有個混血妹同我講，話想同居: 家家有本難念的經
同晚 1100pm
「多謝你送我返嚟…...好彩有你送我」雪兒一臉通紅的望着男神
「出完夜街，送女仔返屋企係男仔應該做嘅事嚟，
前面仲黑，不如我送埋你到門口先啦」二人繼續於斜路上行走
「其實…….唔好行得咁快啦，我想慢慢行。」雪兒的語氣顯得低落
「好呀」同為富裕家庭的下一代，或多或少都會明白到雪兒的處境，但男神不想因提起家庭，而更家灰機，於是就只簡單的回答，用行動支持她
雪兒此時的心底話是（我真係好唔想返去），卻沒有喧之於口
再長的路，亦有走完的時候，二人到了朱家大宅的閘門前
「走啦我，有咩事，記得打俾我」男神摸了摸雪兒的頭後，就轉身離去
「……」雪兒看着離去的背影，嘆了下氣。
她猶豫着，是否要按下大門上的電鐘…….
送了雪兒歸家後，男神向眾人報平安
男神：送完Sherly返屋企啦
舒雯：唔該你呀，你是最好的！
光洙：仲咩仲未加雪兒bb入嚟？
舒雯：咁你就要問admin文啦，人哋仲係好憎人咁話
焌文：你哋自己add，而家人人都係admin
舒雯：乜你唔你唔中意人哋係度嘅咩？
焌文：你哋都接受咗佢啦，我講乜都無用，最多做到咁。
舒雯：咁就好啦。
焌文：你個句＂你是最好的＂？呢
舒雯：呢句係daniel專用嘅，你都係等其他女女同你講啦～
雪兒過了幾分鐘，終於打開了家的大門
「雪兒小姐，歡迎返嚟……」一位老管家向着雪兒真誠的迎接。
這位老管家，是照顧小雪兒的管家來着，他亦服務了朱家半載。
雪兒於這個家中，相處得最多的是他，他待雪兒如自己的女兒一樣的無微不至，
有時還會是她的心靈雞湯，所以他們間的關係可說是超越了一般的主僕。
可是這美好的時光，卻因大人的問題而停止了，雪兒亦因於此初小的時候失去了家雄（管家的名稱）
「係呀，我同舒雯佢哋去咗食甜品，買埋你個份啦～！」雪兒從膠袋中取出雪蛤糕。
雪蛤糕是家雄最愛吃的糖水，而雪兒到了現在仍然記得他的喜好。
「仲有呀，私底下你叫返我雪兒咪行囉，好似細個時咁。」
「我都想呀，但係太太佢……」
此時，雪兒的兩個妹妹，和繼母就正從樓梯走下來
「仲諗住係邊個返咗嚟，原來係啲雜種返咗嚟呀～難怪有啲sick咁啦，唔記得你係西人嚟，要唔要我轉講返英文嚟就返你？」
一個染了金髮，意圖扮作歐美人的女生（可惜沒有氣質，只有暴發戶的氣場）用鄙視的語氣說着一些不是人說的話，而旁邊的女性亦一同作出挑釁。
「唔好講啦，美怡姐姐，廢是啲人又同爹哋告狀啦，又話我哋蝦佢囉～
雪兒呀，好彩你唔係度咋今餐，如果唔係我就食唔落架啦」
「蕊怡，Stop it~你睇下人哋嬲啦！」二人不但無意停口，更要越講越過份
「佢話哂都係你哋細妹，爹哋同你哋講嘅都唔記得啦？我哋要合一，如真正的家人一樣呀，雖然佢唔係我親生女。
如果佢過得唔好，大姐會死唔眼閉架！」雖然繼母口中如此的說，可是話中有話，
比明講來得更狠毒。
「說話又唔可以咁講呀。媽，個女人只係爹哋之前嘅女人嚟咋嘛」名美怡的，繼續於雪兒的傷口上撒鹽，更一臉樂壞了的模樣。
「都唔明嘅，點解爹哋要接佢返嚟住？」
此時家雄明白到，雪兒正處於多麼痛苦的情況。可是因為身份的關係，亦只能於旁邊支持她。
「雪兒，你要頂住呀。對唔住呀太太，我做唔到啲咩」家雄自責得很，還差點流下男兒淚……
雪兒本來想忍氣吞聲，可是被外人如此批評母親，她不能沉默不語。她走上了樓梯，瞪向那三個女人。
「本來我就係朱家一份子，生活得安穩滿足，但一切因你而改變。
係你，令到我嘅家庭破碎，失去完整嘅家庭
係你，分散我父母感情，然後令我呀媽含恨死咗，仲要咁多年嚟都無人問候一句，係一句都無。
仲有係你呢個殺人兇手，令我最後嘅親人――我婆婆都死埋，因太辛苦而死咗，本身佢可以係美國有美好嘅退休生活，安享晚年㗎！」
雪兒的情緒，因抑壓了太長的時間，超出了臨界點，所以有如山洪暴發般的不能控制，在後面的家雄看得心如刀割…….
