「Actually……嗰四條女呢?你收埋咗佢哋喺邊?」
而家係下晝一點,紅茹幫香慈恢復體力,就叫佢揸住新買嘅三菱Savrin車我哋上深圳……
冇錯,係七人車,綠荳同白晴係以一個鎖匙扣嘅形式搭呢程車嘅,到關口前銀茹同紅鈴都一樣要屈蛇,反正佢哋過關唔使歡樂卡。
面對雷電嘅提問,車廂內嘅反應忽然間變得好嚴肅。
「我……收埋咗佢哋,入宿要做嘅安撫工夫嗰啲銀茹已經搞晒……」我搭得咁曖昧,因由我知道,雷電一定係想嚟分我啲女。
阿良同仁仔呢啲時間選擇保持沉默。
仁仔係唔會出聲嚟分一杯羹嘅,我知道,佢永遠與我並肩。
阿良呢?佢個人永遠不動聲色,一兩條女呢啲婆乸數佢亦不屑去計。
雷電見冇人附和,但仍然死心不息。於是乎就話:「我陀地嗰條女,係咪應該交返出嚟先呢?」
「咁我哋喺白羽織咪又係有女……啲數邊有得咁計架?」仁仔出聲喇!


「喂啲好嘢你擸晒留返啲侏羅紀我哋嘆……」雷電話:「阿仁哥你唔在意我在意阿……」
「銀茹。」阿良終於出口喇,「報報啲數字。」
「本來唔使聽你點,不過今次例外。」銀茹輕輕嘆咗口氣:「而家嘅數字只係計白羽織,其他唔計。阿良一個A一個B,仁仔一個C,同之前冇分別。但係阿雷電哥你三個C一個B,多咗一C一B噃,都未計你抽水唔屌嗰啲添!」
「咁即係同我計啫?」雷電拚疲(即係盤pair)嘅功夫絕對唔係流:「屌大家做兄弟嘅嘢係咪要咁計呀?」
「係你要計咋噃……」仁仔講完都冷笑咗一聲。
「屌啲嘢問清楚廢事拗撬啫!」
「咁即係唔使分返出嚟啦!」銀茹話。「咁大家唔好再提喇!要過關喇!」
過關都仲算快,四個未成年少年上去,大概啲公安同志以為我哋去水都838嗰啲地方啫,試問又有邊個諗到我哋上去做咩呢?
我哋都諗唔到。
一過咗關上返車,我就捽一捽銀茹個鎖匙扣。


「喂我哋一陣要點做呀?」一路都冇講,我都真係燥燥哋喇。
「主人你最擅長嗰樣囉!」銀茹拎咗張圖出嚟,「棟嘢有四層高,你哋一人一層,見人就插啦!」
喂呢啲乜撚嘢劇情呀?唔好咁撚求其得唔得呀?
「紅鈴其實早就喺大家嘅食物加入咗病毒性抗體,所以你哋要傳染俾佢哋。」銀茹嘅解釋係咁,「由於作為病毒抗體嘅病毒極容易俾白血球殺死,咁所以用體液交換嘅方法可以改變到抗體本質,由細胞演化成基因一部份,好似你哋咁。」
乜撚嘢呀又?講人話得唔撚得呀?
「總之有閪你哋就屌,唔好理女定扒啦問!」銀茹你顧下啲主僕倫理好噃……
「我同紅鈴綠荳白晴會一人顧住你哋一個,香慈就會周圍兜,有咩異動會通知我哋。」銀茹講完先講重點,「大家要明白,今次會有危險。」
屌閪會好撚危險咩?驚生嘢呀?
一直瞓覺嘅紅鈴終於出聲:「對方應該有為數唔少靈術高手,總之各位行動之餘有心理準備隨時有機會打交。」
最後,大家分配好人手,仲每人一部小露寶方便聯絡。


