（適量甜）是咁的，我竟然響公園執到本Sex note: 90

面對犀牛突如其來既請求，我除左chok「唔撚係掛」果個樹熊樣，已經比唔到其他反應…
 
老老豆豆，我都唔知自己前世係咪得罪左邱比特，今世要幫佢接翻d不可能完成既case黎補鑊。
 
之前幫阿信呢個熱血青年追文青，宜家shirley對佢既好感度都唔知有無20%，突然又要我幫隻動物追MK琳？
 
大佬啊，我唔玩鳥，你拿拿林射支死人箭搞掂佢算啦。
 
犀牛見我無乜回應，於是捉實我對手，彎腰鞠躬，由波衫既領口位可以隱約瞄到佢對搖搖欲墜既肥仔波
 


犀牛：「求下你幫我手啦！」
 
我：「我唔係唔想幫，只不過點解你會無啦啦鍾意個M…我表妹先？」
 
犀牛恰低頭，望住地下，面上既笑容隱含住幾分少女既味道，十足一隻發情既既犀牛乸。
 
犀牛：「第一次見佢既時候，其實我對佢無乜好感，覺得佢係個粗口爛舌既女仔。」
 
我：「咪係lo。唔差在話埋你聽，條mk妹唔止爛口，仲有暴力傾向，煙癮，扯鼻鼾，霸道等等…總之佢d缺點我數到聽朝都數唔曬，你都係及早收手啦。」
 


犀牛一野搭住我膊頭，一副認真樣講：「但係佢有一樣野好…」
 
我：「下？」
 
犀牛：「佢夠真性情！鍾意講乜就講乜，有個句講個句，唔鍾意你就屌柒你！」
 
犀牛講得無錯，可能大家好討厭MK琳爛口既性格，但佢起碼有勇氣講出心底裡最真既說話，呢點就係我最鍾意佢既地方。
 
雖然我認我對佢有好感，但我唔肯定佢對我既心意。
 


或者我地之間既曖昧只係我一廂情願，或者佢值得一個比我更好既男仔。

何況我已經有嘉欣呢個咁好既女朋友，仲要答應埋佢唔會鍾意其他女仔。
 
如果我再同MK琳曖昧落去對我地三個都唔公平....
 
諗諗下，其實幫犀牛追到MK琳好似係唯一令三個人都可以得到解脫既方法。
 
犀牛係就係肥d，但份人算有擔當，夠專一，最重要係佢米八身高簡直完勝我呢個死矮仔。
 
MK琳跟住佢，應該會幸福掛，應該。
 
我做左個深呼吸，然後答：「OK。我會試下幫你製造機會…但追唔追到佢就要睇你自己造化啦。」
 
「多謝大佬！我一定會記住你今日既恩情！」犀牛握住我對手，激動咁搖。


 
我：「得啦，d對白唔好咁例牌啦唔該。」
 
犀牛：「要既要既！咁我地下一步有咩行動？」
 
我：「唔….你比我諗諗先….」
 
印象中，前日食飯好似無意中聽過MK琳話自己下個禮拜生日，但佢好似話想約班fd子出街…
 
不過，生日呢個咁難得既追女機會無理由就咁斷送左響班MK仔女身上架？與其出去人地吃喝玩樂，不如騎下牛牛仲好啦。
 
我：「下禮拜佢生日，我盡量幫你約佢出黎啦。」
 
犀牛：「咁快！我未ready好wo….」
 


我：「你咪咁興奮住…我唔都一定約到佢。」
 
犀牛：「唔急架唔急架，你慢慢問…我都要d心理準備….嘻嘻…」
 
望住佢宜家霸氣盡失既gay樣，實在令人有種想即刻搵支棒球棍毆9佢既衝動，原來發情期既動物係咁恐怖…

同犀牛道別左後，我出翻學校正門搵阿信同MK琳一齊翻屋企。
 
過程間我地好似平時咁傾計，但從阿信古怪既神態同動作睇得出佢以為得我比人爆完菊，於是講左一堆同性戀無罪之類既野…
 
MK琳就以為我比隻牛蝦，差d想衝入更衣室救我，好彩我及時出翻黎。
 
翻到去食埋飯，岩岩好九點。
 
王雅琳沖完涼換左件鬆身tee加小熱褲，然後挨住sofa，將對白滑長腿放響茶几上，專心咁玩電話。


 
唉，就襯呢個機會同佢講啦。
 
我行到佢身邊，佢好自然咁縮起對腳再翹埋，比我坐響佢側邊。
 
「雅琳娘娘。」
 
我chok住把gay佬聲，然後將佢對腳抬起，放響膝頭哥上面，先解左條腳繩再細細力咁按摩佢既小腿。
 
MK琳笑笑口咁講：「咩料呀小浩子，咁好死幫老娘dup骨。」
 
我：「無…小人想問下你，下個禮拜生日可唔可以唔越班friend姐。」
 
佢：「點解咁問？」
 


我：「喔..我想約你個日出一齊出黎玩姐，等我陪下你啦。」
 
佢一邊督我心口，一邊笑住講：「哈，原來有人想約我….」
 
跟住佢將隻腳伸起，指尖掂住我心口：「幫老娘按埋腳板，我咪考慮下lo，哈哈。」
 
我：「哇屌，抽到盡wo你！」
 
佢突然抬高腳細細力咁踩左下我額頭：「收皮啦，無叫你奶咪算益你lo。」
 
我：「一定係咁啦。」