簡介
因為一次機緣巧合下,一次ive的活動,男主角同女主角相識,從此開始他們的故事............
[有個女仔叫我一起回紅磡]
| 作者 | 陸號昌 |
|---|---|
| 類型 | 愛情 |
| 狀態 | 未完結 |
| 更新日期 | 18-05-2015 22:22 |
| 文章字數 | 1514 |
| 點擊次數 | 1816 |
[喂.....喂...喂，你係咪返紅磡啊，不如一齊返啊?]
有一把女仔聲從後叫著我。
[好啊，我ok啊]
尼一日，就係我同佢相識既日子，亦都係對我日後改變好大既開始。
今日，係我做ive仔第一次既團體活動，如果唔係因為計出席率，我寧願係屋企打多兩場LOL,都唔出黎參加尼個day camp啊
[屌，玩左成日，完未啊]尼個講哂粗口既就係我，陸浩昌，我D朋友都叫我6號,而家就叫howard,可能上到黎大專，叫英文名會霸氣啲掛，不過叫咩我都冇所謂既，是撚旦啦。
[好啦，今日既活動完啦，大家可以返屋企啦]SDD啊sir好開心咁講。
[yeah!]我即加諗住用閃電俠既速度返去做一個毒撚。當我準備助跑用9秒9衝去車站既時候，有一把聲叫停我。
[喂.....喂...喂，你係咪返紅磡啊，不如一齊返啊?]我望一望，佢高高瘦瘦，戴左一幅圓圓眼鏡，身材就..........應該都有B,有啲女神既樣子。
我記得佢好似叫......叫.......啊殷。唔好意思各位，可能我讀左男校六年，對女尼家野麻木左，冇咩留意我個班既女同學。但佢做咩叫我呢?我都同佢冇咩交流過啵。
[喂，你呆左做咩啊]
[哦......好啊，ok啊]可能太耐冇同女仔對應過，係有啲呆然。
[咁我地去搵個車站出元朗再坐西鐵返啦]
[........嗯]
係巴士上佢係咁講自己野，包括自己中學，朋友，屋企，咩都講一餐，好似我地識左好耐咁。我心諗:[而家啲女仔咁主動既，好彩我正人君子姐，唔係真係食左你都唔知啊]佢一度講，我都係好hea咁回答，無計，小毒毒嘛。
[你係咪有養貓㗎?]佢用佢眼旺旺既大眼望左我，好期待我既答案咁。
[哦......係啊....岩岩養冇耐咋]唉...我咁緊張做乜
[我係鄉下果時呢，都有養狗..........]佢有係咁講自己野啦，小姐，我地好似岩岩識咋喎。
佢不斷講，講講講講，終於到左西鐵站。係火車上面，佢都冇停過不停講，我都做我好在行既野，做一個領聽者，全程我都只係聽佢講，都冇出聲。
[我到啦，聽日見啦]佢係南昌度落車。
[哦，咁bye bye啦]
[你做咩講到以後好似冇得見咁樣啊]
[冇啊，bye bye]
[Bye bye]
望住佢身影，度門就咁閉上左。我係咪太耐冇同女仔溝通過，算啦，都唔關我事，我又唔係想溝佢，諗咁多做咩。返到屋企，我照樣做番我毒撚既生活，一切都冇變過。但想像不到既係，我地果次既相識，係改變我既開始，亦都係尼個故事既開始。
<相逢何必曾相識,人與人的相識是一種緣分。>