嗚呀呀呀呀!!!
因為無瞓過好覺所以犯鳩錯撚左好多個大錯呀呀呀!!!
挨夜整外神,唔小心放左隻外神出黎。
之後去搵堅系令囡,唔小心係堅系令囡同肥婆蓮面前爆響左堅系令囡既真身。
之後唔覺意打到佢兩個重傷……

唉。
依家應該點樣做先好?
堅系令囡無哂戰意,比我打到昏迷左。
就算醒番,佢應該都唔會繼續幫我手侵略王國。




肥婆蓮都係一樣。
嚴格黎講,呢兩個人都比我打到HP變左0,只不過我用左權限令到佢地未死住姐。
總之,依家DOM佢地落去外神三號既異空間到先。

我整左三隻外神。
外神一號,唔記得叫咩名,暫時未用到住,大概會係我既祕密(一人)部隊。
外神二號,放左出黎同果三隻神打,似乎比果三隻神封印住左係王宮地底。
外神三號,負責幫我手管理我整出黎既異空間。

異空間其實無咩特別,只不過神唔可以係入面行使佢既權限姐。





好。
依家應該點做?

用權限將自己個樣變成堅系令囡個樣,再指揮軍隊。

然後,就發動總攻擊。
唔理啦,速戰速決。
咦?
我做緊乜?




我既目標應該唔係打爆王國。

外神都已經整好哂……

其實,依家做咩都無乜用。
歷史係注定既。
無論我做D咩都改變唔到過去。
姐係話,係呢個時代,我無可能殺得到天照佢地。

其實一切都已經準備就緒,可以番番去未來對天照發動真正既總攻擊。

不過,咁樣唔好玩。
起碼,都要撚番佢地先。

命令外神一號依照我既技術去整其他外神出黎。





然後,要魔王軍發動攻擊,轉移天照佢地既視線。

「你係……蜘蛛女王?」
突然間,身後有一個人講野。

係蝴蝶女王。
魔王既親衛隊應該比我全部殺哂。
係趕到黎既緩軍?
睇黎比佢見到我既所作所為。

殺埋佢啦。

「等等先!你……係神?」佢問。
YES。




「唔好殺我住,我願意為你效勞。」

岩啦。
就開權限,將蝴蝶女王變成堅系令囡個樣,同時比佢有堅系令囡既力量。
要佢指揮魔王軍。

然後,我就扮成堅系令囡個樣。
直襲王宮。

空間魔法。
直接轉移去王宮果到。

外神二號係到同三大神打緊。

「魔王大人,點解你係到……」





係芬里爾,係果隻魔狼。

「撤退先。」我同佢講。
「呢隻堆爛肉究竟係?」佢問。
「你走啦。」
「魔王大人,請你一定要剷除呢隻怪物。」
「你走啦,我唔想搞大佢。」

明明外神二號救左你,你居然要我剷除佢。

唉。
佢係因為見到外神二號殺左咁多人先至要我剷除佢?
渣GA
婦人之仁。





我無時間理外神二號同三大神。
我既目標係--

MK妹一號。