背部一直係到流血。
好痛。
我趴左係地上面,望住黑騎士。

香港,夜裡既街道。
好痛……就黎思考唔到。
但係,就算係咁樣既我,都一眼睇得清發生緊咩事。

黑騎士背叛左我。
然後,黑騎士同所羅門王兩個人入面,其中一個係神。




佢兩個係夾埋既。

其實我都應該清楚黑騎士唔一定會順從於我。
我只係一直對呢件事視若無睹姐。

首先行過黎既,係所羅門王。
唔係……
佢的而且確係所羅門王,只不過佢有另外一個身份。
佢變番做以前個樣,燈泡。
上古時代,我並無殺到既,果個大賢者之妻,姐係肥婆蓮。





「點解你要殺Alice,仲有MK妹佢地?」佢問我。

我拒絕回答。

佢放棄左,然後坐左係地上面,望住我。

「奧丁係我殺既,所以我奪得左佢既權限。」佢講。

「哦。」我回答。





無咩驚喜,其實都大約估到……
不過本來我係預計得到權限既人係黑騎士。
其實我本來係咪想黑騎士制止我呢?
唔知道。

然後,我望住黑騎士。
海龍王。
如果話佢係天照既卧底,咁又講唔通。
無論去到呢一刻先黎阻止我。
佢係咪憎我憎到不昔轉生做左海龍王等幾千年,等到黎呢一刻先黎復仇呢?

「點樣呀,由最高既果一個位跌落黎係咩感受?」黑騎士問。

「你好憎我?」我問。





「嗯。」

「點解?」

「我係轉生者。」佢回答。

「我知,但係似乎比起肥婆蓮,你更加憎我,班長。」我問,然後燈泡皺左下眉頭。

「係,因為我同佢地唔同,我係轉生者。」佢講。

「唔明……」

佢笑一笑,然後變成海龍王個樣。
之後,佢再變成班長個樣。




之後,再變成白雪。

「咩意思?」我問。

「你轉生成為左一隻蜘蛛怪物,阿蓮佢轉生成為燈泡,而我轉生成為海龍王。」佢講。

「係,我知。」

「只不過我既情況有少少特殊,我經歷左兩次轉生。」佢講。

「咩話?」

「我係白雪,死左之後轉生成為一個香港既學生,而學生死左之後,轉生番番去果個世界變成海龍王。」

……





我無咩說話好講。

「點解你當初要殺我?」佢問。

答唔出。
當初殺佢既理由,我已經唔記得左。

「點解呀?」佢抓起我。

「身為一隻魔物,比人類攻擊,點解唔可以還手?」我答番佢。

佢鬆開手,DOM我落地。

「去死啦。」佢講。





係。
去死。
終於都解脫。

然後,我死左。

GAME OVER。

垃圾GAME。
垃圾驚……始終都係垃圾驚。
無論邊個世界,都只係一個垃圾驚。