自殺以後，進入了RPG的世界: 連接

不死族既魔王已經死左。
對外宣稱係咁。
話經過大賢者一番人既努力下，成功收拾左不死族魔王。
對外宣稱姐，並唔係真既。

「所以呢，你想點？辭職？唔撈？」蜘蛛女王問我。

當然啦，呢一個蜘蛛女王係惡魔族魔王。
並唔係果三師姐，當年果隻蜘蛛。





「唔係，我仲想保留呢個銜頭，不過可唔可以對外宣稱我真係死左？我想去下旅行先，放心啦，我仲會返黎既，就當我比我放個大假啦。」

蜘蛛女王睥住我。

「唔得啊？」我問。
「批準。」

有驚無險咁離開左魔王城。
估唔到隻蜘蛛咁順癱，咁就比我走。





天照係出面等緊我。

「YO。」佢HI我。
無答佢。
「你依家諗住點啊？」
「唔知啊，四圍旅下行，見步行步啦。」

天照仲跟埋黎。
漫無目的咁四圍行。





「你會唔會想去同蝴蝶打，甚至同果一隻蜘蛛打？」
「唔啦，我知我未夠班。」

嘆氣。
真係打唔贏。
邊有可能贏到。

我轉換型態，收埋哂D尾呀、鉗呀，變成個人樣。

「去旅行？」
「嗯，旅行。」

去邊啊？
實在諗唔到。





「嗯。我知你想去邊。」
天照望住我。

我想去邊？

「返一返歸啦！」
天照退後兩步。

消失左。
成個世界消失左。
然後，我黎到既地方係……

香港。

呢到係……




我屋企？

都幾細下既一間公屋。
電子日曆上面寫住2016年7月13日。
我確確實實返左黎香港。

印象中，我係三個月前，姐係4月果陣自殺。
果陣飲醉酒，由高空跳左落黎。
間屋咩都無變化。
完全無人黎執過我間屋。

正當我想伸手去拎個日曆時，發覺隻手穿占左。

「錄像黎，呢到並唔係現實。」
天照講。





「錄像有咩野意思？」
「我無空間魔法同時間魔法，帶唔到你返去，只可以去問呢邊世界既神借個REPLAY用一用。」
「你帶我返黎，有咩野意思？」
「你無想見既人咩？」

無人黎過執屋。
唔好講朋友，連親人都無。
我點會有想見既人啊？

我行落街。
明明仲係朝早，但係見到天色好暗。
仲係咁行雷，好唔正常咁係咁行雷。

我繼續向前行。




淨係見到有道雷打左落間學校上面。
無心情去理。

行左搵佢……啊，唔係。
呢個鐘數，佢應該係返緊學。

我行去學校。

雷聲已經停止左。
好混亂，好多人係到尖叫。
發生緊咩事。

行入去，發現有條屍……
由高空跌落黎屍體。
有個學生，由高處墜下，身亡。
向上一望，見到個女人。
黑暗精靈？絕對係RPG世界既種族。

佢係到笑，然後消失左。

我咩都唔理，繼續衝上樓。
見到D人好驚咁係咁跑。
究竟發生左咩事？

我跑到去果個人所在既班房。
所有人……暈哂係到？
猝死哂？

我行埋去。
想抱住佢條屍。
但係，雙手，穿左過去……抱唔到……