自殺以後，進入了RPG的世界: 史上最大的危機

麻煩啦，今次真係麻煩啦。
今次真係史上出現過既最大危機。
時間要去番幾個鐘之前。

「終於打低左啦，打低左歐西里斯。」
白雪除低左黑騎士盔甲，然後望住我。
嗯……
「你究竟有咩人，點會有D咁樣既道具？」
Errr……點答佢好？
「你唔會真係魔王下話？」




死火……
「不過，魔王又點會黎我地。大賢者老人家真係犀利，你呢件盔甲係大賢者到偷出黎架？」
「係……」
「不過今次真係全靠你，全靠你先保得住呢個城市。」
……
「係呢？不如，你做我既同件啦。我再重申一次，我係勇者，做我既同伴打低魔王啦。」
勇你個頭，你個翻版！我先係勇者囉好唔好！
「做咩唔出聲呀？」
好煩……走啦……唔好理佢。





「咪走住啦，過黎啦！」
去……去邊呀喂！

呢到係？
酒館？
……
轉個頭，我同佢入左間酒館。
木制既圓桌，木制既木椅，木制既酒杯，真係好有異世界既味道。
但係……
生前我都未入過呢D地方……




「打完場仗緊係要慶祝下啦！乾杯！」
眼前呢個女仔講緊D完全唔似係十八廿二既女仔講既野，表面上係個女仔，內心居然係個大叔。
唔會掛？佢唔會同我一樣都係……
應該……唔係？
突然之間，佢拎出佢把配劍黎扑我個頭。
「喂！出句聲啦！好悶呀！一場黎到，咁鬼靜既你？」
想死。
好煩。
完全唔想理佢。
點解會無啦啦比佢捉左過黎架？

好煩呀！！！
放過我啦……
「喂，做我同伴好唔好呀？唔？做乜唔飲呀你？」
救命……




「我叫你飲呀！」
然後，佢拎起我個木酒杯，將杯酒倒入我個口到。
嗚……嚕咕……咳咳……
好苦……
發咩癲呀？咁快就醉左？
想死。
本來以為係啤酒，但係感覺上又唔似係，雖然我以前都未飲過。
幾滑，幾灼喉，但係真係非常之苦，大概仲苦過之前第6層既果隻，甲由、蝸牛、蛆蟲三合一既果隻突變奇美拉蟲。
無汽既……睇黎呢個世界既釀酒技術並唔高。
與其話係啤酒，不如話係一杯勁苦既水。
呢個世界既人都係飲緊D咁既樣？
難以想像。

等等！
然後，白雪又用叉拮起左舊小食，一舊白色既唔知咩黎，然後塞入我個口。




之後，佢就醉住，伏係木台到唔郁。
等等……痴線架？
哇！呢回事？咁苦、咁乾、咁臭既？
一定有問題？
連D小食都苦過DeeDee，一定有問題啦！
我望下四周圍既人，其他人都若無其事咁食野。
吓？呢個世界既人既味覺都有問題？
白雪又再塞左白色野入我個口。
咳……哇……屌……你……咩……
[腹痛(30分鐘)]
哇屌！
又黎？悶唔悶D成日肚痛？！
冷靜少少先……
酒館食野肚痛……？
呢碟咩野食黎架？




[乾炒突變型突美拉蟲]
……
痴線架？
咩料呀？比D咁既人食？

我望一望個老細，個光頭大隻佬，原來個老細啤住我。
吓？
我望一望白雪，佢果杯野同我果杯野、我面前同佢面前既果碟小食都係唔同。
吓？
唔得，我真係好痛……發生咩事？點解要咁做？
唔係掛？個老細妒忌我？
睇真D，白雪其實都幾靚。
銀白色既長髮，藍色、銀色輕便盔甲包住既身體。
皮膚好白，纖細，完全唔似係一個冒險者。
唔算太高，亦唔算細粒。




醉左既佢，嘴唇變得紅潤，一呼一吸，打開，關閉，打開，關閉。

搞……搞錯……
係喎，依家既我……用緊既幻像魔法……並唔係……女性既小蛛蛛，而係男性既痴線蜘蛛D蜘蛛絲癡住枝樹枝……
衰人……我要殺左你……
唔得啦，痛到要壞掉了。

拿拿臨……比錢……就人啦……
我推白雪，但係佢唔醒。
頂！
算啦……
我拎銀包出黎……
銀包？
由頭到尾都無D咁既野！
我係一隻蟲……大自然係唔使用錢架……
吓？
咦？
錢呢？
原來我身上一蚊都無。

SHIT！！！！！
點算？
白雪，快D醒啦！
醒呀！
唔郁。
GG
玩撚完。
唔緊要，我搜佢身，搵下佢身上有無錢。

等等？真係要咁做？
真係？
我個幻像係男性……
……
會唔會比人當係癡漢架？
喂……太遲啦，個老細行走過黎，捉住我隻手。
GG