完了講經禮後,5A班的眾人就回歸到課室去,繼續他們的話題

有同學問起:「Daisy你有無男朋友?」
Miss秒速紅都面埋「你估下?」
「明嘅...明嘅...」
「咁有無佢嘅相?」
「無呀,大家有機會見咪見囉!」
「Miss,你同佢點識架?」
「佢係我大學同學,我哋拍咗十年拖啦」



「仲有無嘢想知?」

係同學連串的發問完結後,Daisy認為可以鬆一口氣,誰知......
「Daisy你今年咪已經三十幾歲?」
問題來自一隻坐於(錯,是聳立才對)前排的男生-霖忠

他問後還加了兩三下笑聲(扮作10歲小朋友的高8度笑聲)
 
焌文他們食花生之餘,亦偷偷的用whatsup聊天
 
大隻仔:係咪唔識死㗎?講呢啲?


姚明:加多啲笑聲,人哋會認為好笑啲嘅咩?話你on9驚你嬲!
男神:年齡係Daisybb唯一嘅死穴,佢咁都講得中,都唔知話佢醒好定炳好…
舒雯:女人嘅年齡,同埋體重都係不可公開架啦,佢知嚟為咩?
怕醜仔:第一日返學就宣告死亡,破咗小毒明紀錄…
焌文:有得你睇童顏就好啦,仲要加多句 …唔只多舊魚,係多好多舊魚…
光洙:有花生食na…我期待的畫面出現了.jpg
區長:講咁耐,都係講緊個on9衰咩,專心睇live好啲…

 
「我教得你,點睇都唔會係18歲啦下嘛,
霖忠同學?」Daisy由甜美笑容中,轉為散發一股殺氣。
「你唔會係睇漫畫睇上腦,下嘛?我都收到封,你得罪人多架啦。係估唔到你今日主動嚟搵我開返個靚頭下…


你無非係想我講30歲姐…唔係30,只係29歲零12個月,知唔知!!!跟我講多次,29歲零12個月」
「對唔住呀,靚女miss」霖忠意圖轉移視線
「我唔係要聽對唔住!」
「Daisy你係29歲零12個月,29歲零12個月」
我唔需要多餘嘅修飾
「29歲零12個月,29歲零12個月」
「Good」當霖忠認為可以停下時,Daisy卻未有放過他的念頭
「你同我噏到放學,仲有,係走廊噏好啦,don't disturb our conversation, okay?」
 

即係咁,一個女人去到咗中年,都未結婚就已經好慘架啦,原因唔係想結無得結咁簡單,而牽涉香港社會嘅趨勢
以下就係Daisy嘅處境,大家睇完就會明多啲:
身邊嘅姊妹個個就趁未做高齡產婦前,搵個有錢仔係一齊,結婚生仔
係你認為佢哋無可能嘅時候,每個月就收到一百幾十封紅色炸彈,好似驚炸唔死你咁
而作為中女嘅你,就同男友長跑咗成7,8年,佢都未肯同你拉埋天窗,為妳未來嘅人生負責
一味就話「遲啲等我有錢先」之類的借口拒絕,仲想玩多幾年,浪費你多幾年青春咁話


痴痴的你就決定等佢,如事者一等就幾年

更大鑊嘅係,而家一到三字頭,俾啲姨媽姑姐會突然好心咁幫你計劃幾時結婚生仔——即使你呀媽都未驚到
雖然每個人嘅人生都應該由自己決定,係正常不過
只不過三姑六婆仍然自把自為做軍師,務求Daisy過"佢哋心目中"嘅理想人生

係呢個時候,提起年齡就係死罪,何況係俾一個細十幾年嘅細路問?
因為一講起自己幾大,就會諗起自己係中女,再諗起上述種種
Daisy就好似係人生遊戲嘅輸家,崩口人忌崩口碗嘛,所以佢發火係人之常情

焌文:大鑊,珊姐起手要發火,大家醒醒定定
舒雯:你就最清楚啦,你對佢多過對我對佢…

 
「29歲零12個月,29歲零12個月」炳忠站立在走廊,朗聲的唸起來
「文少,打whatsup打得好happy咁下…幫我將霖忠同學個書包交俾佢,順便幫我同你同學講,噏少一個字,噏少一秒都唔得」


