【微甜】點解有五條女同我一齊?: 27-戰前準備-
我:點解你會知?
啊情:你咪理啦，你應承佢啦
啊雯:我都想食自助餐
啊柔:三星酒店?
啊情:五星酒店，係香港，啊龍個傻仔比人請去總統套房呀。
啊雯:係唔係好大果d。
我:等等先，你地知唔知人地開咩條件嫁。
啊情:我知，係扮人男朋友囉。
啊柔:咁呀，唔怪得啊龍拒絕啦。
啊雯:都係扮姐，又唔係真係做。
我:咁聽日就係情人節，無啦啦做左人地男朋友，咁你地點呀。
啊柔:其實你想點咪點囉，個心係我地度就ok嫁啦。
啊雯:我想住酒店，不過都係睇啊龍點諗。
啊情:要求唔大，你咪做囉，一日姐唔洗死。
我:但係我覺得唔去好d。
啊情:但咩係呀，我同佢講話應承左啦，你無得揀，各位我地聽日住酒店，仲有得食自助餐。
我:..........
啊柔:其實你唔想去咪搵人地囉
我:咁唔講到講左，你地無問題就我無問題
啊雯:個酒店係咪d好唔好嫁
啊情:人地係個酒店老闆個女，間酒店世界各地都有分店，好出名，全香港最好嫁，所以先答應佢。
我:所以就出賣男朋友都要去呀?
啊情:唔好講得咁難聽，係幫你搞好個情人節，你次次都搞到無癮，依家有個大好機會擺係你面前，你只要用1個鐘既時間就可以換到1日既情人節節目，唔抵咩？
啊雯:1個鐘唔見人姐，好抵呀，不過點解要搵啊龍?
啊柔:係喎，點解?
啊情:我都唔知，不過咪當益下啊龍囉，條女條件唔錯，諗得過。
我:咪玩我啦，仲諗溝女呀，我會比你地打死。
啊柔:我相信啊龍唔係d咁既人
啊雯:係呀，我會第一個打死你
啊情:算你啦，我地聽日諗下帶咩去酒店玩好過啦
我:你地唔會有人過唔到晚咩？
啊柔:我無問題
啊雯:我同屋企人講去朋友屋企訓就得嫁啦
啊情:我就一定得。
傾到咁上下就大家都好期待住酒店，但係我就唔想，點解會有種不詳既感覺呢？
不過有個問題，點解啊麗會搵啊情呢？
又點解一定要搵我扮佢男朋友，有錢人係怪，所以我whatsapp問啊麗。
我:點解你要同啊情講?
啊麗:講乜？
我:唔洗扮野，扮男朋友既事
啊麗:我同朋友傾計都唔得？
下？朋友？啊情同啊麗原本就識？唔會掛。
我:唔好博friend喎，你地點識？
啊麗:中學同學囉
我:你記住，我係比面班女先應承你。
啊麗:多謝先，今次有你幫助我，當還人情。
到左正日情人節，我起身就心血來潮，想開電腦打丁壯膽，順手玩下單機。
十二點左右，whatsapp終於有人搵我，
我睇一睇，原來係啊情，睇黎佢都真係想去酒店玩，
所以就叫大家準備好哂啲野就係我果邊既火車站等，我當然就無得say no啦。
大約過左一陣，我四個字左右就到左火車站，今次我最快，所以企左係個報告牌度等。
等左無幾耐，啊柔同啊雯都到左，佢地兩個既打扮非常靚，
果然係特別節日係唔同d，而且啊雯比平日既妝更加夾。
啊柔就天生麗質，個妝真係淡到好似無上妝一樣。
啊雯話個妝係啊柔幫佢化，所以比平時更靚，原來啊柔化妝技術一流。
過多一陣，啊情都到左，著左一套輕便裝就上陣，化左少少妝，
可能係持住自己有完美body，所以唔需要著啲咩衫去突顯佢既美感。
我地計劃左要幫我汁靚啲，之後食午餐，然後就行街，
最後就6點正將我讓比啊麗，一個鐘後食自助餐，最後到酒店。
啊情上下打量我，然後話我個look唔多妥。
「咪住先!我依家有問題咩？要汁靚啲？」我講。
「係好有問題。」啊情答。
「我上身 T-shirt加下身牛仔褲波鞋又有咩問題？」我就秒駁啊情。
點解我會咁話呢，係因為我平時係著運動褲加con屎就出街，無咩特別，日日如是。
「平時都唔怪你點著，依家你係用自己做條件去轉住酒店，比啲誠意人啦。」啊情指住我講。
「問題係我原本唔想，係你要我去渣。」我講出心底話。
「當幫朋友囉，啊麗話個個都係知佢有錢，就扮中意佢，所以就搵你姐，佢話你呢啲人扮做男朋友就最岩喎。」啊情講。
「咁唔洗又要轉Look咁，我覺得無問題喎。」
真心覺得無問題，因為我平時都係咁。
「但係其實你個Look都好毒下，情人節都著到咁就.....」啊雯開始搭爹。
「咁我就係死毒撚一個，唔識襯衫，個Look順眼就ok啦。」我望住啊雯講。
啊柔終於都加入佢地個邊就話:「但都唔係著到咁。」
「連啊柔都唔幫我，唉！咩嫁雞隨雞，嫁狗隨狗喎。」
救命呀！比佢地連Hit呀。
啊柔啊情啊雯三個異口同聲話:「邊個話嫁比你呀！」
就係咁，唔夠佢地駁既我，就唯有唔知比佢地帶左去啲咩既地方。
買左個老西同皮鞋，錢果方面唔洗我出，因為啊麗出埋喎，原來係啊麗既鬼計。
買完之後要去髮廊度set個髮。
屌，好似比人拍緊果啲咩羞男大返身咁，只係無左啲整容果part。
髮已set之後，我都打算完啦，唔洗再比人改造，
點知原來仲有美容野要做，我都唔知咩黎，但係點解唔美容左先再set頭呢？
啊情就解釋，個髮型可以擺好耐，但係護膚e家野就唔得，話我天性皮膚差，擺到明係踩我姐。
搞左一輪，我都好累，都搞左3個幾鐘，超撚肚餓，屌!點解唔食左野先呀？
啊情就帶我地去搭的，帶我地去左個我都唔太知係咩餐廳度食野，又蠋光晚餐又暗暗地既地方。
一入到個餐廳有個侍應出左黎，啊情唔知同佢講左啲咩，個侍應入左去。
等左5分鐘到，就安排左個位比我地。
心諗一定又係啊麗，姐係其他野咩set頭果啲，佢安排係無問題，但係點解食個飯都要佢安排。
一入到去咩人都無，可能係包左場，氣氛超級奇怪。
搞到食野果陣周身都唔抒服，
算啦，我見佢地食得開開心心都唔想搞到大家都無癮，咁我就安安靜靜咁食野。
啲野食應該係法國餐，但係又有意大利粉？搞搞下都唔知食緊咩。
貴價餐廳啲野我一次都無食過，所以唔撚知係咩菜，
或者之前既我係食過，只係依家既我唔知姐。
我地食完之後都4點幾，街都無得行就要送我上戰場。