「仲有無意見?」光洙正站在教師桌前,向各同學收集意見
現在是班會時間,每逢有要事,Daisy都會撥出班主任課的時間,予同學發表意見
上年的班會主席,是焌文,但因不會連任,今年要換另一人擔任
光洙就是現任的主席了,而文書就由區長擔任
黑板上寫了不同的旅行地點:石澳、大尾篤,獅子山........
事關快要到旅行的日子了
「如果唔係,就投票啦」

校方指,到了高中的時候,不會為學生決定旅行的地點,而是交由學生決定,說是要給予自由
從交通,時間,到服飾,可以全由學生話事


「唔好係又去大尾篤就得啦~」坐在後面的焌文說着,他正在玩bubble and dragons
「仲咩唔想去大尾篤呀?」
「舒姐,我哋私下玩,就話去大尾篤咋。而家成班30幾個人,又係去大尾篤?踩單車咩去?」
「咁又係,上年已經去咗,咁今年去邊好呀?」
「等光洙哥搞掂咪得囉,我已經懶得諗」

「你只係轉珠就得架啦,同你講都無用,雪兒呀!」
「仲咩呀?」
「你有無諗住話要去邊呀?」
「我呀,好想去海灘玩。好耐無游水啦~」


「係呀,咁不如去大浪灣?有得游水,又有得燒烤。」
「光洙,我提議去大浪灣」雪兒向站在教師桌前的光洙說
「大浪灣?好呀,寫埋先」區長將字公整的寫於黑板上

「無啦嘛。投票啦,有無人想去石澳嘅? 10票」想去的是,都只有幾個女生
「咁大尾篤呢? 1票」只有一心要減肥的霖忠想去而已
「獅子山? 5票」到此時,還未有其他男生表態,他們都安靜的坐下,未有出聲
「好,到最後啦,大浪灣呢?邊個想去嘅,舉手!」
此時。大半班的同學都將手舉得高高的,而且是男生為大多數,連作為班會成員的光洙、區長都high起來
站起來的他們,都無人不起哄,而焌文他們只在後方低調的舉手



此時,有些女同學卻不滿眼前的情況,她們各自有不同的想法
(唔係呀嘛,真係靚女先有人權架啵,又唔見我哋講會有人聽!)
(我哋都無say架啦,死心吧啦)
(都係幾個玩手指算啦,點都唔係佢對手)
「唔使睇啦,大比數通過!」

「好,咁就要買定比堅尼啦,話哂去海灘玩~雪兒,聽日同我去買bikini?」
「反正都要買新嘅,咁幾點?」

下一日
「你覺得邊件好啲?」舒雯取起了兩件的比堅尼,一件是印有花朵圖案的藍色比堅尼。
另一件,是粉紅色為主調,加上一些黃色的花式作襯托的,看起來有令人快樂的感覺
「左邊呀,靚啲啵」
「你選咁耐嘅?」


「無呀,睇中一件,又覺第二件好啲咁」雪兒的選擇困難又回來了
「你身材咁好,揀邊件都得啦!」
「說話唔係咁講,呢場都係女人嘅戰爭,我唔可以輸」
「邊有咁跨張呀!」

雪兒選的期間,她想起昨天和焌文還有男神的對話
「劉焌文,如果係你,會中意咩bikini?」
「你問我呀,我中意黑色嘅bikini,有啲帶係心口位嘅,就仲靚,我唔知點講啵~總之就係咁啦!
不過睇下係邊個着啦,如果係葉舒雯呢,就着唔着都係咁」
「係你唔睇咋,我又唔係無人睇.......」
「有,不過更多人會睇大小姐個啲咋,香港女仔無幾可有E架嘛,唔係啵!佢係mix,無得同你比」
「唔理你啦,慢慢睇你嘅雪兒啦」
「我都無咁嘅意思,你嬲咩姐?」焌文這下,還不知自己大難臨頭
「本來無事嘅,經你咁講我就!!呀~~」舒雯一下的往焌文的手臂打下去
「呀呀呀呀呀呀呀呀!!!!!!好撚痛呀,你使唔使咁暴力呀,大力妹?」焌文痛得接住手臂大叫,舒雯這下是來真的。平時她打光洙,是未有用盡全力的。未到100%的她,攻擊力已經如男人一樣,何況是100%全力?還好,焌文從小到大都被她打,所以未到要死的程度,不知是幸運還是不幸