 
焌文走到窗前,將霖忠那黑白波點書包用力一掉,書包飛得遠遠的,反應遲鈍的霖忠未能將乾癟的書包接下
「唔想同你呢啲人多講,自己執生」
 
有2位老師行過走廊,看見霖忠剛開學就被罰
「同學你咩事俾人罰呀?」
霖忠於眼鏡女miss前扮可憐,可是眼淚怎樣都擠不出來。
另一位捲髮老師向焌文的班房看一下,Daisy向她揮揮手,從Daisy的笑容中她知道發生了什麼事
「無計啦。講咗啲不能說的mimi,講嘢小心啲嘛同學」
「Daisy公認好相處架啦,你都得罪到呀~話我知你叫咩名,等我識下你?」
「咪玩佢啦,人哋好慘架。行啦~」
 
就是這個時候,校鐘響起了

「好啦,咁聽日見啦! 做完啲功課未?,你班友仔唔好欠功課下」Daisy貼心的提醒同學,更向著七高人的方向打眼色
「如果一開始就有投訴,我會很難做架~大家幫幫手...」


「無問題la,你講到就...」
光洙大聲的叫喊

不過,Daisy仍未有忘記好假的肥仔。
「劉焌文,幫我同你同學講,一陣嚟staff room等我」

「功課可以遲啲交 ,波唔可以唔打~」焌文老早就收拾好行裝
突然有人扯着他耳朵,扯的人就是舒雯
「你係咪想死呀?今年中五啦
就咪鬼掛住玩啦!你唔想入U?
「知喇,知喇聽哂你講,得未?」
「係至好講」馬尾妹舒了口氣 繼而放手
「我同雪兒食飯 你哋咪玩到咁夜下,尤其係你呀劉焌文!!」走到門口的舒雯說着
「bye 文嫂!」光洙大聲叫嚷
步出課室的舒文就紅都面埋,可是眾人都看不到

離開學校後,雪兒他們到了學校附近的茶餐廳進餐



「成班男仔大唔透咁 佢哋玩仲要大聲!尤其嗰個呀文...染埋深紅色咁...
成日西口西面咁不突只,仲要懶醒!
點解你可以同嗰七高人玩得咁埋架,Tell me?」
雪兒用叉將碟上的肉醬不斷叉,是把焌文當作碟上的肉醬的意思吧,到後來更把其叉成肉汁狀

舒雯看到如此畫面,即時安已不
「你冷靜啲好無?係,佢頭髮係紅色嘅,不過係天生嘅。戴耳針都無事嘅,係慘在啲左型右基嘅解釋仲有成日西面咁,都係個西米露嘅外在姐
其實自小就同佢一齊玩㗎啦,我哋又住得近,返放學都係一齊嘅。
你唔好咁諗佢啦,佢其實係好人黎架...呢啲都係佢保護自己嘅手段姐
七高人就更加無嘢嘅,係爛玩啲姐
平時佢哋都好take care我嘅
你見得人哋幾個鐘,就咁諗...」舒雯用飲管挍伴着面前凍檸茶

「係你先頂得佢哋順」
「不過我見到有人眼神長期停留咗係一個人身上啵~aha」舒雯停止把玩飲管,定睛看向着雪兒
雪兒被
爆後,亂了陣腳
「無呀,邊有呀?」她開始飲起熱奶茶,但表情顯得尷尬
愛八卦的舒雯看到雪兒的反應後,加緊迫供「我明明見到有人望住西米露...」

「仲咩望佢呀我!」(你睇錯下嘛,我會睇佢?)
「傻妹,我係講西米露旁邊個男神呀,你諗咗去邊呀?」一言驚醒洛克人,雪兒嚇到把奶茶噴得如噴泉一般,而舒雯滿臉都是熱熱的奶茶加雪兒的口水
「你都識講男神啦,望多兩眼好正常姐」雪兒試行冷靜下來

「問題係,你唔只望兩眼咁簡單啵,仲要一直望住人...你係咪鐘意咗人呀,等我幫下你咁呀~咁又係嘅,佢咁perfect池」舒雯邊吃着豆腐火腩飯邊說,完全無視了臉上的奶茶
經常和七高人一起的舒雯,連口味都變得如男生一般:吃飯以飽肚為依歸的她,不同於其他的女孩,只吃幾粒燒賣/吃個蛋糕就說飽。
女孩愛的甜品她都愛,可更愛的是豆腐火腩飯配青島.....

