[魔法/武俠]《窮撚被女飛 之 鳩闖魔法世界》: 第三十七章 - 比人勒索，怪只怪自己有痛腳比人揸住
翌日我將副修的中級證明木牌給了尚sir，就開始上課。
高級班的課程和基礎班的真的有天淵之別，我再也不能輕輕鬆鬆鄧梓峰。
話說高級班的課程第一項就是學習高級火術，而高級火術全部都要連結手印才能施展。而我因為五行脈太弱的關係，直到現在我都沒能儲存到足夠的元素量發動高級五行術，所以楊兄一直沒有教我。
眼見人人結完手印後都成功使出爆炎術，我只好向尚sir坦白一切。
「這樣嗎......這個可真難辦......那沒辦法，你只好慢慢嘗試了，真的不行的話就算了，反正要升上精英班也不一定要學會高級五行術的。到了高級班，我們重視的是實戰運用技巧，會不會高級五行術反而是其次。」
雖然老師這樣說，但我還是將每個手印都用唉瘋拍下，難保有一天我能使用也說不定。
其餘時間，我就在旁邊默默打坐修練內功。
其他同學見我獨自打坐也向我投來奇異的目光，那炎杰還陰騭騭道﹕「你這小子是吃了狗屎運才能通過檢定吧? 」
我瞅了他一眼，又繼續閉眼打坐。
「嘿嘿...給我說中了嗎? 不服氣的話來跟我打一場啊！」
我緩緩道﹕「連傻強都可以打贏嘅人，無資格做我對手。」
「你！......」聽他的聲音是被我激得噴血吧，說的也是，跟傻強一戰幾乎都令他名揚天下，聽說他整整一星期沒敢露面。
就在炎杰想跟我開拖之際，尚sir的聲音傳來﹕「好，現在是實戰練習，各位去找一位同學做對手吧。」
搵partner? 正！
我霍地站起以風行術飛到紫月身前，行了一個紳士禮﹕「May I be your partner? 」
紫月抿嘴一笑﹕「呀南你的說話真奇怪。」
「哈，呢啲係我家鄉話。」
紫月到武器架拿了兩把木劍，將其中一把遞給我﹕「呀南你的劍法厲害嗎? 快點教我。」
老實說我會的劍法只有楊兄教我的那套，而嚴格來說那套是刀法而不是劍法，我也不好意思將《絕世武功》裏教的基本劍法套路耍出來，唯有四兩撥千斤，將個波交番比紫月﹕「咁不如你耍你學嘅劍法，我一路同你比劃一路睇吓有咩可以改進? 」
紫月真的相信了我的話，以學到的劍法跟我拆招。雖然我剛學劍法不久，但由於平時勤於練習基本劍法，而且得楊兄傳授的五招劍訣，再加上累積了不少實戰經驗，要指點剛學會劍法又疏於練習的紫月，還是足夠有餘。
我們上課時耍劍聊天，下課又一起練劍談笑，早午晚三餐又形影不離，基本上除了晚上要分開各自回宿舍，其餘時間都是朝夕相對。
我都估唔到會咁順利，諗返以前要喺狗公群中追求Evelyn，真係奶力都出埋。先唔好講要突圍而出有幾難，要成功約到Evelyn，就比我煉丹嘅成功率仲低，約十次只會答應一兩次，都唔知佢係矜持怕羞定係吊高嚟賣(經過come on James事件，我諗九成係後者)。
不過現在追求紫月，難度可比我想像中低得多，一來沒有其他男生像我這麽明張目膽(或者應該叫做厚面皮)，二來紫月也沒有港女的高傲，當然害羞還是有的，但可能練武的女生都比較爽朗的關係，每次邀約她她也會一口答應，而且跟她練劍不時有些身體接觸她也沒有抗拒，看來只要有一個契機，她就會成為我的女人。(咩話? 甜? 好好好，我重愛尤重性，滾到上床一定有甜，甜到你糖尿！)
你話小瑩點算? 咁佢而家keep住食我比佢嘅白玉凝脂丸，我check過佢塊面啲皮膚係好咗嘅，最低限度啲瘡無咗，啲色班又淡咗，毛孔都幼細返，但個豬膽鼻同孖潤腸仲keep住喺度，睇嚟都係要搵神藥氏清埋啲餘毒先可以安全食用，所以我一直都當佢係妹。
「屌！你真係好撚賤格！」說話的是Lucy，不知何事她竟然混進書院找我。
我也不知為何將自己的感情事向她和盤托出，或許這裏沒有人能讓我有可以交心的感覺吧，對著這個八婆我反而能說出一切。
「屌咩啫，你第一次見到小瑩都屌咗出聲啦！」
「喂！咁正常人都會嚇親啦！我之後都無歧視佢！」
「我都無呀！我都當佢係妹嚟錫㗎！」
「仆街啦你！你見人醜先當人妹咋嘛！盲嘅都睇得出小瑩冧你啦，你就扮唔知當人妹，你真係好仆街！」
她說的每一句都是事實，我只好舉手投降﹕「OKOK，我係仆街咁好未? 咁你想我點? 直接同小瑩講因為你好撚醜樣所以我唔鍾意你? 定係同佢講我一直當佢係妹叫佢死咗條心? 」
「屌呢啲嘢你自己諗啦！我先唔得閒理你！」
唔得閒又專登入嚟屌鳩我? 吹脹！
「屌你唔得閒又入嚟搵我做乜春? 」
「你以為我好想搵你呀? 楊大哥叫我問你有無咩進展，點知原來你掛住溝女！」
「咁我同呀嫂都唔同系，好難會見到佢㗎，比多啲時間我啦！」最低限度比我溝埋紫月先啦！
Lucy盯著我，陰森森的道﹕「你條撚樣肯定係諗住溝埋女先做嘢，係唔係！? 」
屌你係林保怡呀? ！諗咩你都知！
我唯有低聲下氣﹕「Lucy姐！Lucy大人！求你比多少少時間我啦！我會查㗎！我一定會去查！」
「哼！我唔同楊大哥講都得，不過，你就要識做喇。」她竟然用貓嘅手掌做出科水手勢，真係痴膠線！
「Lucy你要錢? 好好好，但我得幾兩金咋......」煉藥賺到嘅唔多，我仲諗住留返啲錢同紫月行街睇戲食飯，而家? 唉......
「邊個要你啲錢? 我要你上次比我嗰啲藥呀。」
噢，原來係要護膚品，好彩我有煉定啲應付湘兒。
我馬上將所有存貨給了她，道﹕「呢度夠你食兩個月啦。」
我協助她將藥丸放在包袱裏再綁在她的身上，她臨走時道﹕「咁我兩個月後再嚟，如果無功課交你就準備定賄款啦。」她「喵」一聲，就從窗戶離開了。
屌！真係慘撚過比大耳窿追債！