自修室，學界既蘭桂坊: 24

星期一，一返到學校見到肥鈞，我就向佢投以一個究極嘅淫笑。

肥鈞見到我咁下流嘅樣，呆咗一呆。
「做咩咁嘅樣呀你?」
「威啦，又整蛋糕，又咀人，唔識人啦。」
「屌!!!點解你會知架，哦，嗰日唉吔嗰個一定係你嚟啦。」

我無答佢，用一個淫笑嚟默認。
「仆街仔，都估到你係咁問我去邊係有啲嘢架啦，算，我心情好，唔追究。」
「我地兄弟嚟架嘛，開心事緊係要share啦。」我搭搭佢膊頭。




「係，嗰陣真係我成世人最爽嘅一刻。」肥鈞都不自覺咁淫笑了。

「我唉吔完之後就無再睇啦，你地之後點呀?」我問。

肥鈞聽到我咁講之後好似鬆一口氣咁。
「我地聽到個唉吔之後緊係嚇到執嘢走啦，跟住我地再行入啲個公園，又搵咗個無乜人嘅位，起初都無乜嘢，都係攬下錫下咁，但錫錫下佢無啦啦擒上嚟，嚇撚死我呀真係。」

「擒上嚟?即係點?」
「咪姐係用對腳夾住你，然後噤住你嚟咀囉，你知啦我呢啲新手，我雙手雙腳都唔知擺邊好，我剩係知自己扯爆旗咋，嗰陣差啲連氣都透唔到呀。」





「嗚呀，剩係幻想個畫面都已經扯扯地啦。」我道。
「你無試過咩?」
「無喎。」
「哈，咁睇嚟Shirley都幾純情喎。」

佢純情?我就唔覺啦。

「唉，如果呢次唔係我第一次，如果我嗰陣時咸濕少少，我諗我處都破埋啦。」肥鈞不忿地道。

屌，其實你已經好咸濕。





「威啦，咁依家唔洗再自己龜喺一角啦?可以返嚟同我地坐啦?」
「緊係啦，我要日日坐喺佢側邊，唔會再俾人埋佢身架啦，佢係我架。」

屌，好鬼MK，之不過咁先係男人嚟嘛。有女都仲龜龜縮縮咁就死得啦。
放學後，我地如常地落自修室霸位先，等Shirley佢地嚟。
Shirley已經好返好多，隔咗三日終於可以見返佢，我好掛住佢。

去到自修室，平日坐喺我地對面嘅係幾個普通嘅男女校學生，有男有女咁。
今日變咗四個男校生，之前都未見過佢地，一個高瘦撚，一個矮撚，一個肥撚，係得一個正常少少，細冷衫，小豬頭，粗框眼鏡，典型書生look。

望到佢地四個，我好好奇點解個小豬頭會同其他嗰三個人做frd。

留意咗佢地一陣，無乜特別，我就繼續專心溫書，好快，Shirley，Jojo同Venus都到，當佢地嚟到嗰陣，我望到對面嗰三個高瘦肥矮撚個個gut高個頭，眼甘甘咁望住佢地。





我望向肥鈞個位，同佢打個眼色，相信大家都有同一個想法。
嘿，葡萄呀呢? 佢地就係我地啲女，死毒撚，望啦!你地剩係得個望字架咋!


今日我地開埋Timer出嚟做pastpaper，喺度鬥邊個最快做完份mc又可以啱得最多。最慢嗰個請食飯。

喺我聚精匯神咁做卷嘅時候，Pat pat突然傳嚟一陣鼓動。無錯，我急屎。

無計啦，無理由依家走去屙屎，一去嘅話我今晚一定要請，所以我決定忍。
我對自己忍屎嘅功力有返咁上下自信，事關我有一項由太古到機場站嘅長途忍硬屎紀錄，依家剩返廿分鍾，難唔到我嘅。

不過，紀錄都有分項目，保特跑一百米勁都唔代表佢跑長途會贏，我同佢相反，睇嚟我今次會係短途賽，因為今次忍忍下先feel到喺我pat pat入面嘅，係爛屎。

爛屎嘅誕生係嚟自肚痛，睇嚟元兇係今日晏就嗰餐咖哩羊腩飯。點解我話爛屎係短途賽?事關爛屎係流質嘅，話知你屎眼閘得幾埋都唔會做到滴水不漏嘅效嗰，屎汁流出同埋肚痛係一個非常可怕嘅combo，因為屎汁流出會減低你對忍屎嘅意志力，肚痛則對你身體造出實質上嘅傷害，總而言之，忍爛屎好撚慘。





呠呠呠，唔得啦，開始放屁，一放屁就好易瀨，喺請食飯同當眾瀨屎之間，我選擇請食飯。

我放低筆，急急腳咁走去痾屎。
唔痾由自可，一痾，咇咧咇咧咁射出嚟，嗚呀，好爽，痾到我腳都軟。

腳仔軟，反正我都輸鳩緊，我就係廁所入面休息下。

喺呢個時候，廁格外傳嚟幾把男仔聲。
「希志，麻倉優，麻美呀，我係咪眼花呀?」
「你無眼花，我一早都話呢間自修室啲女好正，你地又唔信，成日去睇啲阿伯睇報紙，睇啲賓賓玩電腦。」

「Sorry囉，我地以後嚟呢間啦。」
「之不過，佢地身邊有兩條仔喎，你估下佢地邊pair打邊pair吖嗱。」
「個肥仔應該似係同希志一齊，其餘嗰兩個我就估唔到啦。」
「仆街啦，剩低嗰條仔柒下柒下咁，唔係食哂兩件咁張狂呀?」




「我睇唔會，麻美同麻倉優，一定是但有一個係single。」
「我要麻美!」
「我要麻倉優!唔好同我爭!」
「唉，都係我衰，如果我地早啲嚟，佢地可能係我地條女嚟啦。」
「依家唉都無用，有樣嘢叫遲嚟先上岸，我地有機嘅。」
「好!」

喺廁格入面嘅我，聽到火撚滾，咩人咁大膽，仲要話我柒下柒下?
直覺話我知，係新嚟嗰四條仔。好可惜，單憑把聲，我分唔到邊個打邊個。

嗰個小豬頭都算，你都叫青靚白淨，其餘嗰三個，竟然咁夠膽喺度口出狂言，個廁所咁大塊鏡，你地知唔知醜?