當我準備求其射球三分end game既時候,天台突然出現一把女聲..
 
「加油呀!矮仔!」
 
全場靜左兩秒,大家不約而同咁望上去。
 
原來係王雅琳…
 
佢握住欄杆,大聲咁叫:「我知你唔止得咁多架,就咁樣輸左比佢,你會甘心咩!快撚d同我認真打!」
 


「個個係咪王雅琳…」,「點解佢會響個度既?」,「乜佢都會翻學架咩?」
 
場內既人開始議論紛紛,焦點瞬間由籃球場變左天台。
 
MK琳大叫:「仲有你呀,阿信!守好d個死肥仔呀!」
 
阿信:「收到!」
 
犀牛對住天台鬧:「八婆,你敢鬧我肥仔?」
 


MK琳扮左個鬼臉,然後大聲叫:「吹呀!有本事隻抽呀,老娘手都唔用就打殘你呀!」
 
「屌,你真係好on9..」我忍唔住笑左笑,然後對住天台舉起拇指。
 
全場咁多人入面得建峰由頭到尾都無望過天台,因為佢既眼中只有我呢個對手。
 
我拎住波,單手來回運球,慢慢熟悉翻個球感。
 
建峰既防守習慣將焦點放響人地既下半身。
 


於是我突登踏出右腳,當佢以為我過左邊既時候,我用右手將粒波推翻過右邊。
 
佢反應好快,響我過佢既同時,早一步閘住我既前路。
 
機會黎了,我襯佢回防唔切,即刻急停跳射。
 
「chop」一聲,粒波清脆利落咁入左籃框。
 
但係,理想還理想,現實歸現實,奇蹟永遠唔會發生響平凡人既身上。
 
最後,建峰突然流川楓上身,一開波就黎連續做兩個假動作過左我同阿信,再兜出外線黎球三分,直接贏左我地。
 
雖然犀牛都有叫個低form去同shirley道歉,圓左阿信既心願,但我就要由今日起被逼被逼入翻籃球隊…
 
所以話,越有義氣既人下場越慘。如果我唔幫阿信咪無事lo,一多事呢,就奶屎上身…


 
真係難怪劉關張入面關羽死得最快。
 
唉,一場兄弟,無計啦,不過兩碗譚仔就走唔甩架啦。
 
完左波之後,我上左天台搵MK琳,但上到去先發現人影都無個,得堆花花草草,厚尾whatsapp佢先知原來佢自己翻左屋企。
 
跟住我whatsapp嘉欣約佢響學校門口等,再一齊行翻屋企。
 
嘉欣向我揮手:「浩仔,呢邊呀。」
 
我:「Shirley呢?」
 
嘉欣:「阿信岩先過黎接左佢走啦,你咁遲先上黎既?」
 


個衰仔總算醒水翻次,行動速度首都突破20kb。
 
我:「我…er….我肚痛,走左去四樓痾…」
 
嘉欣:「你肚痛呀?洗唔洗我陪你睇醫生呀?」
 
我:「小事姐,間歇性肚痾。」
 
嘉欣:「咁…我今晚煲定粥擰上黎比你食啦,廢事你亂咁煮然後搞壞個肚。」
 
我:「事但啦,不過我有個壞消息同你講…」
 
「你….又有野瞞住我…?」嘉欣瞇起對眼,屏息以待。
 
我:「傻啦,我敢瞞住天都唔敢瞞住你。實情係呢…我岩岩…入翻籃球隊…」


 
佢霎時間O左嘴,難以置信咁雙手捧住我塊面:「浩仔,你講真架…?」
 
我:「好似係。」
 
嘉欣:「yeah!」
 
佢興奮到大字型跳起,好似電視d怪獸家長知道自己個仔派左入名校咁。
 
嘉欣:「我仲以為你一早放棄左籃球,宜家終於可以睇翻你打波啦!」
 
我:「係咩…」
 
嘉欣收起拖住我個隻手,然後翹住我手臂,一對D cup巨乳壓實我隻手臂,溫熱柔軟觸感搞到我有d扯扯地…
 


好彩我醒目,即刻就插隻手入褲袋gum住個龜頭先無比佢發現。
 
佢挨落我膊頭:「你呀…知唔知自己成日都咁吊兒郎當,係得一個時候先似翻個男人…」
 
我笑住講:「床上?」
 
佢諗左兩秒,塊面慢慢紅起黎,然後用手細細力咁meet左我一下。
 
佢:「好核突呀你…」
 
我:「哈,咁我諗唔到自己邊忽man啦。」
 
佢:「我覺得…你打波個陣最charm。」
 
其實我對呢個答案不感意外,因為以前佢除左同我講耶穌同溫書之道之外,第三樣講得最多既就係哄我打籃球。
 
可惜,我對籃球呢樣運動真係毫無性趣,道理相同於你同一條女做愛做得耐會厭一樣。
 
你仲未放棄並唔係因為你仲有性趣做落去,而係因為你未射,但你又唔憤氣。
 
隊長?做過啦。學界冠軍?擰過啦。用籃球黎呃蝦條?基本啦。
 
但你知唔知梁永浩諗緊咩呀?話俾你聽,佢唔想再做隊長。佢唔想再入籃球隊。
 
但係佢無辦法,無得返轉頭,因為佢好on9咁幫左佢個friend去屠犀牛,但結果比人反殺翻七比二,我屌。
 
一邊行,一邊吹水,終於行到佢屋企樓下。
 
嘉欣捏住我既鼻翼,笑住講:「今次入翻隊就比心機d打,唔好咁易放棄呀,知唔知?」
 
我:「得啦,應承你..」
 
嘉欣:「比隻手我。」
 
我:「下,咁大個人仲玩呢d…唔洗啦,我真心唔會退隊。」
 
以下呢個可能繼雨中漫步後,現實唯一會出現既偶像劇情節,大家都估到架啦。
 
嘉欣:「唔得呀,快d。」
 
我無奈咁伸出左手,佢用手指尾勾住我既尾指,然後fing左幾下。
 
嘉欣:「哈,咁你就無得反口啦。」
 
我:「OK,fine..」
 
嘉欣:「我上去先啦,翻到去記得話我聽你想我煲咩粥。」
 
我:「嗯。」
 
佢gut高腳,錫左啖我塊面,笑住咁meet左下我面豬,然後行翻翻去。
 
 
 
已有 0 人追稿