條女話我淨係識同佢扑野 , 要同我分手: 卌陸
「你對我好囉 …… 」我說，一邊伸手握起Meimei放在我胸前的手。
「咁如果我一日對你唔好，你係咪唔鍾意我？」Meimei問。
「你點會對我唔好姐 …… 你一路都對我好。」
「咁我有時都會唔好架嘛，我會鬧人架喎，
如果我鬧你，你係咪就會唔愛我啦？」Meimei問，
從她的語氣間知道，她對我的答案大為著緊。
「點會姐，我份人邊有咁小器？」
「我無著衫咁問你，你梗係咁講啦，但係到真係相處，你又可能會變啦。」
Meimei失望地說。
「你對我咁好我點捨得變喎，我對你咁衰，你都仲係咁鍚我 …… 」
說著我又想起那夜強暴Meimei的事來，心裡好生慚愧。
「唔係架 …… 你地d男人個個初頭都係咁講架 …… 」Meimei說，
聲音開始有點沙啞。
我見她開始有點激動，知道再說甚麼，也難以一時叫她相信我，
便只好緊緊握著她的手，好給她多一點安全感。
「唔係啊 …… 如果你有一日發覺我唔係你想像咁完美呢？」Meimei又問。
「你係我心目中已經好好啦。」我答，其實想學「Love Actually」，跟她說一句，
‘’To me , you are perfect’’，只是好像有點造作，才沒有說出口。
「我有好多野你唔知架 …… 你知道左就唔會咁講 …… 」
「我唔知你咪講我知囉，你講我就會聽。」我說，一邊轉過身子，
與Meimei相對而坐，但見她兩個眼圈已變得紅紅腫腫，我看著不禁心裡大急，
又愛又憐，忙道：「做咩啊？我又講錯野激嬲你啊？」
Meimei搖搖頭，想要伸手擦淚，可手上是一堆肥皂，竟把她的臉都是泡泡。
Meimei似覺連肥皂水也欺負她，氣得用力扯起剛才披在身上的浴巾，
沾了點水就在臉上抹著，本來的妝容頓時卸去了大半，
但一張瓜子臉仍然十分好看，也不輸Khloe。
「唔講第二樣丫，我唔係處就已經比唔上Khloe啦 …… 」
Meimei把臉抹乾後突然說道。
「有咩所謂姐，咁大把女仔都唔係處啦 …… 」我說道。
「但係Khloe第一次比左你 ……. 」
「做咩講佢姐，你係你，佢係佢，你地係兩個人黎架。」
「唔係架，男人都會介意，我知道 …… 」Meimei低頭說道。
「咁我都唔係處男添啦，」我說到處男兩個字覺得有點可笑，「你都無嫌棄我啦，
係咪？咁我又點會介意你姐。」
「但係 …… 」Meimei仍是一臉沮喪。
「但咩係啊，唔好諗咁多啦傻妹。」我伸手輕輕撫摸Meimei的頭髮。
「唔係啊，如果我地一齊，但係Khloe有一日搵返你呢？你會要我定要佢啊？」
Meimei突然這麼一問，可真把我考起。
「佢唔會搵返我啦，佢都 …… 」Khloe已經另結新歡，開始接納別的男人，
我條件又不如人，她怎麼還會喜歡我？
「我話如果啊。」Meimei堅持。
「無如果啦，佢都有第二個啦，」我黯然答道。
Meimei見我臉色一沉，雖然想要追問，可也顧了我的感受，
忍住不說，沒有再在同一話題上死纏，Meimei是個體貼的女孩。
「你有見過佢？」她有點驚訝。
「有啊，」
「咁咪係你地仲有緣份囉，你地係邊度撞到啊？」
「 …… 殘廁 …… 」我答道，然後放聲苦笑。
Meimei聽後一呆，似乎不敢相信我的話。
「點會啊 …… Khloe點會 …… ？」
「真架，我呃你做咩 …… 」我點了點頭。
「但係Khloe佢 …… 點解會咁？」Meimei仍未定驚。
「仲要唔只一個添啊，呢半年佢有幾個男朋友啦。」
「佢同我講話想同你過人世架 ……. ！」Meimei說，「都係我，
如果我個晚無同你亂搞，Khloe就唔會咁啦，我害左佢啦 …… 」
說著Meimei又忍不住落下淚來。
「唔關你事啊，人係會變架 …… 女人仲係特別善變 …… 」
我還記得當年我足足花了兩年的光陰才把Khloe追到手，
而我們開始親熱也是於交往後的半年，那想到這半年間，
Khloe就交了兩個男友，還如此輕易的被人帶到殘廁去？
若Khloe是這麼隨便的女人，我當年也實在用不著耗費那麼多心神討她歡喜，
只是如今她都變了 ……
那知Meimei知道後比的反應還要大，情緒都有點失控，口裡不停呢喃，
盡是些自責的話，說是自己害了Khloe，害得Khloe變得如此濫交。
「關你咩事姐，佢自己唔鍚身，點會關你事啊？」我試著開解她。
「唔係架，呢種感覺我明架，佢一定係受左好大傷害先會咁架，
係我害佢架 …… 」Meimei仍是覺得自己害苦了Khloe。
我知道任我再怎麼說，Meimei也不會聽我的，
我便乾脆住口，由她哭過夠了就好。
「咁個日你見到佢之後點啊？你有冇比佢同個男仔咩啊？」Meimei又問。
於是我便把當日見到阿楓和Khloe的事都給Meimei說了，
就是小橋的部分省略了，女人都愛吃醋。
「咁都好d …… 如果Khloe因為我自甘墮落我會好傷心架 …… 」
她說，「你快d去搵返佢啦，唔好比佢錯落去啦 …… 」
我搖搖頭，也不想再多說，只是覺得這個上好的下午，都被Khloe的事給破壞了。
正當我還為此事耿耿於懷之際，傳來了電話的鈴聲。