善人的行動可以預知，是因為他們有底線，有原則。令人咬牙切齒的是繼母是沒有下限的，無恥的瘋女人一名
「你要知道，而家你朱雪兒可以返嚟住，都要多謝我呀！
咁多年嚟，你本來都無得係度住嘅。係我而家俾間房你留宿住，你唔多謝我，都多謝下兩個呀妹呀～明無？」
那女人還覺得道理在她手的說教着，但偏偏是狗屁不通的胡言亂語而已。
「你講咩話？我生母係同呢間屋嘅主人離婚，一個女人離開咗優越的環境，獨自擔起照顧我嘅責任。
就算佢身體唔好，佢都堅持俾最好嘅嘢我，照顧都我最好。
從出咗嚟嘅住所，到家務以至報學校，佢都一手包辦，就算點佢都無埋怨過。
佢嘅處境你明咩？邊似你係度勾引男人呀？佢到最後無辦法先求助!你個狐狸精唔好咁過份！」
雪兒此時氣得快要殺人的模樣，可是那女人不為所動。
「雄哥，咩事咁嘈？」大宅的主人穿着睡衣的出了來，手上還拿着一杯威士忌
「……」
「雄哥講唔出，就我講。你哋嘅對話我都聽到哂，雪兒係我個女，係紫凝同我嘅女，
當然係一份子啦，同你哋一樣，有不滿嘅塭我。」本來認為可以息事寧人的他，並不了解到對雪兒來說只是雪上加霜。
「有咩不滿就塭你下嘛？我而家就講！
講咁多冠冕堂皇嘅說話，又唔見你係媽訓係病床嘅時候塭佢，係佢身邊？
而家就係度貓哭老鼠？你講嘢呀？講呀！我叫你講呀！」
朱父無言對，至少他還是有一點廉恥的。
而雪兒未有因看到他低頭而放過眾人，她怒不可遏的向二樓自己的房間走去
「Bull Shit！」她一下把房門用力轟上。
「咩態度呀佢？明明只係野種。」蕊怡邊玩弄着她的頭髮邊說
雪兒回到房間，一下子跳到她的雙人床上。
床邊有些哈佬吉蒂貓的毛公仔，分別的放在床的左右兩方。
「喵~~」貓女小冰從房間的一角，走向躺在床上的雪兒身邊
小冰，是八歲的白毛貓，是朱母剛離婚時，所收養的小貓女。
起初由小雪兒跟紫凝於家前的路上拾回來的時候，還是瘦削得只剩下骨頭一樣，經過悉心照料後，才可以回復到現在毛色亮麗的小冰。
小冰是雪兒和已故母親的唯一聯繫，同時擔當着雪兒傾訴的對像，是她生活圈中少有的朋友。
「係得你當我係真正嘅家人架咋，唔好離開我～」雪兒邊說邊將小冰舉起，並把它借以將燈光擋住。
「喵～喵～」小冰用貓星語說着：我不會離開你。
「你知唔知呀，我返學有個飛仔呀，染咗個紅色頭髮，仲要講好多粗口，加埋
佢食埋煙呀，仲要俾氣我受呀……返學如是，返到屋企又係咁，做人有乜謂啵！」
淚珠在慢慢的從晶瑩的眼珠上跑上去，可能是小冰感受到雪兒的傷感，她用身體細細的於雪兒臉旁觸摸着，希望安慰到她。
「小冰……」