《搵唔到Exit既23層大廈》－驚嚇！香港都市詭異紀錄: 第七十一話：《Dotted Lines》

 
      9樓的幽會單位內，大家神色凝重的互相注視著，

      「同埋唔知你地有冇發覺一樣野……啊年輕人，冇事啊嘛你？其實我隨口Up，唔需要答我。」

      范國富凝視著從走廊徐徐步出的我，神緒絲毫沒有關切的味道。

      我也不需要他的慰問，我甚至感到了極端的嘔心。





      「騰……」Toby瞪大了眼，訝異的注視著我，「你……冇野嘛？眼紅曬既？」

      我連忙揉著眼睛，找了個位置坐了下來，輕笑起來：「冇啊，岩岩有D唔知咩入咗眼，我先去廁所洗下咋嘛。」

      Toby「哦」一聲，沒有再說什麼。Ashley則一直在沙發上，瞄著我，使得我有點兒不舒服。

      然而，先不管Ashley了。

      單位的橡木門傳來陣陣的屍臭味，充斥了半個客廳的空氣。即使是時候進食，難聞的空氣實在使人毫無食慾……





      「其實，點解我地會被拖入咗呢場災厄？」Sunny驀然開口，打破了我返回客廳後帶來的沉默。

      於是Toby以極快的速度跟三個新夥伴交代了我們的推論，包括異界論、遊戲論之類的論述。說畢以後，Sunny忽然浮誇的拍手讚好：「哇，你好勁啊，Toby。」

      Toby熱情一笑回應，我則冷面相對。

      「講起呢樣野，我地呢棟大廈究竟有咩來歷啊屌。」阿毛再次開始抓起頭髮來，如我所料，他的頭髮好像真的比起第一天少了頗多。

      「全華大廈，1979年落成，由順風置業集團興建，不過順豐置業集團已經係去年因為破產宣布倒閉。」百科全書的辛繼續發揮著自己的小宇宙，「總共23層，每層三個單位，不同層數既單位面積完全相同，每層單位面積分別為738尺、538尺同埋538尺，當然我講緊總面積，實用面積我估都有三位數字既。」





      「屌你，你唔係住美孚架咩？」阿毛張口結舌的盯著他，他裝了一下戴眼睛的姿勢，事實上卻沒有佩戴：「冇錯。」

      莫辛就是這樣一個怪人，對於社會上的任何事情都有極之詳細的研究，論廣度，論深度，上至宇宙起源，下至凍檸茶對香港文化意義，他都至少略知一二。

      說他是百科全書，絕對不為過，凡事出現疑問，直接詢問他的解答或許比打開流動數據搜尋維基百科還要快。

      「不過，其實發生呢件事情，有冇機會其實管理處係知情呢？」

      Toby驀然拋出的問題，難倒了在座的每一位。

      「Why the fuck is that important？」想不到，Toby迫使辛還原了英語癖好的本性。

      由剛才回到客廳到現在，我還是從來沒有直視這面孔跟阿Sam無異的人。





      他真的是阿Sam嗎……

      手心從不間斷的滲出冷汗，事情實在令人毛骨悚然得喘不過氣來。

      「唔覺得成件事情好奇怪咩？」Toby沒有阻止辛的粗言，「先不論係異世界說法定係遊戲說法，成件事情，想必係由一樣野開始既，唔係就係踏進地面大堂開始架咩？」

      眾人連連點頭，除了迷惘與慌亂之中的我。

      「即係，不論我地進入時空隧道抑或係遊戲程式既Starting Point，管理處既管理員應該係係電梯大堂目睹成件事情既發生架。」Toby把小貓抱到懷裏，不讓牠再舔自己發紅的手指。

      「管理層……」范國富驀然雙手一拍，就像個小孩子一樣，「管理層曾經我地講過話會維修電梯！」

      「你阿媽大減價，多謝讀者提供笑話。」

      「廢青你Up乜？講野有翻中文好唔好？宜家D細路……」





      范國富及阿毛的對話，實在令人啼笑皆非，若果此刻我有心情，必然捧腹大笑。

      「Hi Auntie，你再咁傻的嗎，我真係Hi爆你，停電呢樣野有話係呢幾日咩？Jerry同我地講咗喇。」

      想不到，阿毛的記憶力還不遜，Jerry再離開單位前，真的跟我們說過一句什麼管理處通知過會修理電梯的話。

      「管理處都講過，最近呢個禮拜會停水停電，不過好似係講緊週末，唔係宜家。同埋又好似最近係一樓對開添置過一D散熱機，呢個其實好多住客都唔係好了解，不過屋主委員會又通過咗呢筆撥款，而且政府部分又冇阻止。不過又好似唔係好關事……跟住管理處都講過話會係前日搞一個聯誼活動，一齊係天台食甜品。」

