條女話我淨係識同佢扑野 , 要同我分手: 伍拾
我聽著不禁一呆。那夜Khloe倉卒離開Meimei家時留下的鑰匙，
我一直留在身邊，但始終猜不出它的用途。
我本道是Khloe要還給Meimei的，可後來知道不是，
從它的外形看，又不是我和Khloe家的，
我猜不出個所以，也就沒將此事放在心上。
我沒有跟小橋提起過鑰匙的事，如今小橋貿然提起，
定是這兩天她與Khloe一起時，Khloe轉告她的，
只是沒想到Khloe跟小橋會成為這麼要好的朋友。
我當然心急欲要知道當中內情，便順著小橋意，與她到Meimei的臥室，
由得Khloe與Meimei在廳中說些體己話。
「入左黎啦，講得未啊？」我說。
「你唔好咁心急啦，我地咁耐無見，」小橋笑道，其實也不過是兩天。
「你又呃我 …… 」以小橋的性格，可能根本就不知道有關鑰匙的事，
只是隨便找個藉口引我進來。我想著又對小橋不滿，便起身欲要出去。
「我仲諗住你會問下我點解要同Khloe上黎添？」小橋坐在床上說道，
話間有點感觸。
「上黎捉姦囉。」我只記起小橋非但把我和Meimei的事破壞了，
還害Khloe生了我的氣。
「邊個咁得閒啊，」小橋嘆了一口氣，「我地兩個上黎係有求於你架 …… 」
「有求於我？」我有點驚訝，「係你有求於我定Khloe有求於我先？」
我此刻仍在惱怒小橋，不出言責怪她已算是仁至義盡，那會幫她甚麼忙？
只是若事關Khloe，即使赴湯蹈火，我也是在所不辭。
「係我 …… 」小橋輕輕吐出，神情卻有點憔悴。
我見小橋滿臉愁容，即使再氣惱她，也總會不忍心。
「睇下係咩事啦 …… 」我說道，不敢隨便答應，要知小橋是個詭計多端的人。
「我想你 …… 」小橋吞吞吐吐的。
我見她如此支支吾吾的，心知沒有好事。
「得，交換先，你話比我聽條鎖匙有咩用，我先幫你。」
要小橋先說，於我無害，即使她的要求過份，我再托辭推搪就是。
「咁即係你肯應承？」小橋臉色一變，頓時滿懷希望。
「嗯，不過你講左先。」
「唔準呃我架，勾手指尾先。」小橋笑道。
她就是喜歡這玩兒，我便順著她，與她打了個勾。
「勾左啦，講得未啊？」我有點不耐煩。
「嗯，一言為定架，反口既話你再爭多我一個願望，」
小橋不提我也差點忘了自己欠下她一個願望，只是若她有求於我，
為何不乾脆用了那個願望就是？
「其實係你蠢估唔到姐嘛！」她笑道，「所有野就要由個日係殘廁門口，
我追到Khloe開始講起啦 …… 」
小橋開始回憶當日的事：
「個日係殘廁門口，
你婆婆媽媽咁，死都唔肯去搵返你女朋友，
咁我咪做好心幫下你囉。
咁我一路追到出去，原來Khloe都無走到好遠，
佢出左防煙門，入返商場之後，一路行得好慢，
仲會不時回頭，睇下你有冇追出黎搵佢，
個時我就知自己無估錯，其實佢仲係好愛你架 …… 」
我今天與Khloe重遇，她仍是對我兇巴巴的，那似對我還有甚麼情義？
我當下也不相信小橋，又覺她說著些毫無關係的事，便道：
「愛我佢就唔會係咁啦 …… 你直接入正題啦 …… 」
小橋嘆了一口氣，說道：
「你真係次次都係咁架，我講故仔你聽你都咁心急，」
說著又在我下身打量了一下，然後偷笑了一下。
「好啦，我盡量飛咁d細節啦。
我走到出去，Khloe回過頭見到我出左黎，
知我望到佢成日擰轉頭等你搵佢，
佢覺得尷尬，就無再望返轉頭，開始急步咁走。
跟住我心諗，一路追緊我個男人可能仲係附近，
咁就索性先吊住Khloe尾，等行遠d，
去到個安全既地方先坐低同佢慢慢傾啦，反正又唔急既。」
「咁終於一路行去到佢屋企留下，我就叫停左佢，佢見到我個時都嚇左一跳。
不過睇清楚淨係得我一個，知道我無惡意，佢就叫我上佢屋企先慢慢講。」
「咁上到去，得我地兩個女人，咁就梗係乜都可以拎黎講啦，
咁Khloe第一句就問我你搵唔搵到佢條鎖匙啦。咁個時我都未知咩事，
就無為意，隨口答左句無啦，跟住Khloe都無繼續講落去啦。」
「我都係後尾諗返轉頭先估到，其實唔係蠢既都會估到啦，
你屋企無啦啦多左個箱，個箱又有鎖既，
條鎖匙唔係開你屋企個箱仲可以係開咩丫？」
我聽後恍然大悟，怎麼從前會想不到呢？
但轉念一想，小橋這無疑是間接說我是蠢材，可現在要關心的並不是這些。
「入面擺左d咩啊？」我著急地問。
「我咪同左你講話Khloe無講落去囉，你有冇聽我講野架？
仲有丫，個箱都係你屋企，你返去隨時都可以打開黎睇啦，係要咁心急既。」
「咁你係Khloe屋企佢仲同你講左d咩啊？你跟住個日又去左邊？」
「你頭先唔係嫌我長氣架咩？而家又想知啦？」小橋笑道。
「咁你講唔講啊？」我沒她好氣。
「你求下我，我就可能講既 …… 」她一臉得意。
「好啦，小橋妹子，當我求你啦，你講我知啦 …… 」
此時小橋已主導了場面，又怎到我不屈服？
「嘻，算你啦，咁就差唔多。」小橋笑道，
「其實都無咩啊，初頭都係講下你，
我同Khloe講，其實佢仲係鍾意你既，你又鍾意佢，
點解你地唔可以好好地呢？係要搞到一見面就嘈交。
佢就只係嘆左口氣，話佢點會唔知你鍾意佢丫？
但係有d野唔同左就係唔同左，淨係叫我好好照顧你。
咁我就梗係死都唔肯啦，同佢講返我地無野，
你咁鹹濕，好難照顧到你架嘛，
但係Khloe就話佢睇得出我 …… 」小橋說著兩頰一紅，
「呢d唔重要啦，總之跟住都係我地兩個女人談心啦，
你估你真係好重要咩，要成日講起你，
跟住講得興起，Khloe知我無家可歸，
留左我係佢度住一晚，咁佢屋企人都好歡迎我，除左係佢阿哥鹹濕左小小 …… 」
我想起昔時在Khloe家中，見過她的哥哥，確是一副淫賤的禽獸嘴臉，
聽Khloe說她哥哥還不時會佔她便宜，要陪她睡覺，
又會收起她的內衣褲來，拿回房中鑑賞一輪。
所以那時她哥哥發現我匿藏在Khloe房中才會如此大反應，
因為他也對Khloe有非份之想，就礙於兄妹的身份而已。
這便是後來Khloe放學後都常到我家來的原因了。
我聽小橋這麼一說，對Khloe哥哥的怨憤又上心頭，便問道：
「佢有冇搞你啊？！」