話口未完,就到左一間大酒樓,點解會係酒樓?

唔通佢想我同一班親戚朋友食飯,唔係呀?

係酒樓外面,啊麗已經cool住我隻手臀,打算做好準備就拖我入去。

係入去果間酒樓有三層,我同啊麗就係去第三層既有房座位度食飯。

聽啊麗講原來係因為老豆啲親戚個個都仔女唔係結左婚就拍緊拖,打算啊麗無拖拍就相親。



為左唔洗煩就話有男朋友,事實上佢係無男朋友,因為啊麗話佢一早有中意既人,而且係好耐之前已經中意喎。

但係點解要同我講呢?同我講就幫到你?

我地入左房,真係多人到爆,咩姨媽姑姐,七姑六婆既樣,咩都有,總之就超多人啦。

我同啊麗一入到黎就有見到一個擔住枝煙既叔叔講野。

「嘻,表叔個女黎啦,仲帶個男朋友仔。」



屌,室內唔比食煙架。

之後有個著住老西既叔叔,我估係應該係世伯啦。

「啊女呀,咁遲架,呢個就係你男朋友啦?」世伯講。

我都話嫁啦,著到咁老西唔知你有錢咩。

我就有禮貌咁答:「世伯你好,咁多位,你地好。」



啊麗答到無答就拉左我埋座,開始都無咩野,大家都係有講有笑,除左我同啊麗之外。

大家都傾下有咩野唔好呀,又話我啲朋友點點點,又話做生意係點點點呀。

「靚仔,你叫咩名?」講講下世伯問。

我望一望世伯,原來佢問緊我。

「我叫啊龍呀,世伯。」我答。

「好名,人中之龍呀。」世伯講。

之後其他親戚就轉移左個焦點落我同啊麗度。

「依家讀緊書點做緊野呀?」親戚A問。



「讀緊書呀。」我客客氣氣咁答。

「咁你讀緊大學定咩呀?」親戚B問。

「其實我仲讀緊....」

突然枱底有人踢我,我個口卡左一卡。

「讀緊大學呀,第二年呀。」啊麗補答。

我望一望啊麗,佢又望一望我,好似話我知,唔好亂答野咁。

「咁你有咩興趣咁呀。」親戚B再問。



「我平時都係打下.....」

個機字都未出,就比啊麗踢一踢。

「打下籃球咁啦。」啊麗又補答。

之後果啲都唔知點講落去,係果一刻我好想時間係紅色同有角,

咁流逝速度就3倍速,咁就等於問一條問題等於三條問題既時間。

我一路講,啊麗就變左俊清十郎咁一路長矛欄截我,所以所有資料都係假既。

我諗諗下都係唔對路,如果下次再有啲咁既野,我打死都唔應承,搞到我好似貪錢咁所以埋人地個女身。

仲要食完呢餐飯之後,一定背脊骨骼到二零四六,超唔抵食。



係咁多個親戚質問之後,又比世伯問左兩句,雖然係啊麗答,但係都煩死。

食左個半鐘左右,完左個飯局。

成班親戚都開始走,我同啊麗就走去第二度,

呃親戚話去拍拖,實質係傾野。

「今次唔該哂你呀,下次啲野等我答啦,你唔好出聲喎。」啊麗講。

「下?咩下次?」

我嚇左一嚇,點解仲會有下次?



我繼續講:「我只係幫你呢次,唔幫架啦。」

「唔好咁啦,你都開左個頭,你唔係想睇住我死下話。」啊麗出嗲功(第一次見)。

「如果唔係你搞得掂啊情,我都唔黎幫你,仲有今次幫還左人情啦,我地無拖無欠。」

「你信唔信我爆哂啊柔啲野出去。」啊麗嬲嬲地係度發脾氣。

「你試下。」

「咁你繼續幫我咪唔講囉。」啊麗又出嗲功。

屌你老母,姐係依家局住要我幫你,

如果唔係你知啊柔啲野,我都唔會咁易屈服。

「咁你話點咪點囉。」

「好耶!唔洗煩。」

痴撚線,你咁樣係搞到我越黎越討厭你咋,有錢人都唔理人感受。

我之後就搵我三條女唔鳩理啊麗,我地四個人去酒店度拎左房先。

我一入到去,只係普通既兩張雙人床房。

屌!比個啊麗水哂,又話總統套房?

唔撚理啦,啊情啊柔同啊雯三個話肚餓想即刻食自助餐,

講起岩岩我比人質問到野都未食過,都有少少肚餓,所以我都唔反對。

我地落到去二樓,就係自助餐部,有牛有魚,有生有熟,有飯有甜品咁。

話哂係5星酒店,真係咩都有。

但係最大既問題係見到好多侍應就無咩客人,我諗左諗搞咩咁奇怪。

突然之間諗起黃子華講過一段野,話一少數既人服務大部份既人質素好啲?

定係大部份人服務一少數既人質素好啲?

所以我就係果一刻覺得應該係為左服務質素,所以先搞到咁既場面。

話哂都有好多強國旅客入黎住,佢地最講面子,咁酒店都無做錯,所以我都無理佢地。

但係食食下問題就黎啦,食完5秒都唔洗,就有人問你個空碟仲要唔要。

搞丁好似就黎食完眼前既野就有一種十幾個人都睥住個碟咁,食得勁唔舒服。

唯有求求其其食啲狗屎垃圾落肚,飽左就算,只要望住佢地食得好滿足個樣就ok咁。

諗諗下都覺得自己變鳩態,中意睇女食野個樣,

咪話我話,其實啲女食得好滿足個樣,真係好似比人中出完,好high個樣一撚樣。

諗到呢度都唔敢再諗,驚自己再諗會癲添呀。

大家食飽飽之後就上返房,原本打算今日就咁就完啦,

點知啊情拎左盒大富翁出黎就話。

「喂,大家,我拎左個大富翁,一齊玩呀,輸左果個訓地下。」

啊雯同啊柔都呆左,我估佢地係度諗有床唔訓訓地下?

「車!邊個輸左都係我頂嫁啦。」我說吐嘈一句。

「咁輸左唔通無懲罰嫁咩?」啊情講。

「如果我輸左就自己一個訓,訓咩都好啦,如果你地其中一個輸左就同我訓,ok?」我提議。

之後佢地諗左一諗,好似有啲唔妥,又講唔出。

我繼續講:「無人反對就咁決定啦。」

「唔得!」啊情突然間講。

我說望一望啊情講:「原因呀唔該。」

「贏左果個決定分配點訓,就算叫其他人訓廁所都得。」

哇,訓廁所咁陰毒都有既,全部符合啊情性格。

啊柔同啊雯都話無問題,佢兩個都無問題我點可以話有問題呀。

一開始我三,柔七,雯十二,情九,所以就雯之後情之後柔最後就係我。

諗諗下啊雯打機咁勁,唔怪得抽到十二啦,因為擲骰都係一門遊戲技術。

開左波無幾耐,啊雯既天份令佢佔左五成地皮。

啊情就拎左太平山果度兩塊地皮加羅胡一帶,共五塊皮連七八間房,一踩中罰好金。

啊柔都唔弱就搶哂啲地鐵站同公共機構同兩三塊地皮。

我就得最初果幾塊地,玩玩下踩中其他地方,罰錢罰到賣地,最後捱唔到十五分鐘就收皮。

好彩唔係訓地下姐,而且啊雯贏硬,一定比好位我訓,非常老定。

已有 0 人追稿