      「好似唔多關事。」Sunny一句總結，誰知卻被富豪破口大罵：「我話關事就關事，唔關事就唔關事，唔由得你呢D兵仔講野。」

      來到了這棟大廈，坦白說，還有社會階級的分野嗎？

      沒有，你手上海量的鈔票，在這裏，什麼也不是。





      「Let’s say something productive。」辛擦了擦鼻，「我發現咗一樣野，真係不能更加special。」

      眾人的焦點頃刻落在他的臉孔上。

      「Actually，我本來都唔係咁肯定，不過岩岩聽多一次啊范生講話皮膚敏感果度，不禁令我將氣體同埋你地所謂既失常connect埋together。」

      什麼氣體？

      「我就冇讀過Science，但聽過有一隻症狀叫化學物質過敏症，英文係multiplechemicalsensitivity。呢個係指對於某D化學成分例如係殺蟲劑既化學物質過敏，造成既影響可以係呼吸道疾病、肚痛，但係都包括皮膚炎症。可能空氣中就係含有某種化學物質，我先假設係化學物質A，然後范先生你講既兩位學生本來對A都係皮膚過敏。日常生活中既空氣，呢D化學物質，先don’t fucking care what it is，重點就係，平時A佔空氣百分比只要係高少少，let’s say 0.0001%，都可以導致皮膚敏感。但係，若果係0.1%呢？Sounds not serious，但已經超標1000times。若果係咁，過量A既空氣就會導致果D人既皮膚炎發作，導致急速生疹既怪象。」

      說罷，辛撫摸著自己的下巴，對，他已經數天沒有剃鬚了。

      「即係話……空氣中，係有D奇怪既野？」Toby捲曲著短髮，「唔通係D霧？」

      Toby的說法，實屬合理推斷。





      「冇錯，咳……」Ashley的喉嚨發炎好像嚴重了，「如果呢度空氣同現實世界既成分係差好遠，咁最明顯既分別係，日常世界唔會咁大霧。」

      Mktor的Method of Agreement。

      「但係有一樣野，好奇怪，」Toby眺望玻璃窗，「點解呢D霧會充斥埋大廈外面……」

      「Nonono，What the。」我第一次聽到心儀的女孩被責罵，差點兒想一巴掌刮向辛的臉，他續道：「It is different，totally different。」

      「樓主，你可唔可撚意講清楚D呢？」阿毛沒好氣的凝望著他。

      「外面既霧同埋大廈裏面既霧，係唔同。」辛指著窗外的一片灰白。

      「我應該明你講咩……」Toby咕噥著。

      「大家係呢棟大廈裏面，有冇試過感到呼吸困難？」辛以詢問的眼神掃視著眾人，可沒有人回應。

      因為，根本沒有這回事，在這裏呼吸，若非經過劇烈運動，不會跟原來的世界相差太多。

      「Nonetheless，係窗外面透氣，就會覺得唔舒服，同樣係fog，不過外面既fog係覺得好似唔夠氧氣咁。」辛站起來，轉了一個圈。

      「因為外面有地獄之火，所以空氣缺氧都唔出奇。」Toby提出的論述也不無道理。

      「Well，你地留意翻，外面既霧氣同埋後樓梯既霧氣係有D唔同。簡單比較，若果look carefully，外面既fog係灰白色，而後樓梯既霧氣，好似比較似pure white多D。」

      真的嗎？這個倒沒有留意。

      眾人沉默須臾，Sunny打破了沉默：「呢個係唔係我地要困係呢度既原因……」

      我凝望著他，Toby的語氣充滿疑惑：「如果係咁……假設真係外面既霧同後樓梯既霧係兩種霧，係唔係……係唔係……」

      待阿毛準備開口接過話來的時候，Toby卻靈機一觸：「會唔會，遊戲管理員將我地困係呢度，係想我地接觸呢D霧呢？如果我地離開呢度，就接觸唔到呢種特別既霧，咁遊戲就運作唔到。」