「邊個叫你亂講嘢先得架,你又係嘅」男神笑着說。看到男神為她說好話,舒雯就停手了
「咁Daniel你中意啲咩樣嘅bikini?」
「睇落會令人感到陽光氣息嘅,有啲花就最好啦,咁顏色呢,藍色/粉紅色都得」

思前想後的雪兒,最後選了兩件黑色的
「都係黑色嘅?」
「係呀,我.....皮膚白呀嘛,咪着返啲深色......嘅bikini囉!」雪兒這下把話說得不清不楚的,舒雯多多少少看到些端倪
(唔係呀嘛,佢咩咩咩劉焌文?)
「係啵,呀文係鐘意黑色嘅嘢,佢話哂都係mk仔嘛」
「先唔係,我點會為咗佢而買黑色嘅bra」
「黑色都唔係重點,兩件都係咁露嘅」(開正個死仔個範,佢好中意睇人個波!)
「去到沙灘,唔係要着one piece呀,梗係open啲拉」
「呢啲都係劉焌文中意個啲啵」
「你會唔會諗多咗?只係我想着呢的style嘅bikini」
「係咩?之前又話係中意男神嘅,你究竟係愛邊個架?」舒雯眼見雪兒羞答答的樣子,就忍不住要逗她一下


「咁就.......其實我都唔多知,只係我對男神嘅感覺無之前咁強」
「你分唔分到咩係好感,咪係中意架?定係你只中意佢個package?」
「知道,不過我好肯定,我對西米露無feel」(唔係呀,乜真係咁明顯咩?無無無,西米露is not my cup of tea, for sure)
「不過我呢,只係知某人為咗佢男神,要買藍色bikini」雪兒想到男神的喜好後,開始反擊,而舒雯就反應不及的停住了本來要說的話
「就算係又點呀,佢都好少搵我嘅」
「話唔定佢又係等緊你搵佢呢,唔試下又點知結果呢?反正佢都無女朋友」
「估唔到,我會俾你話.......不過佢做mo~del呢,會有好多人靚身材更正嘅女麻豆,佢哋求其搵個都吸引過我啦」
「話唔定佢唔係睇樣嘅?唔係個個都係咁mean嘅。識得多靚女,唔代表會只愛正妹,可能會愛鄰家女孩呢!」
「哎,庶民嘅煩惱,你呢啲女神唔明架啦」雪兒看到這樣的舒雯,不知如何是好「你咁多話『唔定嘅』?你咁中意ff,不如做作家啦」

旅行當天 5A班約好在學校前的商場先集合,至數齊人數才上旅遊巴
「佢哋到咗啦,呢邊~」男神看到雪兒和舒雯,向二人揮手
「今次無遲到,有進步」焌文在吃着他喜歡的sudway早餐
「好心你啦,爭取機會啦,與其係度驚,不如做咗先?咪話我哋唔幫你,自己執生」焌文小聲對舒雯說
「喂,知你兩個仲未買早餐,我幫你哋買咗啦」


「劉焌文你都有細心嘅時候啵,如果平時都係咁就好啦~」舒雯道
「乜我平時對你好差咩?真係。食咗先啦,上到車就dun到周圍都係」
「知啦,你仲煩過我呀媽。」舒雯將包裝打開,開始吃着她那份
「Sherly,仲咩呀,定哂咁」雪兒看着她的潛艇堡,但是她沒有吃
(佢又知我鐘意食呢隻味嘅?)
「係咪你買咗佢唔鐘意嘅包呀?你知你架啦」舒雯對着焌文說
「唔知呀,諗到咩咪買囉,趕時間呀嘛。有得你哋食,就咪嫌三嫌四啦」
「無呀」雪兒回應的同時,嘴角有點兒的上揚 (佢真係.......)