我喺四樓,同紅鈴一組;三樓嘅阿良拍擋係銀茹;二樓交俾雷電同綠荳;仁仔白晴負責地下。
隔離病房同主建築群相去甚遠,我哋落咗車用佢哋四個嘅時間停止術,半個鐘頭限界過去我哋都未到,還好隱藏喺樹林中行動匿蹤容易。
直到我上到四樓,我先知係另一回事。
一出升降機門,一個女病人已經拎刀衝過嚟隊我。還好我有外掛喺身,本能反應下輕鬆避過。
但後續嘅就唔係講咁易喇!
基本上而家嘅情況就係,喺我哋面前嘅,冇人唔係敵人,我哋唔可以殺死佢哋,因為就算走得到返香港,一樣會被通緝,而即使差人捉唔到你,成世俾人通緝都唔係辦法。
更重要嘅係,殺死呢啲你可以唔殺佢仲反而能制服佢嘅人的話,你就注定落地獄。紅鈴一定唔會容許,銀茹亦唔會俾我嘅靈魂降價。
無論醫生護士定病人,佢哋攞起啲咩就向我哋扔過嚟,我哋其實同升降機門只有數步之遙。
混亂間,我發現後面有一個著醫生袍嘅老伯喺度指揮佢哋,就好似……
木偶師!
當我發現嘅同時,紅鈴已經用靈術變出一條條繩將啲人雙手綁住吊喺牆邊。
經過玉玲瓏移植嗰次,我嘅法力已經大增,膽粗粗就同木偶師阿伯搏命。
我雙手一推,一道白煙化成一條巨柱,就向住木偶阿伯車埋去。
木偶阿伯一直控制各人,如今各人被綁,雙手反而受制。巨柱一出,即時重心失衡,成個向後跌低。
「这不是你可以撒野的地方,小娃儿知趣的给老子滚!」木偶阿伯發出最後警告:「要是把这里给砸了,老子动了真格你可要吃不完兜着走了!」


「我屌你老母啦!」我祭出玉玲瓏,兩手一撥一推,周圍嘅儀器設備唔係俾我掃爛就係屌爛。「想搞冧香港,我而家就幫你老母臭閪收皮!」
「啊?霸王玉玲珑?那你今儿别他妈的想要走得出去!」木偶師雙手一揮大堆玻璃線向我飛埋嚟。
我嚇咗一跳,紅鈴舉起盾牌企喺我面前幫我擋,一轉眼成個盾牌已經俾佢扯甩埋。
「醒神啲呀!再發夢真係會死架!」
「地下Clear!」對講機傳嚟白晴把聲,呢個係我哋嘅暗號,表示負責樓層已經受控。
但係呢一刻我哋根本無暇應機,因由我必須雙手並用先可以控制得住玉玲瓏,而紅鈴得返一把劍,更加係左支右絀。
「小屁孩,还有同伙吗?」木偶師面對圍攻,似乎仲係游刃有餘,「不过今天你们都得死!」
雷電嗌機:「二樓Clear!」
過得冇耐又聽到阿良把聲:「三樓Clear呀!」
我繼續無暇應機,運起靈術,玉玲瓏化身成一條巨蟒,向木偶師撲過去!
木偶師一個翻身,手中玻璃線變成無數小蛇,向住巨蟒吐信示威。
「浮游圓錐炮!」係雷電把聲!
紅鈴衝過嚟將我拉開,先發現身後一大堆頭大根小的賓周喺我身後飛過,分散包圍住木偶師。
「轮到独角龙王枪吗?」木偶師奸笑一聲,「不错!老子欢喜得很嘛!」
雷電揮揮手一埋電光由呢堆飛行賓周喺四方八面射向木偶師!


木偶師雙手一直揮動,玻璃線剛好擋住攻擊,後背突然受襲,當堂鼻血直流。正想擰轉身一睇,電流已經擊中身體。
木偶師正想舉臂去擋,一碌怪鳩壓落佢雙手,碌鳩頭大根大中間幼,正正係阿良跨下嘅金剛寶象杵。
剛才打佢背脊嘅嗰條硬物再次打埋佢塊面度,原來係仁仔嘅狼牙硃砂棒。
「四大名枪……啊……张书记啊……」講完已經撻咗喺度,白晴過去睇睇就話,「佢冇死……不過佢力抗四大名槍,透支過度,已經法力盡失。就算醒返,都只係個痴呆老人啫!」
「法力盡失……即係佢再冇能力控制啲人喇噃?」雷電提問。
原來,全棟樓嘅人一直都受佢嘅靈術控制,所以頭先根本冇辦法扑佢哋,就算屌咗都冇用。而且佢哋發現我哋冇應該,於是上嚟睇下我哋。
雷電經過三樓,見到阿良收拾得七七八八,就一馬當先衝咗上嚟,幫我哋解咗燃眉之急。
綠荳忽然間話:「高手已經擊破,但係我哋仲要去實驗室一趟。」
白晴忽然間嘆息:「還好今次唔係兩位女主人上嚟,否則行動就可能失敗喇!」
銀茹話:「算啦!反正而家我哋仲爭一步就成功喇!」
我哋一行八人,行到上去實驗室。
「佢哋竟然研究緊解藥?」紅鈴睇睇啲電腦資料。
同一時間入面嘅研究員已經全部被制服,連天台都俾白晴同綠荳搜查過。
「攞走所有研究資料同解藥,將解藥放喺香港所有水源。」我繼續講,同時祭出玉玲瓏:「我希望每個香港人都有抗體去打呢場仗,只要疫症唔爆發,咁香港就唔使沉淪。」
諗返前世嘅香港,唉……


「同我破壞呢度!」我收拾心情,「兄弟,落去屌閪!」
已有 0 人追稿