話說仲有一日就情人節,我一起身,啊柔仍然訓緊,我唔敢整醒佢,

所以我無起身,又係只係望住啊柔,

一路欣賞佢既美貌,一路聞下佢既秀髮,

終於我忍唔住,咀左啊柔額頭一下。

可能我真係訓得太多,所以訓左少少就全部無睡意,



所以就單手拎起個電話禁左幾下,開下PKM GO,睇下有咩精靈可以捉。

玩左一陣,捉左兩三隻之後都乜遇到怪,

唯有上facebook,睇下啲朋友做緊啲咩。

話說facbook已經無以前咁好啦,以前只係睇到動態,依家又廣告,又分享,全部唔係facebook原意,所以我都少上左。

睇睇下啊柔都醒左,仲要打算起身,



但係依家先6點鐘左右,一個正常既女仔又點會夠訓,

所以我放底手上既手機,拉返黎我既身邊,我好想望住啊柔訓,想睇多陣。

「唔好起身住先,我想睇你訓教個樣,你訓教個樣好靚。」我講。

啊柔笑左一笑,望住我就話:「但係我想整早餐比你食呀。」

「唔好整住先啦,我想攬多你一陣。」



啊柔聽到我咁講,就無再打算起身,唯有比我攬住訓,我就一直望住啊柔訓。

可能我真係唔眼訓,就算合埋隻眼好想訓都好,完全訓唔著。

啊柔好似知道我訓唔著,合埋眼無望住我講:「訓唔著就做下其他野啦,唔係變大懶蟲呀。」

我呆左一呆,原來啊柔知我訓唔著,我就掉落地下都拿返揸沙。

「你又知我無訓教既?其實我係想攬你耐啲姐。」

啊柔就起身咁話:「咁你肯起身未呀,我肚餓呀,想食早餐。」

啊柔講起我都有少少肚餓,所以我就刷定牙,洗埋頭就等食早餐。

當然,有兩日無開過電腦一定唔可以唔開啦,所以我玩左一陣單機遊戲等啊柔刷個牙。



講左咁耐,好似無同大家講,其實我屋企好多即棄用品,所以我屋企都幾唔環保下,但無奈地又幾好用喎。

我玩左無幾耐,我睇啊柔都唔出黎食野,我就好奇行到廁所門口問問。

「好快出黎,等我一陣。」啊柔講。

我諗左一諗係喎,女仔朝早係要搞耐啲我都唔記得左,所以我就玩多一陣電腦先。

玩左無幾耐,啊柔出黎,原本啊柔個回歸大自然既look經過啊柔既整理之後,變成仙女下凡一樣。

我就同啊柔拎埋啲整好既早餐出黎飯台度食,係我到廚房果時,

我睇到整多左一入,我就問一問啊柔,原來啊柔話整比我老母食,所以就多左一份,



我望一望個鐘,大約7點正,就係老母起身既時間,啊柔真係細心。

之後我地開始食早餐,仲食得津津有味。

老母房亦都響出鬧鐘聲,過左一陣,老母係自己房到走左出黎。

老母望住我地話:「哇!咪咁早呀,仲食緊野添。」

「早晨呀伯母,我煮左早晨,唔介意既話就食埋先返工啦。」啊柔對住老母微笑。

我就順手讚下啊柔既廚藝。

「係囉,超好食呀,好味過你煮果啲。」我講。

啊柔就拍一拍我手臀,然後望住老母笑。



「邊度係呢,我都係煮得麻麻。」啊柔講。

老母就好無癮咁話:「等我刷完牙先講啦。」咁就走左去廁所。

過左一陣,我地食完,啊柔同我就訓左係張床度傾下計咁,

不過都係啊柔講,我做聽,得閒就問下佢。

傾傾下傾到唔知幾時,老母都返左工,屋企剩返我同啊柔係度,啊柔突然間問我。

「你聽日想要啲咩禮物?」

原來啊柔係知道聽日係情人節,我仲驚啊柔同啊情唔知添,



依家好似剩係得啊情無同我講情人節既野,會唔會係個驚喜呢?

「無所謂啦,其實都唔洗啦。」我講。

「我送枝筆比你好無?」啊柔問。

我嚇左一嚇,會唔會係果啲傻的嗎幾舊水一枝果啲有錢人用黎簽名果啲?

啊柔就繼續講:「話哂你都買左個水晶高踭鞋比我。」

你又知係高踭鞋,唔比係本書既?

「你點知我係送高踭鞋比你?」我不解咁問。

「因為啊情中意睇書囉,所以書係代表佢。唔講呢啲住,送筆中唔中意先?」

「點解要送筆呢?」我問。

「因為你讀緊書,要枝筆旁身。」啊柔答。

「你都識講啦,我讀書點會無筆呀。」我笑住講。

「咁又係喎,咁你想我送咩比你。」

我就一本正經咁望住啊柔就話:「你就係上天送比我既禮物,只要係一直係我身邊就夠啦。」

啊柔突然流淚爆喊咁攬住我,我都要配合下佢攬住佢。

喊左一陣,啊柔就訓著左,我無縮手,因為我驚整醒佢。

我都話嫁啦,訓咁少邊夠訓,好明顯係啊柔見我訓唔著就陪我唔訓。

不過都好既,我又可以睇到啊柔既睡相,真係美觀。

我望左一陣,突然whatsapp響,我就睇睇,原來啊強搵我.....

啊強:hi
我:hi
啊強:今日得唔得閒?
我:做咩?
啊強:無,我想你陪我去深水埗買SSD
我:咁所以?
啊強:有你係度可以幫手揀個好啲
我:咁你幾點出?
啊強:大約下午1點,啊俊都去
我:咁好呀,1點火車站見

雖然我係重色輕友既人,但係都成個月無見,當聚下舊都好,所以就爽快咁應承左,

而且時間尚早,仲有大時間陪啊柔。

我望住啊柔,係度諗,眼前呢個係實實在在既女朋友,唔係假,

我自己都唔敢相信,當然仲有啊情同啊雯啦。

回憶返一個月前,我明明仲係一個分左手回復單身既毒撚,打算光棍佬一世,

點知無啦啦有兩個女朋友,依家諗起都不可思議。

已有 0 人追稿