【微甜】點解有五條女同我一齊?: 31-靚女老師-
之後我突然比人捉住隻手，好似比人拉咁，我轉頭望一望，原本係啊情。
「唔好係度溝女呀，快啲刷牙同沖涼呀，我地成班人等你呀。」啊情一直拉住我講。
「好啦，聽你話啦，靚女。」我做一個想咀啖佢既表情。
「唔好同我黎呢套呀，快啲呀。」啊情塊紅左少少。
「車！無情趣。」比啊情講講都無哂癮。
「你.......」啊情用嬲嬲地既語氣講。
我沖完涼刷完牙，準備好哂啲野就退房。
忽然間我發現今日係星期一。
「係喎，今日唔係星期一咩？啊柔啊雯唔洗返學咩？」我問。
「今日個啊sir有野做，轉左堂，朝早唔洗上堂，所以等陣就要返u啦。」啊柔答。
「今日起身都遲左少少，咁咪請一日假囉。」啊雯答。
屌，啊雯同我一鳩樣，遲到就唔返，因為我遲到就要留堂，唔返就無野。
就係咁，養成左一遲就唔返既習慣。
我地出左酒店之後，啊情就話想食野，我地都話肚餓，所以去左食野，食完野之後，啊柔就去左返學。
剩低啊情啊雯同我，啊雯就話想返屋企先，啊情就叫我陪佢行街。
但係我好攰，好想返屋企繼續訓。
但係啊情想行街，咁我做男朋友既係應該陪佢，咪當係消化下啲食物，所以就無諗住講唔去。
一路行就諗起啊麗條友仔，尋日單野真係好仆街，
依家搞到又唔知點同佢地講，唔通話比佢地聽條八婆逼我扮住佢條仔先咩？
佢地實問我點解逼到我，我又唔可以話啊柔啲野比佢地聽，都唔知啊情同啊雯點諗。
唯有見步行步，依家只可以瞞住佢地幫個啊麗扮做男朋友，
都唔知之後會唔會叫我地結埋婚添，到時都唔知點算。
要諗個辦法之得，諗左一陣。
呀.....有計，可以幫啊麗搵個真正既男朋友，咁我咪唔洗扮囉，到時一天都光哂。
「喂！啊龍，諗咩諗得咁入神呀？諗住女呀？」啊情就望住我。
我回個神來，我都唔記得陪緊啊情行添。
「無....無呀，諗緊今晚食咩姐。」
「食！食！食！成撚日都掛住食，岩岩先食完咋。」啊情扮鬧我。
「你理鳩得我呀。」我就扮唔想彩啊情。
啊情嚇左一嚇就無再出聲。
做咩呀？平時唔係駁返我嫁咩？做咩唔出聲呀？
食菜肉呀？會唔會係搞到佢唔開心呢？
「做咩事？唔開心呀？我講笑咋，唔好嬲啦。」我問。
當然我都識做，見個勢唔對路，就需要扮弱勢認低威，先可以冧掂啲女。
啊情望住我，個樣好似有啲煩惱咁。
「你會唔會覺得我黑人憎架，成日都串你，又講埋粗口。」啊情就問我。
無啦啦做咩咁感性呀？
「唔會呀，咁先係啊情呀嘛，就係咁我先中意你呀。」我問。
啊情笑一笑，之攬左埋黎。
「咸濕仔，見本小姐身材好咋？」
我個身食緊波餅，有少少爽。
「當然無啲咁既事啦，我正人君子黎嫁。」我答。
「正淫君子咋？」
我笑左一笑就無回應佢。
係同啊情行街既呢段時間，我地無平時咁講野，亦都無互串，反而係拖住手，沉默咁望一望對方就繼續行。
可能大家都有個共識就係唔講野都已經足夠，比講肉麻野更加甜蜜。
我地都行左幾個街口，大約6點左右，我都差唔多要返屋企，唔係老母就要擔心，
所以我就送啊情返屋企先，之後就自己再返屋企。
返到屋企食完個飯就灘左係張床度涼都無沖就訓著左。
=========發夢中==========
白衣黑髮少女再道出現，佢走近我面前。
「我地又見面啦。」白衣黑髮少女講。
「點解你會係度既？」我問。
「因為有個好重要既信息要話比你聽。」
「下？」我呆左一呆。
白衣黑髮少女拎左一本叫做"無字天"既書。
「咩黎架？個名咁kai既？」我問。
「呢本書會係最後關頭幫到你。」白衣黑髮少女微笑。
我望一望佢個神情，同我前女友係一模一樣。
我諗左一諗，無論點睇都好，百分百係我前女友。
但係又好似少左個靈魂咁，感受唔到佢既氣息。
無論點都好，佢就係佢，係呢一個月黎，我好掛住佢。
我就捉住佢隻手講:「唔好走呀，陪下我呀。」
白衣黑髮少女比我個舉動嚇左一嚇。
「但係時間都差唔多，我係時候要走啦。」
我都唔知點做好，因為得呢個方法可以再見到佢......
