可惡呀!
第3層……搞就黎左第三層。
唔得惦,要上番第一層先,空間魔法。
[尤克特拉希爾地下城第2、3、4、5、6、7、8、10層無法使用大型魔法]

咩話?
首先空間魔法只係傳送我去第二度,搞都叫大型魔法?
然後,呢個地下城究竟有幾多層架仆街!
[10層]
……算啦,不過,第9層一定有問題。




第1層咁Q多人,比人用空間魔法都唔係咩問題,但係第9層咩料?情報掌握。
[尤克特拉希爾地下城-第9層:不明。]
不明?
咁奇怪?咁,第3層咩料先?
[尤克特拉希爾地下城-第3層:一個巨大的山洞,中間存在巨大的湖,似乎是某個文明的古遺址。建築荒廢後,成為大量生物的巢穴,當中存在稀有而強大的生物,就算是頂級的冒險者團隊在這裡也會非常危險。第3層是冒險者能到達的極限。]

痴媽根,講到咁危險,我都係走先。
唔撚係掛屌,果幾隻狼守係第2層既通道到又唔敢黎第3層,係到睥住我。]

咁鳩煩架!算數!我走落第9層再用空間魔法番上去咪得囉!




屌,我有走落得9層既實力就可以打番上去第1層啦!
衰狼!一係我升高D LV,再番上去打鳩佢地。
問題係,點升LV?
第2層既狼我都打唔贏,何況係第3層?

睇番四圍環境,同情報掌握所講既一樣,有巨大既湖,湖上面有座半倒塌既塔。
除此之外,四圍都係山石,果D叫咩乳鐘岩應該係指呢D啦掛。
好陰森,以前既我一定嚇到瀨尿。
行過去湖果到先,水上面有生物喎!





水蜘蛛 LV49

HP:4725
MP:5111

力量:369  敏捷:544
防禦:479  魔力:541

唔算難打,好似係,每一隻既STATUS都唔係高我非常之多,1.5倍到啦~不過有好多隻。
走人先,好得人驚。
呀!

死亡蝙蝠 LV48

HP:4655




MP:4977

力量:472  敏捷:511
防禦:413  魔力:528

都係好多隻,好勁。
點打呀!
唉屌!
唔撚驚!
好似魔王城果陣咁,殺微型蜘蛛囉!
唔知有無呢?
咦!有喎!有好多隻喎!

微型蜘蛛 LV63





HP:6347
MP:7284

力量:596  敏捷:824
防禦:642  魔力:697

對唔住大佬!
我睇小你地係我唔岩!
我走先!
估唔到咁細隻都咁撚恐怖……細隻有細隻好,屌!早知揀微型蜘蛛啦!

行行下,行到去其中一個盡頭,係隻68LV既蜂后……見到都唔開胃,走先。

唔惦!咦?





一隻巨大既龍走左出黎,一下咬隻蜂后,四圍既黃蜂支援,但係隻龍兩下就咬死左蜂后。
好得人驚呀屌!

水棲暴龍-維京 LV76

HP:15854
MP:8254

力量:1753  敏捷:1528
防禦:1482  魔力:1190

我屌!
佢有名,應該係呢區既BOSS……
佢好似見我唔到,走左人。
腳軟……




好得人驚……
地下有灘水……
屌!唔好誤會呀!我18歲架啦!我無瀨尿啊!D水唔係我整出黎架!
信我呀!點解唔信我啊!
笑咩呀你!隻抽呀!
呀!
又有水滴落黎。
邊條友滴濕我個頭呀!
舉頭一望,怪物呀,怪物痴住係天花板呀!

蜘蛛爬行者 LV50

HP:5268
MP:5069

力量:534  敏捷:328
防禦:536  魔力:510

SHIT!
好撚核突!
係一隻綠色既人形怪物,不過佢手手腳腳都係拎黎爬,個頭應該係人頭,不過有蜘蛛既眼睛同牙齒。
好心寒既怪物!
蜘蛛鋼絲!不過係佢用既!
呀!我比蜘蛛絲打中左呀!
屌!
佢跳落黎咬我!
唔通係蜘蛛毒牙?唔係掛?我同呢隻核突野係同類?屌我要求立即望進化!
咦?係喎,我免疫毒攻擊。

我擺脫開佢,然後,全速走人。
佢行得唔夠我快,YES!
SHIT!又係蜘蛛絲!屌!好煩膠囉!要求BAM左呢招佢!
佢又走左過黎,用雙手捏住我個頭!
哇!屌!技能黎?扣咁多血既?無左成1000幾血啦!
好辛苦先走得甩,然後佢又開蜘蛛絲!
無咁易!

到我用!
必殺技!蜘蛛鋼絲!
包住左佢啦!
我以前都做過人類,知道人型生物既弱點係咩!
就係背脊!
佢趴係到爬,只要我跳上去,坐住佢,佢就郁唔到啦!
喝!
蜘蛛毒牙!蠍子毒尾!
哇!2%、2%咁扣,好高效率!
佢係咁叫,但係救唔到佢!
再配合毒素激發,咁就扣左佢2000幾血。
爽呀!
反正佢郁唔到,係咁比我任打,就打死左。
仲升左1LV添。
孤鳩寒,先得果1LV,我呢到明明係死戰黎架屌屌屌!

算啦!
總算發覺到有方法可以係呢層到存活落去。
等我呀!第9層!