出唔到。
「唔係呀，係咁嫁咩？」
「如果係我就唔會。」
「唔得啦咁樣就。」
「唔會既，點會呢。」
佢地三個既聲就好似安眠曲咁吸引左我入睡。
屌，唔係呀，全日都訓夠啦，又訓？唔知點解我好攰，好想訓。
========發夢中========
我發現我係中學學校門口企左係度，忽然有個女人正面行過黎。
「啊龍，你望下我今日有啲咩唔同？」個女人一路行就一路問。
我望一望原來係啊柔，
「靚左囉。」我笑住同啊柔講。
「唔係呀，你睇清楚啲先啦？」啊柔面都紅哂。
我就望住啊柔，由上至下，由左至右望得清清楚楚，終於發現左。
「哦，原來係帶住左我送比你果個耳環，唔係喎，你唔係話啊帶嫁咩？」我講。
屌呀，點解唔係我想講咩就講咩嫁？
「唔知點解我想帶比你睇。」啊柔講。
啊柔之後捉住我隻手，想拉我唔知去邊。
突然whatsapp響，我拎左黎睇一睇......
朋友:啊龍，我一個人係屋企呀，可唔可以e家過黎陪我呀？
我:唔得閒呀，我陪緊啊柔。
朋友:咁我呢？唔洗理我嫁？
我:但係啊柔約我在先。
朋友:咁我同你既野爆比佢知囉。
我:得，明哂，我e家過黎。
「唔好玩電話住啦，我地去食野囉。」啊柔望住我一路行。
我拉停左啊柔。
「對唔住呀，啊柔，我唔記得左原來我今晚屋企人約左親戚食飯，不如下次先啦。」我講。
屌你咩，有個咁好既女朋友都仲要偷食，男人之中你算賤啦。
啊柔就好似好想唔開心咁，但係無喊。
「咁...咁好啦，下次先啦。」啊柔講。
雖然之後都笑左一笑，但係都笑得好勉強，然後轉身打算走。
「唔好咁啦，不如下次我得閒就陪你去行街街呀，好唔好？」我講。
「係唔係全日先？」啊柔就轉身就話。
我就點左下頭，啊柔好似無咁唔開心咁錫左我一啖，我就轉身走左。
我行左我從未去過既街道馬路商場，到左一個唔知邊個既屋企。
一拍門，就有個女仔開門攬住我，攬左一陣，大家都鬆手，互望。
一望之下竟然係啊情，唔係掛，呢個叫朋友既人係啊情？