唔知幾時先可以再見到前女友，可能聽日會見到，可能一世都唔會再見。
唯有扮細佬仔發脾氣，捉住前女友隻手。
「唔制呀，我要你陪我，如果呢個係夢，最多咪唔醒。」
前女友鬆開左我隻手，唔知點解有莫名其妙既阻力將我同佢隻手分開。
「你往後仲會有多兩個女友，好好享受呢段日子啦。」
「但係無左你，我一啲都唔開心。」
佢既身影漸漸咁離開我，唔知點解我郁唔到，只可以眼白白睇住佢離開。
係果刻，我個心好痛，係無比既痛。
=============================
我醒左，原本係發夢，我再摸摸自己眼睛，竟然我岩岩係度喊。
雖然白衣黑髮少女既說話方式同神態完全同我前女友唔同，
但係佢既樣貌，已經令我認定左佢係我前女友。
我望一望個鐘，2點幾，又訓唔著，唯有上高登睇故啦。
我上左2個鐘高登，睇下咩中上男神呀第三條跑道，亞視收撚皮又類既野，睇到都笑膠左。
之後睇到4點幾，我都睇到攰攰地就走左去訓教，因為聽日仲要返學，訓啦柒頭。
到左星期二，我一如以往咁返學，又同啊偉坐埋一齊，原本打算玩下電話又過一日。
點知上堂之前，唔係個呀sir入黎，係一個好後生既miss。
入到課室之後，個靚女miss就話個呀sir因為人事調動，所以唔會再教呢班，而且話師兄們會重點去教。
我諗左一諗，唔會呀，上年唔夠出席率姐，唔係唔合格，
雖然無講點重點教，但係我都覺得呢位靚女miss唔係講笑。
所以我都收起手機聽書，唔收都唔知，
原來上堂學啲野好撚易，個miss問啲野我基本上樣樣都答到，其實唔難。
但miss話識答唔係好叻，因為只係中學學過既野，識係好正常。
明明開始有心讀書，你又打沉我，算點呀？
係成件事最奇怪係點解呀sir比人調左唔教我呢班呢？佢又唔理我地，我又有得玩電話。
唔係話呢個miss唔好，樣靚身材正，仲帶點成熟既味道，但係無啦啦做咩換老師，啲學生會唔慣嫁。
上左3個鐘堂之後我都放學，突然啊雯係龍之家度搵我......
啊雯:救命，求救!
我:做咩？
啊雯:我今日派卷，我英文考試唔合格，miss話過兩日補考，如果再唔合格就新年假補課。
我:我幫唔到你，英語0分。
啊雯:但係我應承左啊媽話今年返鄉下，唔可以補課掛。
我:咁不如搵柔幫你補補呀，應該唔會唔幫我掛。
啊情同啊柔都無應我，應該係唔得閒姐，睇下今晚點啦。
我禁一禁退出掣，去度聯絡人名單。