班長?
同班長一模一樣樣。
前世既記憶即刻湧現哂出黎。

無錯,呢個係班長個樣。
記憶入面既果個好靜既女仔。
好正經,好似咩都唔諗既女仔。

但係……點解?





我:「點解……你會係到……?你真係班長?」

班長笑左一笑,然後講:

「既然你可以係到,點解我唔可以係到。」

前世既人……今世都眾集哂係到?
去到呢個世界?

我:「Alice呢?你知唔知Alice係邊?」





班長搖一搖頭。

班長係黑騎士,實在好難相信呢個事實。
我以為自己既成就已經好高,但係估唔到呢個班長居然去到打贏地龍王既級數。
大概,我既成就,係佢面簡直不值一提。
不概係果個班長。

班長:「你好快D走啦。留係到無意思,蝴蝶女王既軍隊黎緊,到時你就麻煩。」
我:「點解你要救我?」




班長:「大家都係轉生者,救你有咩問題?」
我:「但係……」

但係明明以前都無乜點同過班長講野。

班長:「起碼……相識一場,點會忍心睇住你死……正常黎講……」

咩意思?

班長拍一拍我膊頭,戴番頭盔。
一步就跳左過去魔王城。

黑騎士……班長……
佢個樣大概係用幻像魔法整出黎。
應該係為左見我先至變成班長、前世個樣。




即使係幻像,我都好清楚咁明白到佢就係班長呢個事實。

姐係話,呢個世界,除左我之外,仲有其他既……轉生者。
轉生者,頭先班長係咁樣自稱。

既然係咁,會唔會係我地班十個同學都係轉生者?
我要去搵番Alice。

呀,唔係,首要目標係打低魔王。
我係勇者。
勇者同魔王,好似以前個世界果D GAME咁。
勇者要打低魔王,呢個係我既任務。

所以,跑番去啦。
盡快趕番去戰線上面。





跑左一段路,回頭一望。
蝴蝶女王應該係同隻火龍打緊。
班長呢?班長唔會死左掛?
應該唔會……但係始終有D擔心……

點解我要為敵人擔心?
無錯,我係王國既將軍,點解要擔心佢?

我係將軍定係一個學生?

我既身份究竟係咩?

我係呢個世界既人,定係轉生者?





後面有人!
係邊個!

「太慢啦!」

佢一手捉住我個人。

係教皇大人!

「發動空間魔法!」

咦?
呢到係?

轉眼間,我已經番左黎王宮。





女王大人好嬲咁望住我。
係傳送用既大型魔法?
一個人就用到?不概係教皇。
呢個教皇既魔法比起我果個衰鬼仲勁。

「有無搞錯呀你!投降?你未死過呀?」
女王大人發火。

點樣平息佢既怒氣又係另一個故事LU