我順住次序,由左腳到右腳,每隻腳趾都交足功課,簡直仲比心機過做嘉欣比我d exercise。難怪MK琳爽到「呀..呀..」聲咁呻吟,唔講仲以為佢比人屌緊…
 
我:「收貨未呀大小姐..唔好逼我出絕招啊。」
 
佢:「哈,仲有咩收埋,好快d拎出黎啦。」
 
我:「吱…」
 
佢:「哈,扮老鼠?咪on9啦你。」
 


「bubugi!」我突然攬住佢隻腳,猛咁吱佢腳板底。
 
「哈哈!!痴線架你,咪整我呀,哈哈…」佢一路踢我屎忽,一路掩住個肚大笑。
 
我:「講!你肯唔肯推左班fd?」
 
佢笑到紅都面曬,連眼水都標埋出黎,但繼續口硬:「哈哈….我唔講….你吹呀。」
 
我:「睇黎你仲未頓悟,為師要加把勁至得。」
 


「痴線架你,咪玩啦!」佢笑到手軟,無力咁dup左下我膊頭。
 
最後,佢雖然堅持左幾分鐘既地獄試煉,但都係敗響我呢隻有加藤鷹七成功力既半神之手上。
 
玩完一輪,佢枕住我手臂,兩個一齊喘曬氣咁攤響sofa。
 
「屌,無啦啦玩9人都有。岩岩先冲完涼都比你搞到出曬汗啦。」佢一邊埋怨,一邊meet我塊面。
 
我:「你一早答應我咪唔洗搞咁多野lo…」
 


佢:「哼,話答應就答應,我咪好洩底。」
 
我:「超,你d mk妹都洩開架啦。」
 
「收皮!」我額頭又食左一掌。

攤左一陣之後,我見無聊,於是多手拎起佢放響茶几上既銀包。
 
「咪住!」
 
佢想捉住我隻手,但奈何佢訓響我側邊,所以同茶几隔左一個身位,手速比我慢一拍。
 
我舉起個銀包個下,入面飄左塊膠卡片落我心口,上面痴住一塊似層相識既膠布..
 
 


 
 
 
已有 0 人追稿