英雄救美從來都唔係一件好事,尤其是對於我呢種唔鍾意出風頭既人黎講。
 
然而,填鴨式教育竟然響關鍵既時刻產生左重大效果。
 
所以謂人皆有不忍人之心者,今人乍見孺子將入於井,皆有怵惕惻隱之心。
 
所以謂人皆有不忍人之心者,今吾乍見三男圍一女,亦無不救之理。
 
估唔到我有生之年除左寫議論文之外,仲可以響現實範疇運用到《論四端》,總算無白費到多年來從中文書學習到既人生道理。
 


孟子,多謝你。
 
我吸左啖氣,挺起個胸,冒住一挑三既風險向前行。
 
行左唔夠兩步,腳步既幅度就同我既膽量一齊減細。
 
「大踏步面向着世界,我永與救主一起,共患難面對再向前進..」
 
我心入面好唔爭氣咁唱出尋晚練左半個鐘既on9聖詩。
 


如果呢獲我梁永浩可以全身而退,我會考慮下信天主教。
 
識做啦,穌哥。
 
「三個麻甩佬響到恰女人?我響格離街都聞到你陣柒味啦..」
 
王雅琳見到我既出現,眼神頓時發出光芒,好似見到希望咁。啊,應該話係好似見到天主咁。
 
我扮到串串貢咁插住褲袋,查實係掩飾緊我震到恍惚患上柏金遜既雙手。
 


「你邊撚個啊?」金毛mk放開王雅琳,將仇恨既視線轉移到我身上。
 
金色比比鳥頭再加上米八既身高,唔洗問阿貴都知佢係我既襟兄弟,阿傑。
 
「條女我食先既,咁我假假地都算係你大佬,唔好咁串好wo。」我心諗。
 
「我..er..」我驚到口都震埋。
 
阿傑身後既肥mk:「你條死毒撚啊,無料扮四條?以為自己英雄救美好型啊?」
 
未等阿傑發聲,其中一個身形同我差不多既瘦mk搶先衝前,兜野扯起我件衫領,再瘋狂咁用四字真言問候我阿娘。
 
我:「細力d,呢件polo堅野黎架..」
 
瘦mk:「屌你老母,鋪乜撚野爐啊,打邊爐啊宜家?屌你老母!」


 
生存左十七年,小弟真係岩岩先知原來用間接反覆既方式講出「屌你老母」係可咁柒。
 
不過點都好,佢識用少少修辭,都算係個mk中既文青啦。
 
但我點都係諗唔明polo同打邊爐既關係..
 
正當我一邊ff,一邊比瘦mk扯住衫領當搖搖咁fing個陣,王雅琳竟然挺身而出,一野推開瘦mk,再大字型咁擋響我前面。
 
「咪撚搞鳩佢!」
 
着住厚睇人字拖既王雅琳足足高我半個頭,令人產生一種家姐保護細佬既錯覺。
 
阿傑:「咁都肯護住個死毒撚,你係咪比左隻豬人啊?」
 


王雅琳:「我無!但呢件事係我地兩個既事,同佢無關。」
 
阿傑:「收皮啦臭雞!唔撚洗坤我啦!」
 
王雅琳:「我無講過大話,由頭到尾都係你背叛我。」
 
阿傑:「死矮仔!你講!有無搞過我條女?」
 
我呆左呆,講出平生最假既大話:「無!」
 
 
之後我搶身擋響王雅琳面前講出one piece中 既經典對白:「但唔理你有咩理由,我都唔會原諒傷害我朋友既人!」
 
阿傑比我既霸氣震懾左零點二秒,然後chok左下個比比鳥頭,定定驚。
 


「咁即係無計仔傾啦..」
 
阿傑同佢身邊既mk小子不約而同咁「啪」住指骨,但肥mk掛住望電話唔記得響應首領既號召,激到阿傑兜腳將佢伸埋一邊。
 
「唔好理我,你自己走啦..你唔夠佢地打架..」王雅琳拉住我手臂,細聲咁講。
 
「阿傑有無朵?」
 
「問黎做乜啊..」王雅琳急得跺起腳。
 
「答我啦。」
 
「醉..醉醉愛傑少..」
 
「OK!」


 
阿傑同瘦mk向我地逼近,但我一d逃跑既跡象都無,因為我已經有應對既妙計鳥!
 
「細細聲咁,傾乜野啊?」 阿傑同瘦mk左右擺頭,又拉曬根咁,十足人地上台打職業既拳手。
 
「哈哈哈!」我狂笑三聲,一陣霸氣又再嚇到佢地止步不前。
 
「笑乜鳩啊柒碌,死到臨頭痴左線啊?」瘦mk大聲講,但見阿傑唔郁,佢由此至終都唔敢再行前一步。
 
如果計埋個肥mk,佢地總共有三個人...
 
三五成群,三個人岩岩好可以學人玩埋堆啦。
 
 
MK埋堆之後就一定要起個朵先夠型架嘛。大佬就叫醉愛傑少,咁呢個team個名應該係..
 
響兩隻豺狼面前,我選擇故作輕鬆咁交叉雙手,慢慢行前。
 
我:「老老實實,今日鼎鼎大名,玉樹臨風,英俊瀟灑既既醉愛三兄弟竟然一齊恰我呢條小毒撚,你地唔怕人地講出佢會笑架咩?」
 
「屌你老母!我地醉愛三兄弟個名係你把臭口可以講架?屌你老母!」瘦mk再一次亂用四字真言。
 
Yeah!鳩up都比我up中,多謝穌哥!
 
我:「哈,橫行江湖無敵手既醉愛傑少仲要帶頭三打一。可笑,可笑。」
 
阿傑顯然比我既馬屁攻勢擊破,開始猶豫不決咁握實拳頭,但又無任何實質行動。
 
所以話,對付mk仔,身體質素輸唔緊要,最緊要捉鳩佢心理。
 
我:「拿,打交無問題,但我要隻抽!」
 
阿傑:「好!我黎!我實要抽到你條仆街入醫院!」
 
我:「ok,但你咁好打,又大隻過我,你要讓我一段助跑距離。」
 
阿傑:「助跑距離?」
 
我:「即係比我響遠處跑過黎,等我「草」多d力,再一拳打柒你條仆街!」
 
阿傑:「on9,邊有人打交助跑架?唉,事鳩但啦,你鍾意!」
 
「理得我。」我拖住王雅琳向後行。
 
阿傑:「喂!你拖埋佢走做乜?」
 
我:「我點知你會唔會臨時擰佢做擋戰牌架?以防萬一,都係跟住我公平d。」
 

阿傑:「對付你我洗靠佢?咪on9啦!」
 
 
 
 
 
 
 
 
 
已有 0 人追稿