【微甜】點解有五條女同我一齊?: 26-英雄聯盟-
我禁一禁啊雯個頭像，再禁通話，
等左一陣，啊雯接聽左，我就開個靚小小既開場白。
「Hi，靚女，好耐無見呀。」
「啊龍，你唔多啲休息下，傷成咁仲打機？」啊雯關心咁問。
有冇搞錯，個頭開得咁靚，仲諗住同你耍下花槍，
你彈句咁既野出黎，有冇理我感受？
不過算啦，都係關心我先咁講，本大爺就此放你一條生路。
「哇，講呢啲喎，你都有打機嫁啦，打開有鋪癮，除非我起唔到身啦，唔係唔打會身痕架。」我答。
「咁啊龍你想玩咩呀？」啊雯問。
我諗左一諗，尋日睇到啊雯玩LOL，
所以我係度諗，既然你都中意LOL，咁我就睇下我同LOL係唔係緣份已絕啦。
講起英雄聯盟就諗去信長，得罪講句我真係識條鐵，
唔明DOTA類既遊戲有咩咁好玩，因為有無數既朋友撩鳩我玩，信長又好，LOL又好，
我都無一刻係認真玩，點解？唔夾囉。
甚至有位朋友同我講話我玩呢類game一定會好勁，鼓勵我都好，我都提唔起勁去認真玩。
其實我最唔明既係，平時差唔多每一日都同我玩，
而且完全唔提起LOL，所以由此可見啊雯唔係成日玩，
但都玩得咁勁，我都唔知啊雯係食咩大，點解可以咁勁。
「不如玩下英雄聯盟呀？」我問。
「好呀，我都好耐無玩啦。」
之後我就開英雄聯盟，登入帳號，選擇遊戲，正式打開久違既遊戲，
當然要睇下有咩新英，我睇下個新英既短片。
原來係唔洗用自己對手黎殺人既阿祈爾，對於呢隻英，我好有興趣，所以就買左。
我仲同啊雯講，阿祈爾好似好正咁。
但係啊雯話覺得唔岩我用喎，但係我無理佢，我想用咩就用咩。
我LOL等級係十六，所以我無符文，係呢一點，我係比三十Lv既差一段，
而且啊雯係三十lv，所以我地會配對既對手就係二十以上，三十以下既人，
所以我相信我唔洗太認真玩都ok。
開波五分鐘，我中路比人壓到無兩座塔，可以打直爆城內，
可能我真係太廢，完完全全比個劫壓住打，打到仆街，我都唔知點做好。
啊雯用既係吉菌珂絲，所以同輔助玩下路，根本無得幫，因為有一個走就2打1，
雖然睇啊雯係壓人地路，高對面兩至三lv，但係都要打爆第一座塔先可以幫手，情況都幾不妙。
而且打野既李星都幫埋手，都不敵比我越塔送人頭既劫打，
我同佢差成三lv，我先四lv，大技都無既我根本無勝算。
係LOL入面度，本身玩遊戲曬命話自己勁既我都比人打到仆街，所以無心戀戰，越打越無心機。
成場過左十六分鐘左右，終於出到兩件裝都打算硬左啲，可以同劫打下。
我好有信心咁走到過去。
勢估唔到比佢啲我都唔知乜既技一下打到殘血，灰到爆既我就諗打算死埋佢，送人頭算。
點知由下方發出既導彈，直接秒死眼前滿血又秒得興起既劫。
我心諗，我竟然無死？再望望係吉菌珂絲，我點一點佢個人物，齊裝!仲要十四lv。
再望望自己八lv，果刻我知道咩叫1分天份係好重要。
就係咁，我係全場最廢，啊雯就全場最勁，啊雯可以一打五，而我係人地可以一殺我五。
完場之後，我睇睇先知，所有人都係三十lv，除左我。
唔知係咪LOL既強弱分配做得太好，有啊雯咁勁既人，拉到敵人都勁埋，就顯得我就越廢。
啊雯有安慰我，話我好過好多人嫁啦，但係我都知道唔係咁。
邊有可能全場賺得六點一k咁少，其他人都有十一二k，啊雯最離譜十九k都夠膽死，足足係我三倍有多。
我身為一個男人係一個女人面前show最廢既一面，我不知幾咁想死。
「其實呢，LOL都唔係咁好玩姐，不如玩其他丫？」我講。
「唔好啦，玩多幾場先啦。」啊雯講。
聽完佢咁講，我又唔想啊雯無得同我玩，不辦法啦，只好玩多幾場。
「咁好啦，陪你玩多幾場啦。」
「好野，有人陪我玩，我愛你呀，啊龍。」
唔知係唔係我陪啊雯玩，所以佢好開心咁。
聽完之後，我岩岩咩唔撚想玩既念頭都無哂，
可能真係你開心我開心既關係，反而明明自己好廢都想陪啊雯玩。
係果一刻明白其實玩得勁同廢都唔緊要，只要一齊玩就無問題。
玩左幾場，我都9點幾，我都唔記得左要上網搵情人節啲資料，掛住打機就連老母姓乜都唔知。
突然之間，我醒起情人節未諗到有咩地方可以去既時候，
正所謂近水樓臺，所以我諗啊雯應該唔介意我問啲咁既野。
「啊雯，你有冇咩地方想去?」我問。
「情人節既野，唔係男朋友諗果咩？」啊雯反問。
「咁你知我無咩主見，我又怕問佢地，佢地可能又話我點點點，所以咪問你囉。」我答。
「咁你又知我唔會話你點點點?」
「我覺得你唔會囉，今次當幫手，你男朋友有難都唔幫你都唔幫咩？隊友有難都幫啦。」
「咁我又唔會賣隊友，但係比柔姐姐同情姐姐知道會唔會話你無主見，唔係自己諗呀?」
「唔同佢地講咪得囉，唔講呢啲，有咩好去處?」我問。
「情人鎖果啲岩唔岩?」啊雯問。
我心諗你傻嫁，要我買三個鎖定一個鎖寫哂你地三個呀。
「好似唔係咁好，有冇其他?」
啊雯諗左一諗就話:「食高級餐廳囉。」
屌，我都諗到啦，問題係邊有可能係四個人食，仲要一男三女，一定個個用唔知咩眼光望住我。
「好似唔係咁好?」
「咪你咁架，一係咁啦，去主題公園囉，橫掂我都想去，海洋公園可以睇下熊貓之類。」
上年先搞到咁，今年都唔會好得去邊，可以next得，但係又唔可以要啊雯一直幫我諗。
「算啦，我自己諗，你玩你既電腦，期待我同你既第一個情人節啦。」
「咁呀，好啦，希望有個難忘既情人節啦，我會等你，拜拜。」啊雯講。
我就拜拜完之後上網搵下有咩浪漫既地方可以去。
搵左一陣，咩日出日後都唔錯，但係就太簡單，浪漫程度一段，所以又要搵其他。
我搵左無幾耐，就收到whatsapp，原來係啊情係龍之家度講野，我就開黎睇.......
啊情:啊龍，點解人地請我地去酒店同食自助餐，你都拒絕人地。
我諗左一諗，點解啊情會知道啊麗啲野，唔通佢同左啊情知，條友癲架。