（適量甜）是咁的，我竟然響公園執到本Sex note: 53

阿信：「哇！浩J你個頭搞咩啊，腫左成個碼wo。」
 
我插嘴：「山路咁暗，我自己仆親姐。」
 
MK琳垂低握拳，愧疚咁望住我。唉，知衰啦咩，當初就咪扑柒我啦。
 
我：「思思同對雙胞胎呢？」
 
阿信：「唔通你翻黎咩，人地一早入房訓左啦。」
 


呢個時候，Shirley放低本書，將個拱埋黎，托住眼鏡仔細咁觀察我個頭。
 
Shirley：「唔通呢d就係鬼打頭？」
 
我：「係啊，仲要係隻屎忽鬼。」
 
「你…！」王雅琳即刻啤住我，紅都面曬，然後企起身行入廚房。
 
哇屌，唔係諗住持刀殺人下話？我秒速彈起身，狗衝翻入自己房。
 


翻到房，我揭開張被，諗住哩入去避一避難。
 
點知一翻開被，發現着住白Tee熱褲既阿寧正抱住膝頭，縮埋一舊哩響張被入面。
 
我：「寧？你響度做咩啊？」
 
阿寧：「等你翻黎lo，唔係仲可以做咩。」
 
我：「響我張床到等？」
 


阿寧：「哈，諗諗下我都係想打埋個下半場..」
 
話畢，佢笑左笑，然後一野撲上黎，準備將我生擒於手下。但當大家嘴唇既距離拉到大概1cm之後，佢突然停低。
 
阿寧：「你..你額頭點解腫成咁既？」
 
我：「唉，咪提啦，越講越傷心。」
 
阿寧托住我下巴，甜笑講：「咁…洗唔洗姐姐呵翻？」
 
「姐姐？」
 
佢用手指推左一下我額頭：「咁我大你一年呀嘛，唔記得啦？」
 
其實阿寧個樣都唔差，有d似獨家試愛時期既stephy，眼大鼻高就不在話下，但始終同嘉欣既女神樣有段距離。


 
如果比副計既話，嘉欣對D 都係贏阿寧對C （目測）半條街。
 
腳同蘿友呢d就另計啦，因為我唔太好呢兩樣。
 
佢合埋對眼錫左落黎，但諗起奶屎眼個幕，我始終過唔到自己個關。
 
我好似Matrix 入面既Neo咁，響佢嘴唇前進既方向伸出手掌，試圖凍結空間既時間同擋住佢個嘴。
 
好彩，MK琳突然破門而入，營救我呢個響阿寧手上既人質。
 
阿寧反應好快，響王雅琳對眼未見到門後既景象前即刻縮開，然後就地取材，拎起我張被。
 
阿寧：「cherry話個邊凍，我拎你呢張過去得唔得？」
 


我：「隨便。」
 
阿寧笑住講：「雅琳，我會幫你鬧下思思架啦，你唔好怪佢。」
 
「唔洗啦，你將呢張牌拎比佢。」佢向阿寧交出個張啤牌，阿寧接住張牌。
 
「嗯。」
 
阿寧拎住張被出翻去，房入面得翻我同MK琳。
 
佢恰低頭，雙手放響背後，好似殭屍咁lag下lag下行埋黎。

我：「拿，岩先細佬我講笑姐，有咩慢慢講，唔好激動。」
 
雅琳：「仲有咩好講？」


 
我當堂嚇一跳，即刻倒後腿兩步，點知已經撞埋牆角，退無可退。
 
王雅琳一步步咁行近床邊，宜家既情景令我有種捉姦在床既錯覺。
 
佢突然伸出手，我下意識咁用對手擋住頭，合埋對眼，連望都唔敢望。
 
佢：「拎住啦。」
 
我：「拎咩？」
 
「妖！」佢拍左下我個頭，然後扯開我對手，將d野塞入我手掌。
 
「雞蛋？」手既係一條用毛巾包住既熱雞蛋。
 


「用黎敷下額頭啦，好快就無事。」
 
「你…你岩先去廚房原來係拎煮雞蛋啊？」不過諗諗下，如果佢要拎刀既話，我宜家已經比佢分緊屍都似。
 
「唔通你以為我做乜？」佢瞇起對眼，懷疑咁望住我。
 
「無啊…..」我搖手擰頭。
 
佢塊面紅紅地，藐住嘴咁講：「仲有...今晚既事..係我錯，sorry。」
 
「咦，今次唔係sor鳩ry wo。」
 
「收皮！」
 
「拿拿拿，又想打人？我宜家重傷狀態，你諗清楚啊。」
 
原本迎面而來既手掌響我膊頭格離停低，然後唔憤氣咁收翻埋隻手。
 
佢呢個想打人又落唔到手個嬲樣真係望到我心涼又好笑...


真心講句，其實佢都唔錯啊，如果無咁暴力既話。