第一百一十五話:《夢瑤篇-佢叫我Ashley

 
      「好多謝你救咗我同阿騰。」

      「小姐,你正係訓咗幾個鐘,就起身?」混血男報以微笑。

      烈日當空,13樓電梯大堂。瘦弱的毒男還在一旁趟著,昏迷不醒。

      女孩站起來,坐在混血男的旁邊,近乎貼著混血男的身軀。





      「對一個陌生既男人如此欠缺戒心,並唔係明智之舉。」

      「咁我都冇需要同你保持距離,我選擇相信你係好人。」女孩淡然一笑,「如果你要殺我或者侵犯我,頭先數小時你已經可以做到,唔需要等到我醒先郁手。」

      「如果我宜家要郁手,你都阻唔到我。」

      「亦都因為咁,我坐係角落或者坐係你隔離都係冇分別。」

      「嗯。」





      兩人會意而笑。

      驀然,阿騰喘著氣,口中呢喃著「等埋我」之類的話,眼睛卻依舊緊閉。

      「放心,佢只係發噩夢。」男人從黑色大衣裏拔出了一條朱古力條。

      「佢呢四日每次訓覺都發噩夢……」女孩沉思著。

      「我都係。」





      「每一次?」女孩抬頭凝望著混血男。

      「每一次都發噩夢,而且內容驚心動魄,可能同埋呢棟大廈既煙霧病毒有關。」

      「但係除咗你同佢,其他人都冇特別發噩夢。」

      「唔係,你都有。」

      女孩默然數秒,接著繼續道:「咁你有冇受傷?」

      「有,左手擦傷少少。」

      「你係咩血型?」

      「你要知道嚟做咩?」





      「可能同埋血型有關係,其他人受傷會變成失常者,不過你同我個同伴就冇事。」

      「你個同伴係稀有血型?」

      「原來你都係。」

      混血男微笑:「TYUA陰性,聽講你地漢人只係得0.2%既人擁有呢種稀有血型,但東歐民族比例就高好多。」

      「可能就係因為血型特性,如果傷口細,滲入體內既毒氣少,感染程度低,就只會係發夢既時候先會失常。」

      「失常?」Cancer眉頭皺起。

      「失常只係唔習慣背後隱藏既事實,」女孩把腳翹起,「人最恐懼既,只係真實既自己。」





      Cancer無言,因為他的確在夢中經歷自己的心理陰影。

      「即係,我同你個男朋友一早失常?」

      「佢唔係我男朋友,請唔會誤會,」女孩的笑閃過一陣無奈,「不過意思的確係咁。」

      「嗯。」

      「你都未答我,點解你有哮喘藥。」女孩凝望著放在電梯旁的激動藥,「你就好似神派嚟既使者一樣,係我即將斷氣既時候,救咗我一命。」

      混血男卻沒有理會女生,凝視著通風窗的位置,女生把視線轉移一下,也看到了那觸目驚心的一幕。

      女孩甚至嚇得差點兒叫出聲來。

      「冇事,放心。」混血男擁著女孩,不過還是沒有拔出手槍,甚至沒有站起來。





      女孩極度不理解混血男為何如斯冷靜,即使是具有高超跆拳道造詣的Toby,也不會擺出如此鎮靜的模樣。

      通風窗外,一個蒼白的臉湊近玻璃,頭歪向左邊,雙目朝上看,一動不動。

      他竟然還沒有死……

      女孩與Cancer一直坐在電梯口旁邊的位置,同樣打量著凌哥。凌哥並沒有採取行動,不過其不懂聲息的姿態實在令女孩頓生寒意。

      「佢好危險,可以係窗外瞬間移動……」

      「我知道。」

      Cancer牢牢的摟住了嬌小的女孩,直到半分鐘後,一直貼緊窗邊的蒼白怪物躍動起來,瞬間消失於兩人的視線。





      阿騰還在昏睡中,口中喃喃自語。

      「我同呢隻怪物交過手,單靠槍械係殺唔死佢。」

      「既然係咁,點解你仲咁淡定……」

      「因為我地交過手,佢應該好清楚若果夠膽靠近到我半米既距離,佢就會身首異處。不過,佢憑住稍為比我疾快既速度,係窗外爬嚟爬去,我根本無法接近佢。因此,係我無法遠程殺佢既同時,佢都唔能夠接近我。」

      「嗯。」女孩認為沒有必要了解細節。

      「啊Sorry……」混血男這時才醒覺過來,尷尬的鬆開抓緊女孩的右手。

      「唔會,」女孩淡然一笑,「我大概知道你係一個點既人,有一段點樣既經歷。」

      「我都睇得出你係一個好與別不同既少女。」混血男苦笑。

      兩人回復沉默,而凌哥亦沒有再回來。

      「你可唔可以幫我一個忙……」女孩驀然打破寂靜的氛圍。

      混血男向女孩望過去,女孩續道:「可唔可以比兩個我。」

      「你點發現到……」混血男首次露出了訝異之色。

      「係你擁抱我果一下,你件大衣裏面既野我全部都望到。大熱天時,著住件咁厚既大衣,一定有特別企圖。」女孩微笑著,「唔需要介懷我,我不過係習慣咗觀察。如果你要殺我,宜家都做到。」

      「我唔會殺一個岩岩先拯救咗既人。」混血男苦笑道,「點解你想要?」

      女孩挨近混血男,兩人對答了數句。

      混血男臉色一沉,兩人靠在一起,不聲不吭。

      混血男很想吐出幾句話責罵女孩一番,數秒後卻只是一笑:「你叫咩名?」

      「佢叫我Ashley。」女孩把目光轉移到阿騰身上。

      「咁你真名呢?」

      「對唔住,無可奉告。」女孩傻笑,「你呢?」

      「Cancer。」

      「唔會有人叫呢個名。」

      「咁你都唔係叫Ashley。」

      「我個假名停落去好合理,你個名就比較難以令人相信係真名。」

      混血男愣住了兩秒,真摯一笑:「係囉,都唔知邊個作個咁既名出嚟,正傻瓜。」

      「嗯。」女孩微笑。
高登已經開到結局篇Post,多謝你地!
若果喜歡呢個故事,懇請大家去新Post比個正評,對在下係好大既支持!
http://forum5.hkgolden.com/view.aspx?type=SY&message=6358573
多謝一直以來既支持!!!!!