「仲差個,不過就嚟要上車啵」區長看着手機顯示的時間,是8時15分,還差幾五分鐘上車
「主席,我要求重新點人數」姚明說
「唔係齊哂咩?睇下先」光洙重新點人數
「真係差咁個,就係個肥仔」怕醜仔說
「仆街呀,又係差佢一個!」區長是一個非常有時間觀念的人每次有約,他都會早個15分鐘到達,對於人遲到,他表示爆討厭。
「我打俾佢啦,佢到咗而家,仲係一個電話都無!」姚明等得氣沖沖的原因,是他和區長在同時間到達,他們足足等了快半小時
(嘟 嘟 嘟 嘟 嘟 嘟 嘟 你已經接駁到)
「打唔通啵,點好?」
「佢唔係仲係度訓呀嘛?你知佢架啦,平時消耗嘅energy比正常人多」
「點呀,Daisy?」
「唔好等佢啦,我哋出發咗先啦,無理由叫成三廿幾個人呆等佢一個」
這時,旅遊巴就到了

七高人上了旅遊巴後,就佔據了最後兩排的位置:姚明、光洙還有怕醜仔就坐了在尾二那行的三人位,而區長還有大隻仔就在他們旁邊
最後那排坐的當然就是焌文、雪兒,還有男神雪兒這兩對男女了,他們一對對的坐着,中間的位置因為有倒下去的危險,於是他們都把他空着
會這樣坐的原因,要追溯到買完bikini的那一夜,焌文和雪兒的對話

當晚,她和舒雯行了一整天街,弄得一身都是汗,於是回家後她就立即洗澡。在洗的時候,她想不通為何舒雯要忍着自己的心意不說
「明明係鍾意對方嘅,點解唔會講?」作為半個美國人的雪兒,思想/行為當然會來得開放一些。
在外國,沒有說甚麼一定要男方先開口,或是女仔不要太快答應這回事,只要有feel,就可以發展了
「乜啲香港人咁怕醜架?」
(西米露咁多橋,搵佢睇下點諗啦)

擦好身後,雪兒就穿着了睡袍的臥在床上,此時小冰就跳上了床
「喵~」小冰向雪兒撒嬌,她想雪兒抱她
「你話啦,如果你有中意嘅貓仔,你會唔會同佢表白呀?」雪兒將她抱在胸前,她細節的摸着小冰的頭,被摸得舒服的小冰露出了享受的樣子
「喵!喵~」(會,點解唔會?)
「你都話會啦!點解Sherman仲等?等得耐啲,感情會好啲咩?」
「喵~」(你問我,我問棵樹咩?我又唔識佢)
「喵」(我只想係幫我按摩咋,繼續啦你!)
叮叮~雪兒的手機鈴聲響了
(邊個搵我?)她將放在床上的手機拿起,是焌文傳的短信

文:你係街?
雪:返咗屋企啦,沖埋涼啦~
(又會搵我嘅佢?)
文:咁快嘅?
雪:唔快啦,同舒雯食完糖水先走嘅
文:食咁多甜嘢,你真係唔驚肥㗎?
雪:我肥你係咪要我呀?咁多意見
文:你肯我okay呀,我未溝過mix嘅女仔
  唔講笑住,我有嘢想你幫我
雪:咩事?
文:係關於你好姊妹同埋男神嘅,相信你都知道大力妹係中意男神
雪:無錯呀,之後?
文:只不過唔知係咩原因,男神一直無踏出第一步,如事者一啲進展都無
  為咗雯雯嘅幸福,我想推男神一把
雪:咁你想我點幫你?
文:你旅行當日就同平時一樣同葉舒雯相處就得
  咁係車度同我一齊坐啦,至於光洙佢哋已經講好哂
  咁餘下嘅男神同雯雯呢,如無意外會坐埋一齊
  講到尾,我想男神同雯雯有獨處嘅機會
雪:okay,就咁啦
(屙得撚啦,唔記得佢都中意男神添)焌文突然想起之前的事
文:唔係啵,你真係得?
雪:有咩問題呀?
文:你唔係中意男神嘅咩。點解而家會幫雯雯制造機會?
雪:之前曾經對佢有感覺嘅,不過而家無啦
文:你啲女仔,真係五時花六時變.......
雪:女仔有時就係連自己想點,都唔知架啦
文:所以你啲女人呀,就咪要我哋估你想點啦,你叫我點答一條無答案嘅問題呀?

 
已有 0 人追稿