      范國富輕蔑的凝視著Toby……的長腿：「遊戲係點玩？你地班廢青係咪太鍾意玩，搞到宜家仲掛住打機……」

      「Stop la Hihi。」阿毛對著中年富豪輕輕一笑，富豪當然不瞭解當中玄機。

      「可能，霧中既物質就係會令人失常，而失常會產生幻想。」Toby沒有理會中年男人的打算，「遊戲管理員，可能係想我地產生呢種幻想，至於點解，佢既目的係咩，我真係唔知。」

      「Toby你真係好聰明。」Sunny對Toby熱情一笑。

      「不過呢，屌仆街，就算知道咗，就算係遊戲，咁又點姐，如果遊戲管理員唔比我地出去，咁我地點走姐。」

      對，或許Toby說的也是正確推論，甚至接近真相，然而，那又怎麼樣，這根本對我們的最終目標裨益不大。

      「Agree。」辛連連點頭。

      我凝視著熟悉的臉孔，那卻是一個陌生的人。

      我認識的阿Sam，絕對不會欺騙友誼。

      我最討厭、最畏懼被背叛。

      當下的辛實在令我骨寒毛豎。

      「你地宜家打算點樣逃走？」Ashley驀然一問，說中了一切的關鍵。

      「逃走？真係逃走？」范國富笑起來，「我就相信外面社會既能力，就算呢度發生咩事，好快防暴警察甚至係軍隊都會入嚟拯救我地。傻仔先會搵命博，受咗傷成為果班癲佬既一分子。何況，我仲有大把財富要我去獨享，我唔要呢個時候冇咗條命。」

      「香港真係好多傻的嗎仔……」阿毛繼續加以調侃。

      「咩係傻的嗎仔？」

      「你未係囉。」

      竟然有人依舊相信我們可以安然待在原地等待外面的救援。

      從來沒有這個選擇，如此只是坐以待斃，成為即將破產的守財奴。

      「其實，出面發生既事都唔係好嚴重姐……」Sunny雙目無神，「我比較擔心會冇咗分工多D……其實……應該冇事掛，我地宜家有多於充足既糧食，應該至少挨到幾十日。成個月，出面應該點都有救援掛……講真，如果受傷，就冇命離開架喇……」

