「聖誕快樂。」

她握著諾亞的手,從她的力度可以看出,她很掛念諾亞。

「聖誕快樂。」諾亞向她微笑,笑得真摰;跟平常異樣溫暖的笑意不同。

她輕輕掃著諾亞的手背,溫柔道:「其實...你可以帶佢地黎呀,見一陣都好。」

諾亞笑了笑,搖搖頭:「仲未係時間...過多段日子先啦。」



她的手很嫩、很滑;膚色比諾亞要更白晢。

她大力拍在諾亞的手,輕斥:「未係時候..哼哼;曳得你。」

「上次你帶人黎...都好幾年喇。」

諾亞呼了一口氣,嘆道:「嗯。」

「快啲呀,唔係悶親我,知嘛?」



「嗯,知啦。」

她淺淺一笑:「好啦,祝你聖誕快樂。」

諾亞點頭微笑:「你都係、聖誕快樂!」

那度鎖上的門打開,諾亞從裡面走出來。

出來以後,他謹重的關上大門,又復以魔法鎖上。



這個鎖,楠芝也破解不了。

諾亞慢慢走到大廳,只聽得三個女孩正手亂腳亂的在弄聖誕大餐,聲音大得諾亞在廳也聽得到。

諾亞很注重聖誕這個節日,大廳已被楠芝佈置得充滿裝飾,飯廳還放了一棵聖誕樹,樹 下滿是一份份的禮物。

楠芝正向兩女發號施令:「阿敏,啲布甸你睇下雪好未。」

「啊、奶油撻焗好味?」

「我硬係覺得呢...啲蛋酒酒味唔夠咁,婉琳你幫我試下好唔好?」

「呀、唔得喎,你未夠18歲...!同我睇住啲魚佢,小心炸燶。」

「敏~~~」



諾亞走到廚房外張望,見她們還真是手忙腳亂。

阿敏呷了一口蛋酒,說:「差唔多啦...我又唔係好飲既、小桑同婉琳又唔飲得。」

「哦,好啦。」

「諾亞!!」楠芝當先發現在門外竊探的諾亞,諾亞嚇了一跳。

過、黎、幫、手!

諾亞的臉像是吃了酸梅一樣酸:「唔好啦掛...。」

「好忙呀!
快、啲!



諾亞認命,死死地氣過去幫忙。

這一年聖誕,應該是諾亞大宅內,過得最熱鬧的一年。

「聖誕快樂!!!!」 眾人齊聲歡呼。

聖誕夜,餐桌上的食物極豐盛。

她們三個加上諾亞忙了一整個下午得來的成果。

J亦是這個晚餐的座上客,他因為公事離不開香港,無法回到自己家族興祝。

他吃著薯蓉,冷漠的眼著周圍的喜慶。

阿敏正在為小桑切著火雞肉、楠芝正不斷往蛋酒滲酒、婉琳早早已吃完薯蓉,正要去盛肉湯。



「點呀?啲野...應該唔會唔岩胃口掛?」諾亞注意到他的神態,放下沾了沙律的匙羹。

那些菜式多是西方傳統過聖誕會吃的食物,相信不會是J這刻模樣的起因。

J搖搖頭:「不是,食物很美味。」

「思鄉。」

J眉毛一揚,竟笑了出來,他還第一次在人前笑;笑得就如小男孩一樣純真。

「暪不過你。」

「咁大個家族,節日實定好隆重定啦。」



J稍稍臉紅,隨後紅色又退:「很隆重...但......」

「沒有現在這兒溫馨。」

J外表雖然成熟穩重,其實他不過是個僅十八歲的男孩。

生來十八年,除了這一年以外都是在家族中渡過聖誕。

不知是否因為整個家族血脈都流動著冰系魔力的關係,他們的族人都如冰一樣冷漠。

喜怒哀樂,都不大形於色。

「仲食?你食咗好多撻啦!留番啲俾小桑食啦!」

「我不嬲...鍾意食甜架啦!」

「可惡,啲肥肉生哂落去個胸度。」

「哈哈~」阿敏在旁邊陪笑。

小桑似乎聽出奶油撻要被吃光一樣,馬上也去抓了兩個。

諾亞微微一笑:「你喜歡呢種溫馨既...可以多啲黎食飯。」

J瞪大眼晴看著諾亞。

「做咩...?」

「嗯、沒有,我想不到排名第一的魔力之源...會這樣好客。」

諾亞笑了笑:「我嘛,係呢間屋入面.....只不過係個普通男人。」

J喝了口奶酒,默然不答。

送走J以後,楠芝跟阿敏她們正在執拾;食物吃得都八八九九。

楠芝稍聲問阿敏:「敏、你有冇...買禮物俾諾亞?」

阿敏「啊」一聲:「我、做咩要買俾佢?」

「嗯...婉琳你呢?」

「嗯...沒呀?」

楠芝偷偷一笑:「死火勒,我都冇買到哎。」

「佢咁有錢...要咩都得喇;仲送咩禮物?」阿敏怨道。

「唔係呀...但佢有同我地準備禮物架嘛;佢好重視呢個日子架,知我地冇準備實失望死。」

「嘿、真係咁易死就好勒。」

「唔好咁喇...你地幫我一個忙吖,當係禮物咁送俾佢算啦。」

「咩忙?」

「聽日話你地知呀~當你地應承架啦;唔好反口呀!」
 
 
已有 0 人追稿