自殺以後，進入了RPG的世界: β. 子彈蟻

毛毛細雨。
右手郁唔到，麻痺左。
我同風龍王只可以坐係油麻地某座舊樓既天台上面。
等待……唔知等緊咩。

我選擇既同伴係風龍王。
風龍王變左做人既型態。
外貌同一個普通既女仔無分別。
綠色微卷既長髮。
尖長既耳仔。




就好似係個異國美人一樣。
有種難以形容既氣質。

我地黎到香港。
7月14日既香港。
亦姐係Alice佢地全班轉生之後既第二日。

風龍王無乜傷。
可能呢D就係經驗既差距，佢好似無乜點中過子彈咁。





我地比蜘蛛傳送黎香港既時候，即刻比一班奇怪既部隊襲擊。

子彈蟻。
特種部隊既名。
就算用特殊技能，情報掌握，對呢個部隊都只係一知半解。
淨係知道佢地係Uncle Sam既一支部隊。
同其他既斬首部隊好唔同。
僅此如此。

Uncle Sam要襲擊我地？




我地既敵人係Uncle Sam？
點解會咁？
佢地同Alice有咩關係？

如果係普通既特種部隊，應該唔會用到咁奇怪既裝備。
帶有神經毒素、麻痺毒素既子彈。
正常黎講，用得槍就應該係要直接殺死對方架啦？
如果唔想殺對方，先會用麻醉槍。
之但係子彈同時帶有毒素。
姐係話特種部隊既敵人，無辦法同步槍快速擊殺？
既要用子彈，又要用毒攻擊。
就好似專門用黎對付怪物既武器。

——就好似我同風龍王咁。





我同風龍王逃走到一座大廈入面。
走到去天台之上。

養住傷先。
似乎佢地仲未打算強攻入黎。

無人既城市。
呢個香港好奇怪。
一個人都無。

明明係熟悉既街道，但係一個人都無。
我開始懷疑，呢到究竟係咪真係香港。
無人既城市。
特種部隊。
莫名其妙既事實在太多，我依家都唔知點做先好。





不過肯定既係，我地首先要避過子彈蟻既攻擊先。
天台道門無打開既跡象。
佢地打算放過我地？
咁樣實在係太奇怪。

然之後，有個無人機飛左上黎。
無人機上面有枝機槍。

「暴風結界」
風龍王即時張開左結界。
暴風擋住左子彈。

隨後，又有幾部無人機飛左上黎。
今次係火箭炮。




風龍王張開弓，疾走上去。

「魔法迴避」
風龍王一下消失左，半秒之後出返黎，避開左攻擊。
然後引弓一射——
「散射」
幾枝箭至弓而發，正中幾架無人機。
無人機應箭爆炸，紛紛被風龍王擊落。

呢個時候，一部直升機飛埋上黎。
上面有個人拎坐機槍，向我地掃射。

「蠍尾射擊」
打唔中，機師控得好好！
但係我比佢地既攻擊打中。




全物唔知幾多個地方中彈。
好痛。