      這個時候性命不保，居然還依舊擔心工作，果然為勤力的香港人。有人說，香港人是最勤力的人，我也同意，只不過大部份人僅為主子勤力而已。

      自己的生命，他們從來沒有勤力過。

      「原來你地唔想逃走？」Toby冷冷拋下一句，或許多少跟范先生有外遇一事有關。

      「唔係。不過我要你地幫忙，一齊化解難關。」范先生的嘴角揚起，陣陣酒臭味傳來。

      Ashley又別過臉去，咳嗽了幾聲。

      「我地係一個失蹤既同伴手中搵到一條或者好關鍵既線索，係一條虛線嚟。」Toby轉頭，盼望著我端出那張筆記。

      我連忙拿出Mktor的筆記，要不是心神恍惚，我應該一早提出如斯重要的東西。

      待拿出了那張A4紙筆記後，范國富一手奪過去，粗暴無禮。

      這次我忍耐你，若果你夠膽再瞄多Toby的大腿一眼……

      「What the？」

      辛大叫起來，震耳欲聾的聲量嚇得我們都敬他而遠之。

      「做乜勁？」阿毛身子顫抖的辱罵著辛。

      莫辛站起來，不間斷的轉著圈，頃刻已經轉了十數個。

      事情有點兒不對勁……

      「乜鳩啊妖。」阿毛上前，擺出一副欲揍辛一頓的王八蛋臉。

      「廢青，呢個時候仲掛住玩……」范國富拍打著脹鼓鼓的肚皮。

      阿毛嘗試止住辛，抓緊了他的肩膀。以往這樣的舉動，已經足以停住轉圈成怪癖的阿Sam，然而此刻的他深色慌張，絲毫沒有停下來的意思。

      終於，十秒後，Toby站了起來，一手拍住了辛的肩頭。

      「What the don’t touch me！」辛如失心瘋似的，一拳過去Toby的臉頰。

      我連忙撲上前，心知不妙。

      待我再次張開雙眸時，卻發現，Toby的右手有力的握住了辛的右拳，這實為令人驚訝。

      「冷靜D，發生咩事？」

      Toby如親姊的溫柔詢問，相信足以融化每一個男生的心靈。本來驚惶如焚的辛終究停止轉圈，大口大口的喘著氣。

      大家這時候都乖乖的靜止了說話，焦急如置身熱鍋般期盼著辛發表論述。

      「發生咩事啊辛？」Sunny終究選擇主動開口。

      氣急敗壞的辛還是難以平復心情，聲音顫抖不已：「我……我……」

      「Hi你，講就講啦。」阿毛恥笑道，卻被咳嗽不停的Ashley按住了嘴巴。

      又過了半分鐘的時間，辛才冷靜下來，然而聲音依舊急促：「I get what the dotted lines meant。」

      在場的所有人均擺出了副訝異的神色，凝望著他。

      什麼……辛知道？

      「你點撚樣知道啊？」阿毛不敢靠近辛，生怕刺激性的舉動又會嚇到他。

      他上氣不接下氣：「Fuck off……點解我之前冇consider到……」

      「辛，」Toby搭著他的肩頭，禮貌的柔笑：「求你講一講，發生咩事？」

      「兩年前，即係Form4……啊Tor曾經問過我一個好奇怪既問題……」辛喘著氣，擺出一副剛剛被嗜血野獸追殺玩的狼狽樣子，「佢問我，係咪有一D大廈係採用管道式既垃圾收集系統處理家居廢物。」

      「即係點……啊……哇……」范國富張口結舌的，恍然了解了什麼。

      「老實講，香港係上個世紀末已經開始咗呢種高樓大廈流行既垃圾收集模式，非常方便。當唔同層數既居民將垃圾擺放係唔同層數既垃圾房，收集係極為唔方便。有建築師就設計咗一套系統，就係有一條垂直既管道槽，連接住咁多層數既垃圾房，然後清潔工只需要透過每一層垃圾房連接住管道槽既窗口拋下垃圾袋，垃圾袋就會直接跌落管道既底部，而定期，多數係daily，就會有垃圾車將底部收集既solid waste收集。Bingo！」

      我的心注入了紅紅熔岩，感到了一陣希望的色彩。

      「又會問D咁既野，點解既？」Ashley掩著嘴巴。

      「Tor佢同我講話想做一個關於真空垃圾自動收集系統既IES……其實咁難，我都覺得好難做，anyway，great discoverery！」辛打著轉，雙眸睜得誇張地大。

      垃圾槽。

      怎麼我們沒有想到這一點？

      「Toby……」我凝望著一臉驚愕的短髮少女，「你地唔係主客咩……點解你地會唔知？」

      Toby紅著臉，羞愧的低下頭來：「嗯……我地知道有垃圾房，但係每次拋完垃圾，都冇理會係如何處置……」

      「廢青，港孩。」范國富做了一個抽煙的手勢，「雖然我都唔知，個單位係我比錢Honey自己購置，落佢名。」

      「屌，係好撚興奮，不過點解你咁肯定get到Mktor條hihi既意思？一條虛線，可以係好多意思架wo。」阿毛神色透露興奮，然而他的話亦不無道理。

      「Because……望下D虛線既分叉點……我果時候同埋Mktor講過，第一代既真空垃圾自動收集系統有一個壞處，就係並非每一層都設立垃圾房，如果唔係成本太高，所以係每隔幾層先有垃圾房連接垃圾槽。」辛凝視著那粗體的虛線。

      兩分鐘後，范國富吩咐Sunny不知從哪個木櫃遞來了一張A4的圖片，那是……樓宇設計圖？

      竟然會有這種東西。我接過設計圖，與眾人端詳著。

      我一臉驚訝的注視著眼前的圖片，原來那是這棟樓宇的設計圖，清楚說明著當中的設計。

      「呢棟大廈，每5層就會有一個垃圾房，即係6、11、17、22樓都會有垃圾房，設係防煙門旁邊。」范國富拭抹著口中的酒跡。

      什麼？出口？

      我們目瞪口呆的凝視著眼前的富豪，他哈哈大笑起來：「很想要吧。」

      阿Sam指著該樓宇設計圖：「管道因為要比大型垃圾袋順利通過，所以裏面既闊度係人既身軀可以輕易通過。通道既終點就係──」

      「垃圾站！」我們異口同聲的叫了出來。

      垃圾站，亦即外面的世界。

      「我地……宜家應該去11樓。」Toby的呼吸也變得急促起來，她由心的微笑了。

      就像於寂寞的荒漠中，驀然目睹方圓百里之外的一口井，不知裏面是否還有水源，然而至少希望就擱在遠方，至少是這樣。

      Possible Exit 4，Unlocked。