【微甜】點解有五條女同我一齊?: 34-必要的一吻-
突然之間，有人打電話過黎。
我一望私人電話，心諗無號碼既？算，唔理照聽，一聽之下原來係啊麗呀。
佢話叫我即刻去唔撚之邊間酒店既餐廳度扮男友搵佢喎。
屌，如果唔係你知啊柔啲野，我一早唔理你啦。
算啦，屌佢都無用，唯有過去睇下咩事先啦。
我過到去，入左餐廳門口，就見到有一個老西年青人同啊麗坐埋一枱，我就行埋去就問:「咩事呀？啊麗。」
啊麗就另轉望一望我，然後望住個西裝友講:「呢位就係我男友，又高大又靚仔，同你差幾皮呀。」
「唔好玩啦，佢係你條仔？剩係睇個樣都知照顧唔到你，啊麗，你同我一齊啦，咁先門當戶對呀。」西裝友講。
我心諗，原來係追求者呀，如果我將佢地拉埋一齊，咁我豈不是甩難。
不過聽到呢條西裝友咁樣踩我，我就想玩鳩佢，橫掂啊麗大把追求者，少你一個唔少。
「咁佢依家唔中意你都無辦法架啦，唔通你格硬黎咩？」我講。
啊麗同個西裝友都望住我，啊麗都呆左。
我就繼續講:「人地唔中意你，你就唔好係度死纏爛打啦。」
「我唔信，啊麗唔會中意你呢個無品味無學識既垃圾架。」西裝友個樣死都唔信。
我屌你呀，雖然我係無品味無學識係一個事實，你都唔洗咁大聲講出黎，原本都唔想玩大佢，我今日就屌鳩你。
「我屌.......」我就嬲爆爆咁爆左粗。
突然之間啊麗用手拉我塊面，就一野咀落黎，係咀對咀。
我心諗，洗唔洗咁真呀？扮渣。
啊麗咀完我，我咩火都熄哂。
「你依家信啦？」啊麗就望個西裝友講。
個西裝友咩都無講，心都碎撚埋，就咁頭也不回就走左。
啊麗就望住我就話:「頭先唔該哂你呀。」
我個心呯呯咁跳，塊面應該好紅。
「唔洗，頭先....um....頭先..」我望住啊麗講。
「咪當益左你囉，如果頭先唔咁做，佢又會煩我嫁啦。」啊麗講。
「咁又係。」
「無事我就走先啦，有事再搵你啦。」
佢轉身就走。
係佢走緊既時候，我問:「點解要搵我呀？」
「你真係想知？」啊麗停底腳步，另轉個頭講。
我點一點頭。
「因為你好可愛囉。」
然後啊麗笑左一笑，就走左。
你果刻，我無再諗點解可以幫佢搵男朋友，而係點解要搵我扮佢男朋友，因為扮既人大有人在。
洗唔洗搵我呀，唔想貪唔洗錢咩？定係貪我唔識反抗？
不過啊麗都走左，所以我都走啦，仲要陪女打機，唔走都比老母屌，因為都就黎7點。
正當我走時候，有個侍應拉住我。
「先生未比錢呀。」侍應講。
我望一望個侍應，個侍應就指一指啊麗岩岩果張枱。
屌，個撚個都唔比錢就走。
個侍應比我睇個張單，成為二千蚊呀。
我屌出黎，就係岩岩個牛排餐，配一杯少少既紅酒，我望一望銀包三舊水，灰到盡。
「可唔可以用EPS？」我問。
「當然無問題啦。」侍應答。
我比完錢就走左，屌那媽，搞到無左兩千蚊，估唔到要咀千金小姐個咀要比二千蚊，仲要唔係自願先死呀嘛。
返到屋企食左個飯，之後同啊雯啊強打機。
打左無幾耐，11點幾到，我就訓教。
就係咁話咁快又到左星期二，新年假前最後一日既返學。
今日我落左堂之後比靚女miss話，話我做咩唔好好做佢啲筆記，咁岩係上堂要交，唔係堂堂都要交。
「點解啲筆記咁多空左嫁，你無上堂咩？」miss問。
「上堂都無聽書，你知嫁。」我答。
「上堂玩公仔呀嘛，miss睇到。」
「梗係唔係啦，係交易，唔係玩呀，仲有我不嬲都唔寫筆記嫁，為左你呀，我寫左兩三個字。」
「兩三隻字就叫為左我？平時見係都有聽我書，又答到問題，我仲以為你係啲乖學生，原來一啖啖。」
「咁讀得基礎文憑，你想我好到邊呀，miss。」
「我唔理呀，你同我死掂佢，聽日就放假，你做唔哂唔好走呀。」miss講。
屌，明知我唔做就逼鳩我做，算，佢都係打份工姐，雖有死掂佢。
我急急腳咁做，做左一耐，卡關，早知會彈返比我，我就唔撚交白卷啦，上堂做仲有得抄答案，唉！蝕哂啦，又要留低做。
miss就出黎就話:「仲未做完呀？」
我搖一搖頭，之後miss再講:「亂做咪得囉。」
哇，呢個miss黎嫁，叫學生亂做都得既，但係我唔係啲咁既人，一係就唔做，一係就做到自己滿意為止。
「亂做就不如唔好做啦。」我回應miss。
「咁洗唔洗教你點做呀？」miss笑左一笑
「你會教我嫁？咁就晨早咁做啦，唔該哂喎。」
miss就教左一陣，我亦都明得好快，所以三四下就做完。交得，返歸。
突然miss電話響，我望住佢拎電話。
一望之下竟然個電話繩個公仔就係同我上星期四送比佢個公仔一樣樣，唔怪得miss咁中意啦。
miss一路傾電話一路做手勢視意叫我走既意思，所以就可以返屋企。
係我回頭望miss既時候，miss個樣有啲唔開心，之後就入左職員廁所。
好似有啲野令佢唔開心咁，不過都係唔關我事，返歸打機。
咪住，講起啲公仔好似無左回事，我果日返到去，係無公仔渣係手，咁去左邊呢？