「佢又真係幾靚仔嘅~仲要好細心咁~如果佢係我男朋友幾好呀?」
「nanana...仲唔俾我試到你?」舒雯樂得笑個不停
「咁你呢?」雪兒一句你呢,令舒雯從狂笑中靜下

「佢都唔會睇上我啦,有咁多女追佢,點都唔到我啦」舒雯這下乾笑,聽上來有點是感情失敗的人口中會講的......
她轉而將餘下的飯菜快快的吃下,意圖離開這話題

另一邊 球場更衣室

七高人打完三小時球,滿身大汗的他們正輪着洗澡
焌文就開始吐起苦水了

「屌那星呀!嗰個雪兒由頭到尾都係度仇視我,佢有嘅唔撚係仙氣 ,係殺氣多啲好唔撚好?
仲有我乜鳩嘢無做過,就係串撚住哂!我乜柒都無做過架屌!」
焌文剛剛洗好身,濕透的紅毛正不斷的滴着水,他正在把頭髮抹乾
「到你啦,怕醜仔,啲嘢我睇」
「唔係呀,佢個樣幾得下!中美混血的完美輪廓,加埋全天然無添加的35D身材,錯係E先係,係瘦底大波呀!會唔會太正?」光洙平時已經是口若懸河的了,一講正妹就更加不得了
「我都係中意日本妹多啲,如果係中日mix就更加好啦」區長道
在洗的怕醜仔一副「好心你班人唔好咁多性幻想」的樣子,沒有加入男生們

「這些機會不屬於你的,想溝佢?問准我哋男神未?」大隻仔的一句,令光洙打消了念頭
「咩事提起我?」男神正在把頭上洗髮水洗走「乞嚏~!係咪有人講我壞話?乞嚏~!」另一邊講的是剛才雪兒在說男神有多吸引
「雪兒同學由頭望你望你到尾。你唔知咩?」怕醜仔道
「咩女神呀,正菜呀,都俾男神溝哂啦。我哋等執二灘都未必得」同樣在擦身的區長加入抽水戰團
「佢食慣龍肉,食親仲要係女model!就唔知我哋呢啲凡夫俗子幾痛苦呀?莫講話食龍肉咁大想頭,就算要食豬肉、牛肉呢啲,花盡奶力都未必得!俾條生路行下啦師兄~」一直都是A0的姚明將底褲舉起,表示投降
「我而家都無女朋友啦,仲講咩?」男神回應道

「講到咁遠嘅你哋!講返個公主病呀,係咪驚死我哋搶走雯雯呀?」焌文將話題返回到他的冤家身上
「文少,沖涼液~」姚明從浴室叫出來,打斷了他的話
「接住~」焌文用力的將沐浴露抛給沖室內的姚明

「又未必嘅 佢未熟我哋姐?
尤其係你個超級西面人,自己西咗都唔知啦..話哂係Sherman啲fd,無謂啦!做人留一線」男神安慰起快要爆炸的焌文
「痴線就嚟緊!」
「哎 ,無見幾耐就咁?仲有成年呀...」眾人異口同聲的說
「話說,你唔係要搵個Head p咩?」怕醜仔對着焌文說
「理撚得佢呀!佢都耐我唔何嘅」

此時,還在風紀室的張成材正在怒不可遏的坐着

「劉焌文,居然當我無到?」他將拳頭握緊,一拳打到檯面上,拳頭因而紅腫起來
「走得你咁開心?唔好俾我有機會整死你!」
已有 0 人追稿