噗…
   盒Melty Kiss 趺左落地下。
   我呆撚左。
   男朋友…? 拍拖…?
   我琴日睇佢facebook,明明就無同人in relationship,d相又全部都係女仔。
   個男朋友喺邊度彈出黎?
  
   一下子所有既野都幻滅。仲以為自己有機會溝到人,原來一切都只係自己FF,人地根本有仔。
  
  「佢男朋友係邊個黎?」我用埋我最後一啖氣,問出一條唔忿氣既問題。


  「佢大我地一年,好似係之前玩聯校活動識架,不過佢地好似好疏,今次係我今個月第一次聽佢地話拍拖…我返入去溫書啦,多謝你盒朱古力喎。」
   Jojo執返起盒朱古力就入返去。

  有仔…
  世間上有咩慘得過,當你搵到個有feel,想溝既女仔既時候,發現原來人地有仔。
 
  挑,家下有仔唔溝得咩,比綠帽人戴先過癮呀。麻倉優都有拍過人妻啦。
  對唔住,呢d咁撚仆街既野我都係睇AV FF下算,我做唔出。

  返到埋位,肥鈞連位都掉埋,坐左喺Venus隔離密密斟。


  我明白打鐵要襯熱,溝女既野永遠都係近水樓台先得月,溝左既就係你既,所以我無嬲肥鈞。
 
  我再次打開facebook,仔細睇清楚Shirley既account。
  屌你老味,原來我剩係睇左佢比人tag既相,原來佢仲有個album喺度,大大個標題寫住Love <3。
  唉,肯定係近排打丁過度,丁都眼都朦,咁樣都睇唔到。
  望住album個名,我已經無心機噤入去,如果我睇,盞攞苦黎辛。
  正當我又準備大教訓既時候,對面貼左張memo紙過黎。
 

「唔準訓,溫書。」


  講真,個Jojo真係好煩,但念在佢好似係出於好心,姑且求其打開本書望望。
  可能Jojo見我睇既係maths書,過左陣,佢又貼張memo紙過黎,上面係一條數學題。
 「識唔識做呀?」
 「你係考緊我定還是你自己唔識做?」
 「考緊你呀,睇下你咩程度嘛。」
 
  咁串睇我咩程度? 我就唔可以衰比你睇。
  雖然maths唔係我強項,但見到d f(x)都知道呢條係一條Function數題。
  將個數隊入個x度就計到。

 「f(1)+f(4)=0」我貼個答案過對面。
 「又蠢唔哂喎,獎你食粒朱古力啦,下一題。」
  真係多謝哂…盒朱古力我用左成30蚊買…
  不過我自己答得岩,都得到一絲既成功感。
 


  如是者,佢一路出左十幾條數學題,我唔識,佢就串我蠢,我答岩,佢就請我食粒我買比佢既朱古力。
 
 「又錯,你好喳呀你,無朱古力食。」
  頂,無理由錯,我即刻打開本maths書check返,原來做錯左個step。
 「唉,唔小心做錯左個step。」
 「你咁樣唔掂架喎,點出去考試呀?」
 「仲有成年,慢慢黎啦。」
 「呢種思想害死你呀,時間好快過,到時你就知死。」
 頂你個肺,成個老母咁。
 「呢種思想害死你呀,時間好快過,到時你三十歲都無人要你就知死。」
 「妖,收線啦。」

  見到呢句,我就無再理佢,做左十幾條數個人都好攰,訓返陣先。
  一訓醒,已經天黑,望望手機,有個facebook message。
 「車厘龜,我唔開心。」30分鐘前。


 


  係Shirley send過黎。
  望住呢個msg,我百感交集。
  一方面我好嬲,你明明有男朋友,你唔開心做咩唔搵佢,要搵我呢個本來三唔識七既毒撚?
  但另一方面我又有些少高興,至少其實我仲存在。

  為左保留我少少既矜持,唔似一個一有女搵就狗衝既人,我只係應左佢一個「?」
  「你喺邊?」Shirley 秒回。
  「我咪喺灣修。」
  「我喺銅鑼灣海旁,你可唔可以過一過黎?」
  

   講到咁,其實我無得唔過,唯有去一去睇下佢做咩。
  「我依家過黎,等我。」我一邊執野一邊諗,咁樣覆應該幾型幾瀟灑。


   瀟灑完,落到樓下先清醒返,銅鑼灣ione我就識去,銅鑼灣海旁我唔識。
   仆街如果因為咁樣遲左真係好柒,所以我決定搭的。
  
  上到的士。
  「司機大佬,銅鑼灣海旁呀唔該。」
  「學生哥,夜媽媽去銅鑼灣海旁,九成係搵女啦。」司機大佬道。
  「你點知架?」
  「唉,我喺呢頭揸開,成日都載到D學生,一男一女又有,三男二女又有,都係去銅鑼灣海旁既,睇見佢地就眼冤囉。」
   佢講到咁我有少少尷尬,唯有唔出聲。
 
  「好心你地d學生,咁既年紀就咪搞呢搞路啦,如果我有個仔係咁,我實打撚死佢呀。」
  「其實我依家去搵果個係朋友黎渣….」我同果班mk唔同,我真係去搵朋友架!!!
  「咪撚玩啦朋友,呢個年頭呀哥呀妹都可以攬攬鍚鍚啦,朋友有咩唔做得姐。」
  「妖,佢地d兄妹關係自己作架渣,你唔係信呀?」
  「我理撚得佢地堅定流呀!!唉,如果以前可以好似依家咁open,我就唔洗咁樣…」司機大佬愈講愈激動。


  「你點樣﹖」
  「唔好再問啦!!!」個司機大佬無啦啦咆哮,嚇到我成個彈起。
  「你地班學生無人性架,日撚日喺我後面依依泣泣,你知唔知扯住旗揸車好撚辛苦架。」個司機大佬已經進入崩潰狀態,講到好似想喊咁。
   估唔到搭個的士,比我遇著一個四廿幾歲既劇毒的士佬。